قازاقستاننىڭ جەتەكشٸ ينفەكتسيونيست دەرٸگەرٸ, مەديتسينا عىلىمدارىنىڭ دوكتورى ديناگٷل باەشەۆا قازاقستان كوروناۆيرۋس ينفەكتسيياسىمەن كٷرەس تەسٸلٸن نەلٸكتەن ٶزگەرتكەنٸن ايتىپ بەردٸ, دەپ حابارلايدى قازاقپارات.
«قازٸر ەل ٸشٸندەگٸ «كوروناۆيرۋس جۇقتىرعانداردى الدىمەن جاتقىزۋ كەرەك دەدٸ, كەيٸن كەرەك ەمەس دەدٸ» دەگەن ۋەج ايتىلىپ جاتقانىن بٸلەمٸز. بٸراق كوروناۆيرۋسقا قاتىستى جاعدايدىڭ دا ٶزگەرٸسكە ۇشىراپ جاتقانىن ەسكەرۋ كەرەك. ەۋ باستا جۇقتىرعانداردىڭ بەرٸن دە تەگٸس جاتقىزدىق. سەبەبٸ بٸزدە مٷمكٸندٸك بولدى. ينفەكتسييانىڭ پوپۋلياتسيياعا كەتٸپ قالعانىن قالامادىق. بارىنشا ۇستاپ تۇردىق. ال قازٸر كونتسەنتراتسييا ۇلعايىپ كەتتٸ. كەزٸندە ادامداردى جاتقىزعان كەزدە كەيبٸرەۋلەر شاعىمدانىپ, مٷلدە ساۋ ەكەنٸن دە ايتىپ, شۋلاسقان ەدٸ. بٸراق بەرٸبٸر اينالىپ كەلگەندە كوروناۆيرۋستىڭ ەل ٸشٸنە تاراپ كەتكەنٸن كٶرٸپ وتىرمىز», - دەدٸ ديناگٷل باەشەۆا دەنساۋلىق ساقتاۋ مينيسترلٸگٸنٸڭ Facebook پاراقشاسىنداعى «مينيسترلٸك حابارلايدى» ايدارىندا.
كوروناۆيرۋسقا قاتىستى جاعدايدىڭ ٶزگەرۋٸنە بايلانىستى ونىمەن كٷرەسۋدٸڭ ۇستانىمى مەن ەدٸسٸنە دە ٶزگەرٸستەر ەنگٸزٸلگەن.
«بۇل – حالىقارالىق ستاندارت. كەيبٸر مەملەكەتتەر بٸردەن ۇجىمدىق يممۋنيتەتتٸ قالىپتاستىرۋعا كٸرٸسٸپ كەتتٸ. مەسەلەن ەۋروپا ەلدەرٸنٸڭ كەيبٸرٸ ۆيرۋس تاراي بەرسٸن, تەك قارتتار ٷيٸن جابامىز دەستٸ. بٸراق ول ەلدەر قازٸر بەرٸبٸر ەكٸمشٸلٸك شارالاردى قولدانۋ كەرەك ەكەنٸن كەش تٷسٸنٸپ وتىر», - دەدٸ ول.
ديناگٷل باەشەۆانىڭ سٶزٸنشە, قازاقستان كوروناۆيرۋسپەن كٷرەستٸڭ جارقىن ٷلگٸسٸن بٸرقاتار مەملەكەتكە كٶرسەتە بٸلگەن.
«ال قازٸر بٸز وسى كٷرەس داعدىسىن ۇستانىپ, تىڭ امالدى قولدانا بٸلۋٸمٸز قاجەت. قازٸر جاعداي ٶزگەردٸ. سول سەبەپتٸ كٷرەس تەسٸلٸن دە ٶزگەرتۋٸمٸز كەرەك. اينالىپ كەلگەندە بۇل – ۆيرۋسپەن سوعىس. ۆيرۋس تاكتيكاسىن ٶزگەرتۋدە. بٸز دە كٷرەس تەسٸلٸن ٶزگەرۋٸمٸز كەرەك. قازٸر شۋ كٶتەرٸلٸپ جاتىر. سابىرعا كەلۋ كەرەك. شۋ ەشتەڭەنٸ شەشپەيدٸ», - دەدٸ ول.
