ەيگٸلٸ وتانداسىمىز ديماش قۇدايبەرگەننٸڭ «Be With Me» اتتى جاڭا ەنٸ بٷگٸن تسيفرلىق پلاتفورمالارعا شىقتى, دەپ حابارلايدى "ۇلت اقپارات".
جاڭا ترەكتٸڭ كٶپشٸلٸككە قولجەتٸمدٸ بولاتىنىن ەنشٸنٸڭ ٶزٸ بٸرنەشە كٷن بۇرىن Instagram پاراقشاسىندا جارييالاعان بولاتىن.
«قۇرمەتتٸ دوستار, جاقىن ارادا, ناقتىراق ايتقاندا 2 سەۋٸردە, بارلىق تسيفرلىق پلاتفورمالاردا ورنالاسقان Dimash Qudaibergen اتتى رەسمي اككاۋنتتان مەنٸڭ «Dimash Digital Show» العاشقى ونلاين-كونتسەرتٸمدە ورىندالعان «Be With Me» اتتى ەنٸمدٸ تىڭداي الاسىزدار», - دەي كەلٸپ, ٶز جانكٷيەرلەرٸنە العىس بٸلدٸرگەن.
Dimashnews پورتالىنىڭ جازۋىنشا, «Be With Me» ەنٸن ديماشتىڭ ٶزٸ ەرلەگەن. ەۋەلٸ دەمونۇسقاسىن نوبايلاپ, كەيٸن وعان قۇرمانعازى اتىنداعى قازاق مەملەكەتتٸك حالىق اسپاپتارى وركەسترٸنٸڭ باس ديريجەرٸ ابىلاي تٸلەپبەرگەنوۆ ويناعان دومبىرا پارتيياسىن قوسقىزعان. ديماش ەندەرٸنٸڭ تۇراقتى ٶڭدەۋشٸسٸ, ساۋند-پروديۋسەر ەرلان بەكشۋرين دەموجازبانىڭ مەنەرٸن ٶزگەرتٸپ, باستاپقى قۇرىلىمى مەن باس ەۋەنٸن ساقتاي وتىرىپ, قوسىمشا ىرعاقتار قوسىپتى. وسىدان كەيٸن ول ەدٸلجان تولىقپاەۆتى شاقىرىپ, دومبىرا پارتيياسىن قايتا جازىپ شىققان. بۇل تاندەمگە كومپوزيتور رەنات گايسين قوسىلىپ, كلاۆينەت پەن ٷرمەلٸ اسپاپتار پارتيياسىن كٸرگٸزگەن. مەسكەۋلٸك مۋزىكانت مارسەل حاكيموۆ باس پارتيياسىن قايتا جازىپ شىعادى.
ديماشتىڭ داۋىسىن دىبىس رەجيسسەرٸ داستان مەرعاليەۆ جازعان. ال اقتىق جازبا كەزٸندە ديماشقا بەك-ۆوكاليستەر راسۋل ۋسمانوۆ, دجوردان اراكەليان, زارينا بوجاكوۆا قوسىلعان.
وسىنشا ەڭبەكتٸڭ بەرٸن ەرلان بەكشۋرين DimashAli ستۋديياسىندا «پٸسٸرٸپ», تولىققاندى ترەككە اينالدىردى.
ساۋند-پروديۋسەردٸڭ ايتۋىنشا, ەن مەتٸنٸن دجوردان اراكەليان مەن دەۋرەن شامۇراتوۆ جازعان. دجوردان نەگٸزگٸ اعىلشىنشا مەتٸندە جازسا, دەۋرەن قازاقشا رەپ مەتٸنٸن شىعاردى.
«Be With Me» ەنٸ العاش رەت 2021 جىلعى 17 قاڭتاردا امەريكاندىق TIXR ستريمينگ پلاتفورماسىنداعى «Dimash Digital Show» ونلاين-كونتسەرتٸندە شىرقالعان ەدٸ.
Dimash DIGITAL SHOW ديماشتىڭ كوروناۆيرۋستىق پاندەمييا باستالعاننان بەرگٸ العاشقى جاھاندىق قويىلىمى بولدى.
