ەسٸمٸ بٷكٸل ەلەمگە تانىمال قازاق ەنشٸسٸ ديماش قۇدايبەرگەن TIXR امەريكالىق ستريمينگ-پلاتفورماسىندا ونلاين كونتسەرت بەردٸ, دەپ حابارلايدى "ۇلت اقپارات".
DIMASH DIGITAL SHOW - ديماشتىڭ كوروناۆيرۋس پاندەميياسى باستالعان سەتتەن بەرگٸ العاشقى جاھاندىق ٶنەر كٶرسەتۋٸ بولدى. اتالعان كونتسەرتكە دايىندىق جٷرٸپ جاتقانى تۋرالى ٶتكەن جىلدىڭ جەلتوقسان ايىنىڭ باسىندا ايتىلدى. بۇل جايىندا ەنشٸنٸڭ ٶزٸ دە ەلەۋمەتتٸك جەلٸدە جيٸ جازىپ, سٷيٸكتٸ جۇلدىزدارىنىڭ ٶنەرٸن ساعىنعان جانكٷيەرلەر دە ٷنەمٸ مەلٸمەتتەرمەن بٶلٸسٸپ وتىردى.
كٶرسەتٸلٸم اقىلى بولدى. بيلەت ساتۋدان تٷسكەن قاراجاتتىڭ بٸر بٶلٸگٸن ۇيىمداستىرۋشىلار قايىرىلىمدىلىققا بەرمەك.
«Dears, سٸزدەرگە كونتسەرت ۇنادى دەپ ٷمٸتتەنەمٸن! جەكە ٶزٸم جەنە مەنٸڭ توبىم سٸزدەردٸڭ العان ەسەرلەرٸڭٸزدٸ بٸلۋگە دايىن!», - دەپ جازدى ديماش قۇدايبەرگەن Instagram-پاراقشاسىندا.
ديماشتىڭ ەۋرازييالىق فانكلۋبى ۇسىنعان اقپاراتقا سەيكەس, ەنشٸ 19 كومپوزيتسييادان تۇراتىن باعدارلاما ۇسىندى. وعان «Olimpico», «Give me your love», «S.O.S», «War and Peace», «ليۋبوۆ ۋستاۆشيح لەبەدەي», «ماحاببات بەر ماعان», «قاراعىم-اي», «قايران ەلٸم», «Screaming» سىندى ەندەر بار.
سونىمەن قاتار ول «ٶمٸر ٶتەر» (ر.عايسين / ت.ارىنعالي), «كيەلٸ مەكەن» (ە.قۇدايبەرگەن / ق.ايتباەۆ), «Be with me» (د.قۇدايبەرگەن / د.اراكەليان, د.شامۋراتوۆ) سىندى جاڭا ەندەردٸ دە تىڭدارمان نازارىنا ۇسىندى.
Dimashnews.com پورتالىنىڭ جازۋىنشا, قازاق ەنشٸسٸ 6 تٸلدە, اتاپ ايتقاندا قازاق, يتاليان, فرانتسۋز, قىتاي, اعىلشىن جەنە ورىس تٸلدەرٸندە ەن سالدى.
ونلاين فورماتتا ٶتكەن كونتسەرت ەنشٸنٸڭ بٷكٸل ەلەمدەگٸ جانكٷيەرلەرٸنە ٷيدە وتىرىپ-اق ونىڭ ٶنەرٸن تاماشالاۋعا مٷمكٸندٸك بەردٸ. DIMASH DIGITAL SHOW كونتسەرتٸن ەلەمنٸڭ 100-دەن استام ەلٸندەگٸ جانكٷيەر كٶردٸ.
«مەنٸڭ العاشقى ونلاين كونتسەرتٸمدٸ تاماشالاپ, قولداۋ كٶرسەتكەن بارلىعىڭىزعا ٷلكەن العىسىمدى بٸلدٸرەمٸن. پاندەمييا بٸزدەردٸ ۇزاق ۋاقىت اجىراتقانى ٶتە ٶكٸنٸشتٸ. سوندىقتان دا بٷگٸن سٸزدەردٸڭ الدارىڭىزعا ٶنەر كٶرسەتەتٸندٸگٸمە قۋانىشتىمىن. سٸزدەردٸ كٶرمەسەم دە جان جٷرەگٸممەن ماعان ٷنەمٸ شابىت بەرەتٸن, جاڭا بيٸكتەردٸ باعىندىرۋعا قۇلشىندىراتىن قولداۋلارىڭىز بەن ەنەرگەتيكالارىڭىزدى سەزٸندٸم. سٸزدەر بٷگٸنگٸ شوۋدان تولىققاندى لەززات الدىڭىزدار دەپ ويلايمىن. تاياۋ ارادا سٸزدەرمەن كەزدەسەتٸندٸگٸمە سەنٸمدٸمٸن», - دەدٸ كونتسەرت بارىسىندا ديماش.
