قازاقستاندىق ەنشٸ ديماش قۇدايبەرگەننٸڭ جەكە كونتسەرتٸ العاش رەت كۋبانىڭ «Canal Clave» تەلەارناسىنان كٶرسەتٸلدٸ, دەپ حابارلايدى "ۇلت اقپارات" dimashnews.com سايتىنا سٸلتەمە جاساپ.
كۋبالىقتار ەلەمگە تانىمال قازاق ەنشٸسٸنٸڭ ٶنەرٸن «Canal Clave» تەلەارناسىنان تاماشالادى. بٸر ساعاتتىق باعدارلاما بارىسىندا ديماشتىڭ 2019 جىلدىڭ ناۋرىزىندا رەسەيدٸڭ مەسكەۋ قالاسىندا انشلاگپەن ٶتكەن «D-Dynasty» اتتى جەكە كونتسەرتٸنٸڭ جازباسى كٶرسەتٸلدٸ.
كۋبالىق «Canal Clave» تەلەارناسى ەفيرگە 2013 جىلى شىعا باستادى. تەلەارنا مۋزىكالىق باعىتتى ۇستانعان. كۋبالىق جەنە ەلەمدٸك دەڭگەيدەگٸ ەنشٸلەردٸڭ بەينەباياندارىن, ەندەرٸن, كونتسەرتتەرٸن جەنە ٶنەر ادامدارى تۋرالى دەرەكتٸ فيلمدەردٸ ترانسلياتسييالايدى. تەۋلٸگٸنە 15 ساعات ەفيرگە شىعاتىن تەلەارنانىڭ قازٸر تٷرلٸ 22 باعدارلاماسى بار.
ديماشتىڭ كۋبالىق جانكٷيەرلەرٸ «Canal Clave» تەلەارناسىنىڭ رەسمي پاراقشالارىنا بٸرنەشە اي بويى حات جولداپ, ونىڭ ٶنەرٸن ەكراننان كٶرسەتۋدٸ سۇراعان. نەتيجەسٸندە ٶتٸنٸش ورىندالىپ, كۋبالىق تەلەارنادان قازاقستاندىق تالانتتىڭ كونتسەرتٸ بەرٸلدٸ.
«Dimash Cuba Dears» 2019 جىلدىڭ قاراشا ايىندا قۇرىلعان. سودان بەرٸ كۋبالىق فاناتتار ديماشتىڭ ەندەرٸن تانىتۋدى قولعا العان. ەسٸرەسە بۇقارالىق اقپارات قۇرالدارى ارقىلى ٶز ەلدەرٸندە ناسيحاتتاپ كەلەدٸ.
ايتا كەتەيٸك, بيىل مامىر ايىندا ديماشتىڭ كونتسەرتٸ العاش رەت «Cubavisión» تەلەارناسىندا كٶرسەتٸلگەننەن كەيٸن, جەرگٸلٸكتٸ ٶزگە تەلەارنالار, راديوستانتسييالار ٶز ەفيرلەرٸ مەن جەلٸلەرٸ ارقىلى قازاقستاندىق ەنشٸنٸڭ كونتسەرتتەرٸن ترانسلياتسييالاۋعا قىزىعۋشىلىق بٸلدٸرە باستادى. بۇل – ديماشتىڭ كۋبالىق Dears-تارىنىڭ ەڭبەگٸ. ولاردىڭ ۇسىنىسىمەن 23 تامىزدا «Radio Progreso» تانىمال راديوستانتسيياسى التىن داۋىس يەسٸنٸڭ كونتسەرتٸن ەفيرگە شىعارىپ, ەڭ ٷزدٸك باعدارلامالار رەيتينگٸ بويىنشا ەكٸنشٸ ورىندى يەلەندٸ.
