قازاقستاندىق تانىمال ەنشٸ ديماش قۇدايبەرگەننٸڭ تۇڭعىش قازاقشا البومى جارىققا شىعادى, دەپ حابارلايدى "ۇلت اقپارات".
«كارانتيندە ەلگە كەلٸپ, ەڭ العاشقى قازاقشا البومىمدى جيناقتاۋدىڭ سەتٸ تٷستٸ. قاسىمداعى كٸسٸنٸ تانىستىرماسا دا بولادى. اتاقتى مارقۇم باتىرحان اعامىزدىڭ رەپەرتۋارىنداعى «وتان انا», «ساعىم دٷنيە», «قايران كٶڭٸل-اي» سىندى تالعامى بيٸك كٶرەرمەننٸڭ جٷرەگٸن جاۋلاعان ەندەردٸڭ اۆتورى, ناعىز قازاق كومپوزيتورلارىنىڭ ۇستازى - قۋات اعامىزبەن ستۋدييادا جۇمىس بارىسىندا» دەپ جازدى ديماش قۇدايبەرگەن Instagram پاراقشاسىندا.
ەنشٸنٸڭ ايتۋىنشا, ول كومپوزيتور قۋات شٸلدەباەۆپەن 3 جىلدان بەرٸ كەزدەسە الماي كەلگەن.
«مەن بەيجٸڭدە جٷرگەندٸكتەن قۋات اعا ەكەۋمٸز 3 جىل بويى كەزدەسە الماي ەندٸ عانا كەزدەسۋدٸڭ سەتٸ تٷستٸ. وسىنداي ۇلى كومپوزيتورمەن جۇمىس جاساۋدىڭ ٶزٸ ٷلكەن باقىت قوي» دەپ اتاپ ٶتتٸ ورىنداۋشى.
ەسكە سالا كەتەيٸك, كەشە ديماش قۇدايبەرگەن مەن قر بالا قۇقىقتارى جٶنٸندەگٸ ۋەكٸل ارۋجان ساين بۇۇ جاھاندىق كوممۋنيكاتسييالار دەپارتامەنتٸنٸڭ قازاقستانداعى ٶكٸلٸ ۆلاستيميل سامەكپەن كەزدەسكەن بولاتىن.
