مەدەنيەت جەنە سپورت مينيسترٸ اقتوتى رايىمقۇلوۆا ەنشٸ ديماش قۇدايبەرگەننٸڭ نيۋ-يوركتەگٸ كونتسەرتٸنە دايىندىق قالاي جٷرگٸزٸلٸپ جاتقانىن بايان ەتتٸ, دەپ حابارلايدى قازاقپارات.
«ديماش قۇدايبەرگەن – بٸزدٸڭ قازاقستاننىڭ برەندٸنە اينالىپ كەلەدٸ. قازٸرگٸ تاڭدا ٶزدەرٸڭٸز بٸلەتٸندەي, بٸزدٸڭ مينيسترلٸك جاس دارىنداردى بارىنشا قولداپ كەلەدٸ. جاس دارىندار ٷشٸن رەسپۋبليكالىق جەنە حالىقارالىق بايقاۋلاردى ٶتكٸزدٸك. دارىندى بالالاردى بايقاۋلارعا, شەبەرلٸك ساعاتتارى مەن فەستيۆالدەرگە جٸبەرۋگە ارنالعان بيۋدجەتتٸك باعدارلاما دا بار. ٶرەندەرٸمٸز ٷمٸتتٸ اقتاپ, ايتۋلى بيٸكتەردٸ باعىندىرۋدا», - دەدٸ اقتوتى رايىمقۇلوۆا ورتالىق كوممۋنيكاتسييالار قىزمەتٸ الاڭىندا ٶتكەن باسپاسٶز مەسليحاتىندا.
مينيستر ديماش قۇدايبەرگەن ٶزٸنٸڭ كەسٸبي بيٸگٸن باعىندىرۋدا تٶزٸمدٸلٸك مەن ەڭبەكقورلىقتىڭ ەڭ ٷزدٸك ٷلگٸسٸ ەكەنٸن اتاپ ٶتتٸ.
«ەلبەتتە, ول قازاقستاندىق ٶنەردٸ ەڭ جەتەكشٸ ەرٸ ەلەمدٸك دەڭگەيدە تانىتىپ جٷرگەن ٶتە دارىندى جٸگٸت. ٶزدەرٸڭٸز بٸلەتٸندەي, مەدەنيەت جەنە سپورت مينيسترلٸگٸنٸڭ قولداۋىمەن ديماشتىڭ كٶنتسەرتٸ نۇر-سۇلتاندا, لوندوندا, مەسكەۋدە ٶتكەنٸن بٸلەسٸزدەر. بيىل سونداي كونتسەرتتٸ نيۋ-يوركتە ٶتكٸزۋدٸ جوسپارلاپ وتىرمىز. ول ٷشٸن مينيسترلٸك بەلسەندٸ تٷردە كەلٸسسٶزدەردٸ جٷرگٸزٸپ جاتىر. بٸرنەشە زال ۇسىنىلدى. زالداردىڭ بٸرنەشە نۇسقاسىن قاراستىرىپ, دارىننىڭ دەڭگەيٸنە ساي كەلەتٸن ەڭ ٷزدٸگٸن تاڭداپ العىمىز كەلەدٸ. سوندىقتان, جىلدىڭ سوڭىندا اقش-تا كونتسەرتٸن ٶتكٸزۋدٸ كٶزدەپ وتىرمىز. قانداي زال بولاتىنىن بٸز سٸزدەرگە مٸندەتتٸ تٷردە حابارلايمىز. بيلەت ساتىلىمى دا باستالادى», - دەدٸ مينيستر.
ەسكە سالا كەتسەك, ديماش قۇدايبەرگەننٸڭ اقش-تا كونتسەرتٸ ٶتەتٸنٸ بۇعان دەيٸن حابارلانعان بولاتىن.
«مەدەنيەت جەنە سپورت مينيسترلٸگٸ 2019 جىلدىڭ III توقسانىندا نيۋ-يوركتە ەلەمگە ەيگٸلٸ «Madison Square Garden» الاڭىندا ديماش قۇدايبەرگەننٸڭ ايرىقشا شوۋ-كونتسەرتٸن ٶتكٸزبەك. بٷگٸنگٸ تاڭدا اتالعان شوۋدى ۇيىمداستىرۋ جۇمىستارى باستالىپ كەتتٸ», - دەگەن ەدٸ بۇرىنعى مەدەنيەت جەنە سپورت مينيسترٸ ارىستانبەك مۇحامەديۇلى.
