تانىمال ەنشٸ ديماش قۇدايبەرگەن "جاڭا تولقىن-2021" حالىقارالىق بايقاۋىنىڭ اشىلۋىندا ٶنەر كٶرسەتتٸ, - دەپ حابارلايدى "ۇلت اقپارات".
ديماش بايقاۋدىڭ اشىلۋىندا ٶتكەن جىلدىڭ 8 ناۋرىزىندا ديزاينەر ۆالەنتين يۋداشكيننٸڭ مەرەيتويىندا تۇساۋى كەسٸلگەن Your Love كومپوزيتسيياسىن ورىندادى. سونداي-اق, ول وسى كەشتە يگور كرۋتويدىڭ اقىن شارون ۆوننىڭ ٶلەڭٸنە جازعان Stranger ەنٸن العاش رەت ورىندادى. شىعارما قوبىز ٷنٸمەن سٷيەمەلدەندٸ.
بيىل "جاڭا تولقىننىڭ" فينالىندا ەلەمنٸڭ 9 ەلٸنەن 11 قاتىسۋشى باس جٷلدەگە تالاسادى. بايقاۋعا قاتىسۋشىلاردى يگور كرۋتوي, فيليپپ كيركوروۆ, سۆەتلانا لوبودا, سەرگەي لازارەۆ, ارتيك-استي, لەونيد اگۋتين, ديما بيلان جەنە ديماش قۇدايبەرگەن سەكٸلدٸ قازىلار القاسى باعالايدى.
"بۇل - مەنٸڭ قازىلار القاسىنداعى العاشقى تەجٸريبەم ەمەس. بۇعان دەيٸن مەن قىتايداعى Super Vocal جوباسىندا, جاقىندا سلاۆيان بازارىندا قازىلار القاسىنىڭ قاتارىندا بولعانمىن. "جاڭا تولقىن" بايقاۋىندا العاش رەت قازىلار القاسىنىڭ مٷشەسٸ بولدىم. بۇل جاۋاپكەرشٸلٸكتٸ قاجەت ەتەتٸن قۋانتارلىق جايت. ەرينە, مەن ٶز ەلٸمنٸڭ ٶكٸلدەرٸ ٷشٸن جانكٷيەر بولامىن, بٸراق كٶمەكتەسپەيمٸن. ٶيتكەنٸ بايقاۋدا پرينتسيپ ورناعان, سونىڭ ارقاسىندا بايقاۋ كٶپ جىل بويى ٶتٸپ جاتىر", - دەدٸ ديماش.
فەستيۆالدٸڭ قىزىل كٸلەمٸندە ديماش قوبىزشى ولجاس قۇرمانبەكپەن بٸرگە ٶنەر كٶرسەتتٸ.
ايتا كەتەيٸك, "جاڭا تولقىن-2021" بايقاۋىنا قازاقستان اتىنان Mezzo توبى قاتىسادى. بۇل توپ قازاقستانداعى كلاسسيكالىق كروسسوۆەر باعىتىندا جۇمىس ٸستەيتٸن العاشقى ۆوكالدىق توپ.
توپ 2012 جىلى قۇرىلعان. قۇرامىندا: جاسۇلان سىدىقوۆ, جەنٸبەك سەيداحمەتوۆ, اسان نۇربەرگەنوۆ جەنە مەيٸرحان جانتۇرعانوۆ بار. ۇجىم 2012 جىلى X Factor Kazakhstan كونكۋرسىندا 2-ورىن الىپ, تانىمال بولدى.
