ديماش قۇدايبەرگەننٸڭ اناسى سۆەتا ايتباەۆا مەن مەنەرلەپ سىرعاناۋدان حالىقارالىق تۋرنيردٸڭ جٷلدەگەرٸ داريا ۆدوۆينا, حوككەيدەن جاستار كومانداسىنىڭ كاپيتانى نيكيتا بەلاشەۆ اقتٶبەدەگٸ باس شىرشانى جاقتى, دەپ حابارلايدى قازاقپارات تٸلشٸسٸ.
اقتٶبە وبلىسى ەكٸمدٸگٸ الاڭىندا باس شىرشا جاعىلدى. بۇل جولى شىرشا شامدارىن قر ەڭبەك سٸڭٸرگەن قايراتكەرٸ, ەنشٸ ديماش قۇدايبەرگەننٸڭ اناسى سۆەتلانا ايتباەۆا, مەنەرلەپ سىرعاناۋدان حالىقارالىق تۋرنيردٸڭ جٷلدەگەرٸ داريا ۆدوۆينا, حوككەيدەن جاستار كومانداسىنىڭ كاپيتانى نيكيتا بەلاشەۆ جاقتى. اقتٶبە قالاسى بويىنشا بٸر كٷندە تٶرت شىرشا جاعىلىپ, حالىققا مەرەكەلٸك كٶڭٸل-كٷي سىيلادى. شاراعا وبلىس ەكٸمٸ بەردٸبەك ساپارباەۆ پەن قالا تۇرعىندارى قاتىسىپ, تەاترلاندىرىلعان كٶرٸنٸستٸ تاماشالادى.
وبلىس ەكٸمٸنٸڭ باسپاسٶز قىزمەتٸنٸڭ حابارلاۋىنشا, اقتٶبە وبلىسى ورتالىعىندا 50-دەن استام شىرشا ورناتىلدى. ارباتتا شاعىن مۇز قالاشىعى بار. سونىمەن قاتار, اقتٶبە قالاسىندا 48 مۇز ايدىنى جۇمىس ٸستەپ تۇر. جاڭا جىلدىق ەرتەڭگٸلٸكتەر ەر اۋدان, اۋىلدا ۇيىمداستىرىلىپ, 80 مىڭنان استام بالانى قامتۋ جوسپاردا بار. مەرەكە قارساڭىندا اۋىل شارۋاشىلىعى جەرمەڭكەسٸ دە ۇيىمداستىرىلادى.
