تانىمال ەنشٸ ديماش قۇدايبەرگەن بارلىق جانكٷيەرلەرٸن كوروناۆيرۋس ٸندەتٸ كەزٸندە ٷيدەن شىقپاۋعا شاقىردى, دەپ حابارلايدى "ۇلت اقپارات".
ەنشٸ بەينەٷندەۋٸن Instagram-داعى پاراقشاسىندا جارييالادى. «مەن سٸزدەردٸ قاتتى ساعىنىپ, ۆيدەو جازۋدى شەشتٸم. ٶتٸنەمٸن, ٷيدەن شىقپاڭىزدار. بۇل - ەزٸل ەمەس, ٶتە كٷردەلٸ جايت, ٷيدەن شىقپاڭىز. بۇل ۆيرۋستى جەڭەتٸنٸمٸزگە سەنەمٸن, سەبەبٸ بەرٸ دە ٶتكٸنشٸ. مەن وعان سەنەمٸن, مەن سٸزدەرگە سەنەمٸن, ٶزدەرٸڭٸزدٸ قورعاپ جٷرٸڭٸزدەر. بٸز ٷيدە وتىرۋعا تيٸسپٸز», - دەدٸ ەنشٸ.
ديماش بۇل ۆيدەونى ٷيدە, قازاقستان ەلورداسىندا جازىپ وتىرعانىن, ٷيدە ٸنٸلەرٸمەن Play station ويناپ وتىرعانىن ايتتى.
الدىمەن اعىلشىنشا سٶيلەگەن ديماش سٶز سوڭىن قازاق تٸلٸندە قورىتىندىلادى.
«سٸزدەرگە ەڭ الدىمەن دەنساۋلىق تٸلەيمٸن. كٷللٸ ەلەمدٸ بيلەگەن اۋىر ٸندەتتٸڭ الدىن الۋ ماقساتىندا اتقارىلىپ جاتقان بارلىق ساقتىق شارالارىنا نەمقۇرايدى قاراماۋعا شاقىرامىن. سەل تٶزٸمدٸلٸك تانىتىڭىزدار! اللا بەرٸمٸزگە سابىر بەرسٸن! ەلٸمٸز امان, جۇرتىمىز تىنىش بولسىن. بۇل دا بٸر ٶتپەلٸ دەۋرەن. بٸز بۇل دەرتتٸ جەڭٸپ شىعامىز», - دەدٸ ديماش.
