نازارباەۆ زيياتكەرلٸك مەكتەپتەرٸنٸڭ تٷلەكتەرٸ ٷشٸن ونلاين فورماتتا سوڭعى قوڭىراۋ سوعىلدى. تٷلەكتەردٸ قۋانىشتى سەتپەن بەلگٸلٸ ەنشٸ ديماش قۇدايبەرگەن قۇتتىقتادى, دەپ حابارلايدى "ۇلت اقپارات".
پەتروپاۆلداعى نازارباەۆ زيياتكەرلٸك مەكتەبٸ باسپاسٶز قىزمەتٸنٸڭ مەلٸمەتٸنشە, بيىل قازاقستان بويىنشا دەربەس بٸلٸم بەرۋ ۇيىمىن ەكٸ مىڭنان استام وقۋشى تەمەمداپ وتىر, ونىڭ 108-ٸ سولتٷستٸكقازاقستاندىق جاس.
ونلاين فورماتتا ٶتكەن سوڭعى قوڭىراۋ ەدەتتەگٸدەي مەملەكەتتٸك ەنۇرانمەن باستالدى. ەكٸ جٷرگٸزۋشٸ مەرەكەلٸك باعدارلامانى اشىپ, قوناقتارعا سٶز بەردٸ. سالتاناتتى شاراعا كومپيۋتەر, ۇيالى تەلەفون ارقىلى مۇعالٸمدەر, تٷلەكتەر, اتا-انالار – بارلىعى 300-دەن استام ادام قوسىلدى.
«بٷگٸنگٸ كٷن مەن ٷشٸن ەرەكشە. ادامنىڭ ٶمٸرٸندە بٸر-اق رەت بولاتىن سوڭعى قوڭىراۋ مەرەكەسٸ. تەك پاندەمييانىڭ كەسٸرٸنەن ونى ٷيدە ٶتكٸزۋگە مەجبٷر بولدىق. ٶكٸنٸشتٸ ەرينە. بٸراق بٸز قيىندىقتى ەڭسەرٸپ, العا قاراي ۇمتىلا بٸلۋٸمٸز قاجەت. سوندىقتان بۇل جاعدايدى سىناق دەپ بٸلەمٸن. بٸزدٸڭ الدىمىزدا تاعى بٸر سىناق تۇر. ول ٶزٸمٸز تاڭداعان جوعارى وقۋ ورنىنا تٷسۋ. بولاشاعىمدى ينجەنەرلٸك سالامەن بايلانىستىرعىم كەلەدٸ. قۇجاتتارىمدى تٷركييا, ۆەنگرييا, رەسەي سىندى مەملەكەتتەردٸڭ جوعارى وقۋ ورىندارىنا تاپسىردىم», - دەيدٸ پەتروپاۆلداعى نازارباەۆ زيياتكەرلٸك مەكتەبٸنٸڭ تٷلەگٸ اقجان جولدىباەۆ.
سالتاناتتى شارا Microsoft Teams پلاتفورماسىندا ٶتتٸ. قۋانىش يەلەرٸن بەلگٸلٸ ەنشٸ ديماش قۇدايبەرگەن دە قۇتتىقتادى.
«نازارباەۆ زيياتكەرلٸك مەكتەبٸنٸڭ ۇستازدارى, جارقىن ٶمٸرگە, بولاشاققا, كەمەل قادام باسقالى جاتقان مەكتەپ بٸتٸرۋشٸ تٷلەكتەر! سٸزدەرگە مول باقىت, قاجىماس قايرات تٸلەيمٸن. ەلٸمٸزدٸڭ ەرتەڭٸ ٷشٸن تالماي ەڭبەك ەتٸپ, بيٸك بەلەستەردەن كٶرٸنەتٸندەرٸڭٸزگە سەنەمٸن. بارلىق ارمان-ماقساتتارىڭىزعا جەتە بەرٸڭٸزدەر», - دەدٸ تانىمال ەنشٸ ارنايى جولداعان ۆيدەوقۇتتىقتاۋدا.
مەكتەپ ديرەكتورى 4-شٸ توقساننىڭ وڭاي بولماعانىن, دەگەنمەن ۇجىم جاڭا تەجٸريبە العانىن اتاپ ٶتتٸ.
«4-شٸ توقساندى قاشىقتان وقىپ شىقتىق. بٷگٸنگٸ مەرەكەلٸك شارا دا ونلاين فورماتتا ٶتتٸ. سوڭعى قوڭىراۋ – ەموتسيياعا, قيماستىققا, قۋانىشتىڭ كٶز جاسى مەن شات كٷلكٸگە تولى مەرەكە. بٷگٸن ەدەتتەگٸدەي سەن-سالتاناتىمەن ٶتپەسە دە, بۇل كٷن بارشامىزدىڭ جادىمىزدا ساقتالارى انىق. بولاشاقتا مۇنداي قيىندىقتار بولماسا ەكەن دەپ تٸلەيمٸن», - دەدٸ بٸلٸم ورداسىنىڭ ديرەكتورى نۇرعالي ەلشٸبەكوۆ.
نازارباەۆ زيياتكەرلٸك مەكتەپتەرٸنٸڭ تٷلەكتەرٸنە اتتەستات تاپسىرۋ رەسٸمٸ 15 ماۋسىمدا ٶتەدٸ دەپ جوسپارلانعان.
