سۋرەت: dimashnews.com
ەلەمگە ەيگٸلٸ ەنشٸ ەرٸ كومپوزيتور ديماش قۇدايبەرگەن حالىقارالىق كٶشٸ-قون ۇيىمىنىڭ (حكۇ) ٸزگٸ نيەت ەلشٸلەرٸنٸڭ قاتارىنا قوسىلدى, دەپ حابارلايدى "ۇلت اقپارات" "قازاقپارات" حالىقارالىق اگەنتتٸگٸنە سٸلتەمە جاساپ.
حكۇ بٷگٸن ەرتٸستەر, سۋرەتشٸ, سپورتشى جەنە باسقا دا بەلگٸلٸ تۇلعالاردان تۇراتىن توعىز ٸزگٸ نيەت ەلشٸسٸ تاعايىندالعانىن حابارلادى. ٶتكەن جىلدىڭ قاراشا ايىندا وليمپيادا چەمپيونى مو فاراح العاشقى جاھاندىق ەلشٸ بولعان ەدٸ.
ٸزگٸ نيەت ەلشٸلەرٸ كٶشٸ-قون مٷمكٸندٸكتەرٸنە قولداۋ كٶرسەتٸپ, ەلەم بويىنشا تالانتتاردىڭ تانىلۋىنا ىقپال ەتەدٸ. توعىز ەلشٸ قاتارىندا سەگٸز جەكە تۇلعا جەنە بٸر فۋتبول كلۋبى بار.
«مەن بۇل تانىمال تۇلعالاردى حكۇ-نىڭ جاڭا ايماقتىق جەنە ۇلتتىق ٸزگٸ نيەت ەلشٸلەرٸ رەتٸندە قارسى العانىما ٶتە قۋانىشتىمىن. ولار دٷنيە جٷزٸ بويىنشا شابىت سىيلاۋشىلار. ولارمەن كٷش-جٸگەرٸمٸزدٸ بٸرٸكتٸرە وتىرىپ, ٶزگەرٸس جاسايتىنىمىزعا سەنەمٸن», - دەدٸ حكۇ باس ديرەكتورى ەمي پوپ.
«حكۇ ٸزگٸ نيەتتٸ ەلشٸسٸ رەتٸندە مەن ميگرانتتاردىڭ قۇقىعىن قورعايتىنىمدى ماقتان تۇتامىن. ەر ادامنىڭ قۇقىعى قورعالعان جەنە مٷمكٸندٸكتەرگە اشىق ەلەم ٷشٸن بٸرٸگەيٸك», - دەدٸ ەنشٸ ديماش قۇدايبەرگەن.
ٸزگٸ نيەت ەلشٸلەرٸن ٶز ەلدەرٸندەگٸ حكۇ ٶكٸلدەرٸ رەسمي تٷردە تاعايىندادى جەنە ولاردى مۇقييات باعالاۋدان كەيٸن تاڭدادى.
«وتباسىلىق تەجٸريبەمنەن ايتا الامىن, كٶشٸ-قون دۇرىس جٷرگٸزٸلسە, پايداسى كٶپ. حكۇ ٸزگٸ نيەتتٸ ەلشٸسٸ رەتٸندە مەن مەدەني مۇرام مەن سپورتتىق تەجٸريبەمدٸ اقپاراتتاندىرۋدى جوعارىلاتۋ ٷشٸن پايدالانعىم كەلەدٸ», - دەدٸ تانىمال فۋتبولشى مۋكتار دياكابي.
ديماش قۇدايبەرگەنمەن بٸرگە حكۇ ٸزگٸ نيەت ەلشٸلەرٸ قاتارىندا گانالىق اكتريسا جەنە تەلەجٷرگٸزۋشٸ اما ك. ابەرەز, ارگەنتينا/ارۋبادان فوتوگراف نيكولاس مارين بەنيتەس, ماۆريكيي فوتوگرافى پول چوي, گۆينەيالىق فۋتبولشى مۋكتار دياكابي, گانادان كەلگەن مۋزىكانت جەنە ەن جازۋشى كوفي كينااتا, بوسنييالىق باسكەتبولشى دجانان مۇسا, البانييا پسيحولوگى, جۋرناليست ەرٸ جازۋشى ميرەلا سۋلا, سونداي-اق ۋرۋگۆايلىق اتلەتيكو پەنيارول فۋتبول كلۋبى بار.
1951 جىلى نەگٸزٸ قالانعان حبۇ – كٶشٸ-قون سالاسىنداعى جەتەكشٸ ٷكٸمەتارالىق ۇيىم. حبۇ بۇۇ جٷيەسٸنە 2016 جىلى باۋىرلاس ۇيىم رەتٸندە قوسىلدى.
