ديماش قۇدايبەرگەن ەلوردادا ٶتكەن كونتسەرتٸنەن تٷسكەن قاراجاتىنىڭ بٸر بٶلٸگٸن ارىسقا كٶمەك رەتٸندە اۋدارادى, دەپ حابارلايدى قازاقپارات.
«شەتەلدە كٶپ جٷرگەنٸممەن, ىلعي ەلٸمنٸڭ جاڭالىقتارىن بٸلٸپ وتىرامىن. ينتەرنەتتٸ اقتارعاندا ەڭ بٸرٸنشٸ ەلٸمدە نە جاڭالىق بولىپ جاتقانىن قارايمىن. جاقىندا ارىستا بولعان وقيعا ماعان دا قاتتى باتتى. تٸپتٸ كونتسەرت بەرۋ وسى كەزدە ىڭعايسىزداۋ سەكٸلدٸ كٶرٸندٸ, سولاي ايتقاندار دا بولدى. الايدا شەتەلدەن شاقىرىپ قويىلعان قوناقتار بار, ارنايى كەلۋشٸلەر بار! سولاردى ەسكەرۋ كەرەك بولدى. سوندىقتان ارىسقا كٶمەك رەتٸندە وسى كونتسەرتتەن تٷسكەن قاراجاتتىڭ بٸر بٶلٸگٸن اۋدارامىن دەپ شەشتٸم. بۇل سٸزدەردٸڭ دە كٶمەكتەرٸڭٸز بوپ سانالادى, اعايىن» - دەدٸ ديماش قۇدايبەرگەن كونتسەرت بارىسىندا.
