قازاقستاندىق ەنشٸ ديماش قۇدايبەرگەن «Singer2017» ەن بايقاۋىنىڭ بٸرٸنشٸ كەزەڭٸندە كيگەن ساحنالىق كيٸمٸ 158 890 يۋانعا (7,2 ميلليون تەڭگە) ساتىلدى, دەپ حابارلايدى قازاقپارات.
كيٸم قىتايلىق mpaimai.jd.com عالامتور ساۋدا جەلٸسٸندە اۋكتسيونعا شىعارىلعان. باستاپقى باعاسى 188 يۋاننان (8 500 تەڭگە) باستالعان كيٸمدٸ ساتىپ الۋعا 19 640 ادام قاتىسىپ, 32 ادام باعا كٶتەرگەن.
قورىتىندىسىندا كيٸم 158 890 يۋانعا ساتىلىپ, جەڭٸمپازعا Iphone 6S تەلەفونى سىيعا تارتىلعان.
Mpaimai.jd.com سايتىنىڭ حابارلاۋىنشا, كيٸمدٸ ديماش 27 ناۋرىز كٷنٸ شانحاي قالاسىنداعى 24-كەزەكتٸ «China Top music Awards» شاراسى كەزٸندە اتالمىش سايتقا تارتۋ ەتكەن. ال سايت اتاقتى ەنشٸنٸڭ كيٸمٸن ساتۋدان تٷسكەن قاراجاتتى قىتايداعى بالالار قورىنا اۋدارىپ, كٶمەككە زەرۋ بالالارعا جۇمسايدى.
