ۇلىبريتانييا استاناسى لوندوندا ديماش قۇدايبەرگەننٸڭ «DQ» كونتسەرتتٸك شوۋى دٷركٸرەپ ٶتتٸ, دەپ حابارلايدى "ۇلت اقپارات".
3000 ادامدى سىيدىرا الاتىن «Indigo at the O2» كەشەنٸندە ٶتكەن كونتسەرتتٸڭ بيلەتتەرٸ الدىن-الا ينتەرنەت ارقىلى ساتىلىپ قويعان. تٸپتٸ, بيلەت ساتاتىن ينتەرنەت سايتى ديماشتىڭ كوتسەرتٸنٸڭ بيلەتٸن ساۋداعا شىعارعان كٷنٸ قاراۋشى ادامداردىڭ سانىننىڭ كٶپتٸگٸنەن ٸستەن شىققان-تىن.
ايتۋلى شارانى قر مەدەنيەت جەنە سپورت مينيسترلٸگٸ ۇيىمداستىردى. ۆەدومستۆونىڭ باسپاسٶز حاتشىسى ايدار قىرىقباي فەيسبۋك جەلٸسٸندە كونتسەرتتەن ۆيدەو ٷزٸندٸلەرمەن بٶلٸستٸ. شاعىن ٷزٸندٸلەردە ديماشتىڭ قۇرمانعازى كٷيٸ «ادايدى» شەبەر ورىنداعانىن, ٶز رەپەرتۋارىنداعى ەيگٸلٸ فرانتسۋز ەنٸ «S.O.S» ەنٸن شىرقاعانىن كٶرۋگە بولادى.
ايتا كەتەرلٸگٸ, دەل وسى «S.O.S» ەنٸ ورىندالعان كەزدە ساحنانىڭ الىپ ەكرانىنان مەنەرلەپ سىرعاناۋشى, مارقۇم دەنيس تەننٸڭ مۇز ايدىنىندا ٶنەر كٶرسەتكەن ۆيدەوسى كٶرسەتٸلگەن.
تاعى بٸر ۆيدەوٷزٸندٸدە ديماش ورىنداعان «دايديداۋ» ەنٸن لوندونداعى كٶرەرمەندەردٸڭ ٷلكەن شوعىرى بٸرگە ايتىپ تۇرعانىن كٶرۋگە بولادى.
«Indigo at the O2» زالى بۇل كٷنٸ كٶرەرمەنگە لىق تولدى. قازاقستان, چەحييا, بەلگييا, ۇلىبريتانييا, قىتاي, كانادا, گەرمانييا, رەسەي, فينلياندييا, چەحييا سەكٸلدٸ ەلەمنٸڭ 45 ەلٸنەن كەلگەن ەنشٸنٸڭ جانكٷيەرلەرٸ كونتسەرت باستالماي تۇرىپ-اق «ديماش» دەپ داۋىستاپ, شوۋدىڭ باستالۋىن اسىعا كٷتتٸ. ەكٸ ساعاتقا سوزىلعان كونتسەرت كٶپشٸلٸك كٷتكەننەن ارتىق دەڭگەيدە ٶتكەنٸ انىق. ەنشٸ ساحناداعى ەربٸر نٶمٸرٸندە ەرتٷرلٸ كيٸممەن شىعىپ, تەك جاندى داۋىستا ەن شىرقادى.
رەسپۋبليكالىق "ايقىن" گازەتٸنٸڭ جازۋىنشا, كەشكە ارنايى كەلگەن قازاقستان رەسپۋبليكاسى مەدەنيەت جەنە سپورت ۆيتسە-مينيسترٸ اقتوتى رايىمقۇلوۆا ەلباسىنىڭ «رۋحاني جاڭعىرۋ» باعدارلاماسى اياسىندا قازاق ەلٸنٸڭ مەدەنيەتٸن ناسيحاتتاۋ ماقساتىندا ۇيىمداستىرىلعان كونتسەرتكە جوعارى باعا بەردٸ.
– بۇل كوممەرتسييالىق جوبا ەمەس. كونتسەرتتەن تٷسكەن قارجى ٶنەردە جٷرگەن قازاقستاندىق جاس تالانتتاردىڭ قابٸلەتٸن اشۋعا, ٶنەرٸن شىڭداۋعا جۇمسالادى, – دەيدٸ ۆيتسە-مينيستر.
كونتسەرتتٸڭ ۇيىمداستىرىلۋى مەن ٶتۋٸن باستان-اياق قاداعالاپ ديماشتىڭ اتا-اناسى دا جٷردٸ. قانات ايتباەۆ ۇلىنىڭ جاقسى كٶڭٸل-كٷيدە جٷرگەنٸن جەتكٸزٸپ, الداعى جوسپارلارىمەن بٶلٸسكەن.
– بۇل كونتسەرت ۇلىبريتانيياداعى قازاقستان مەدەنيەت كٷندەرٸ اياسىندا ٶتتٸ. نەگٸزگٸ ماقساتىمىز قازاقتىڭ ەنٸن, قازاقتىڭ ٶنەرٸن جەر جاھانعا تانىتىپ, مەدەنيەتٸمٸزدٸڭ كٶكجيەگٸن كەڭەيتۋ. الداعى جوسپارلارىمىزدا كانادادا, رەسەيدە, وڭتٷستٸك ازييا ەلدەرٸندە دە كونتسەرتتەر ٶتكٸزۋ ويلاستىرىلعان. قايدا جٷرسەك تە, قاي ەلدٸڭ ساحناسىنا شىقساق تا قازاق ەنٸن ورىنداۋ نەگٸزگٸ ۇستانىمىمىز بولىپ قالا بەرەدٸ, – دەيدٸ ەنشٸنٸڭ ەكەسٸ.
كونتسەرت ەكٸ جارىم ساعاتقا سوزىلعان. ديماش ەنٸن ورىنداپ, قوشتاسىپ كەتكەننەن كەيٸن دە قالىڭ تىڭدارمان ساحنانىڭ الدىن بوساتپاي, جارتى ساعاتقا جۋىق ۋاقىت ديماشتىڭ ەسٸمٸن اتاپ تۇرىپ العان.
تالانتتى ەنشٸ ساحنا سىرتىندا جۋرناليستەرمەن جٷزدەسٸپ, ەسەرٸمەن بٶلٸسٸپ تە ٷلگەرگەن.
– مىناداي كٶرەرمەننٸڭ الدىندا, ٶنەردٸ تەرەڭ باعالاي بٸلگەن بۇقارا الدىندا قازاق ەندەرٸن ورىنداپ, بٸر ارمانىما جەتتٸم دەپ ەسەپتەيمٸن. ٶتە قۋانىشتىمىن. العان ەسەرٸمدٸ ەلٸ تولىق سەزٸنٸپ بٸتە الار ەمەسپٸن, – دەيدٸ ديماش.
ەسكە سالا كەتسەك, وسىدان تٶرت كٷن بۇرىن ديماش قۇدايبەرگەن قر مەدەنيەت جەنە سپورت مينيسترٸ ارىستانبەك مۇحامەديۇلىمەن كەزدەسۋٸندە لوندوندا ورىندالاتىن ەندەردٸڭ 60 پايىزى قازاق تٸلٸندە بولاتىنىن ايتقان ەدٸ.
ودان بٶلەك, ەنشٸنٸ بريتان استاناسىنداعى ەۋەجايدا ەلەمنٸڭ تٷكپٸر-تٷكپٸرٸنەن كەلگەن جانكٷيەرلەرٸ قالاي كٷتٸپ العانىن حابارلاعان بولاتىنبىز.
سۋرەتتەر ۆكونتاكتە ەلەۋەمەتتٸك
