قازاقستاندىق تانىمال ەنشٸ ديماش قۇدايبەرگەن 70 ميلليونعا جۋىق داۋىس جيناپ, قىتايلىق جۇلدىزداردى باسىپ وزدى, دەپ حابارلايدى "ۇلت اقپارات".
ەنشٸ NetEase كومپانيياسىنىڭ Top Influential Idol رەيتينگٸندە جەڭٸسكە جەتتٸ. وتانداسىمىزعا 70 ميلليونعا جۋىق جانكٷيەرلەر داۋىس بەرگەن.
تٸپتٸ, ول ەيگٸلٸ "ەحو" توبىنىڭ ٶزٸن جولدا قالدىردى. ول 17 ميلليوننان استام داۋىس جينادى. ەنشٸنٸڭ ٶزٸ بۇل قۋانىشتى ينستاگرام جەلٸسٸندەگٸ پاراقشاسىندا بٶلٸستٸ.
"بارلىق شەرۋلەردە مەن ٷشٸن داۋىس بەرٸپ, ٷنەمٸ مەنٸ قولداپ, مəرتەبەمدٸ بيٸكتەتٸپ جٷرەتٸن تۋعان ەلٸمدەگٸ جəنە əلەمنٸڭ تٷكپٸر-تٷكپٸرٸندەگٸ جانكٷيەر تىڭدارماندارىما مىڭ العىس! ەكٸ كٷندە 70 ميلليونعا جۋىق داۋىس جيناعان جەتٸستٸك سٸزدەردٸكٸ Dears! جەڭٸمپاز مەن ەمەس, سٸزدەرسٸزدەر! راحمەت, dears!", – دەپ جازدى ول.
ەستەرٸڭٸزگە سالا كەتەيٸك, رەيتينگ اپتا سايىن جاڭارىپ, 7 كٷن بويى بەرٸلگەن داۋىس نەتيجەسٸندە جەڭٸمپاز انىقتالادى. وتانداسىمىز بۇل رەيتينگتە العاش رەت بوي كٶرسەتٸپ وتىر.
