قاراعاندىدا شاحتەر كٷنٸنە ارنالعان ٷلكەن كونتسەرتتە ٶنەر كٶرسەتكەننەن كەيٸن ەلەمگە ەيگٸلٸ قازاقستاندىق ەنشٸ ديماش قۇدايبەرگەن Qarmet كومپانيياسىنىڭ كوستەنكو اتىنداعى شاحتاسىنا باردى.
ساپار بارىسىندا ٶنەر يەسٸ كەسٸپورىننىڭ جۇمىسىمەن تانىسىپ, جەر استىنا 700 مەتر تەرەڭدٸككە تٷستٸ. سونداي-اق ول شاحتا قىزمەتكەرلەرٸنٸڭ ورنالاسقان جەرٸن ناقتى ۋاقىت رەجيمٸندە باقىلاۋعا مٷمكٸندٸك بەرەتٸن پەرسونالدى پوزيتسييالاۋ جٷيەسٸنٸڭ جۇمىسىن كٶردٸ.
«قاراعاندىدا 250 مىڭعا جۋىق ادام جينالعان شاحتەر كٷنٸنە ارنالعان ٷلكەن كونتسەرتتەن كەيٸن Qarmet كومپانيياسىنىڭ كوستەنكو اتىنداعى شاحتاسىنا باردىم. جەر استىنا 700 مەتر تەرەڭدٸككە تٷسٸپ, شاحتەرلەردٸڭ قانداي جاعدايدا جۇمىس ٸستەيتٸنٸن, بۇل جۇمىستىڭ قانشالىقتى كٷردەلٸ ەرٸ جاۋاپتى ەكەنٸن ٶز كٶزٸممەن كٶردٸم. ماعان شاحتانىڭ جۇمىسى, جەر استىنداعى ادامداردىڭ ورنالاسقان جەرٸن باقىلاۋعا مٷمكٸندٸك بەرەتٸن زاماناۋي قاۋٸپسٸزدٸك جەنە پوزيتسييالاۋ جٷيەلەرٸ كٶرسەتٸلدٸ.
شاحتالاردىڭ جاڭارتىلىپ جاتقانى قۋانتادى. ەڭ باستىسى – شاحتەرلەرمەن جەكە كەزدەسٸپ, ولاردى كەسٸبي مەرەكەسٸمەن قۇتتىقتاۋ مٷمكٸندٸگٸنە يە بولدىم. بۇل ماماندىق يەلەرٸنە دەگەن قۇرمەتٸم ەرەكشە. ەڭبەكتەرٸڭٸز ايرىقشا قۇرمەتكە لايىق! شاحتەر كٷنٸ قۇتتى بولسىن! دەندەرٸڭٸزگە ساۋلىق, وتباسىلارىڭىزعا اماندىق جەنە قاۋٸپسٸز اۋىسىم تٸلەيمٸن! راقمەت, Qarmet!» – دەدٸ ٶنەر يەسٸ.
ٶنەر يەسٸ ٷشٸن بۇل ساپار زاماناۋي جەراستى ٶندٸرٸسٸ مەن قاۋٸپسٸزدٸك تەحنولوگييالارىن عانا ەمەس, كٷن سايىن جٷزدەگەن مەتر تەرەڭدٸكتە ەڭبەك ەتەتٸن ادامداردىڭ جۇمىسىن كٶرۋگە دە مٷمكٸندٸك بەردٸ.
كوستەنكو اتىنداعى شاحتاعا بارۋ – شاحتەرلەردٸڭ ەڭبەگٸنە جەنە قاراعاندى ٶڭٸرٸندەگٸ كٶمٸر سالاسىنىڭ تۇراقتى جۇمىسىن قامتاماسىز ەتٸپ وتىرعان جاندارعا كٶرسەتٸلگەن تاعى بٸر قۇرمەتتٸڭ بەلگٸسٸ بولدى.
