كوللاج: qazweek.kz
«ديكيي ارمان» لاقاپ اتىمەن تانىمال قىلمىس ەلەمٸنٸڭ سەركەسٸ ارمان جۇماگەلديەۆتٸ قاماۋدا ۇستاۋ مەرزٸمٸ 2023 جىلدىڭ 7 ناۋرىزىنا دەيٸن ۇزارتىلدى, - دەپ حابارلايدى "ۇلت اقپارات" الماتى قالالىق سوتىنىڭ رەسمي ٶكٸلٸ اباي جارىلقاسىنعا سٸلتەمە جاساپ.
ونىڭ ايتۋىنشا, 29 جەلتوقساندا مامانداندىرىلعان اۋدانارالىق تەرگەۋ سوتىنىڭ قاۋلىسى شىققان.
"سوت شەشٸمٸمەن سوتالدى تەرگەپ-تەكسەرۋ ورگانىنىڭ ٶتٸنٸشحاتى قاناعاتتاندىرىلدى. د.-عا قاتىستى قىلمىستىق ٸس ماتەريالدارىمەن تانىسۋ كەزەڭٸندە قاماۋدا ۇستاۋ مەرزٸمٸن ەكٸ ايعا ۇزارتۋ سانكتسييالاندى, بۇل 2023 جىلدىڭ 7 ناۋرىزىنا دەيٸن", - دەلٸنگەن حابارلامادا.
ەسكە سالايىق, الماتى پوليتسەيلەرٸ ارمان جۇماگەلديەۆتٸ ٶتكەن جىلدىڭ 7 قاڭتارىندا ۇستاعان بولاتىن.
كەيٸن قر باس پروكۋراتۋراسى «ديكيي ارماننىڭ» ۇلتتىق قاۋٸپسٸزدٸك قىزمەتٸنٸڭ تەرگەۋ يزولياتورىندا وتىرعانىن جەتكٸزدٸ.
