لاتىن قارپٸندەگٸ ەلٸپبيدٸڭ جاڭا جوباسىنا عالىمدار, بٸلٸم سالاسىنىڭ ازاماتتارى وڭ كٶزبەن قاراي وتىرىپ, تىڭ نۇسقا ەلٸ دە ٶزٸنٸڭ دامۋ بارىسىندا تاعى بٸر ناقتىلانادى دەگەن سەنٸمدە. لەۆ گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ پرورەكتورى, الاشتانۋشى عالىم ديحان قامزابەكۇلى لاتىن قارپٸندەگٸ ەلٸپبيدٸڭ سوڭعى جوباسىنا وسىنداي پٸكٸر بٸلدٸردٸ, دەپ حابارلايدى «قازاقپارات» تٸلشٸسٸ.
ديقان قامزابەكۇلى ٶز سٶزٸندە لاتىن قارپٸنە نەمەسە قازاق قارپٸنٸڭ لاتىن نۇسقاسىنا كٶشۋ تۋرالى يدەيا 1992 جىلدان بەرٸ كٶتەرٸلگەنٸن تٸلگە تيەك ەتەدٸ. يدەيا قوعامدا زييالىلاردىڭ اراسىندا كەڭ اۋقىمدا ساراپتالىپ, بايىپتالىپ, بٷگٸنگە دەيٸن جەتٸپ وتىر.
«ەلباسىنىڭ «قازاقستان-2050» ستراتەگيياسىندا ناقتى بەلگٸلەنٸپ, قاي جىلداردا كٶشەتٸنٸمٸز ايتىلعان كەزدە زييالىلاردىڭ بٸر سەرپٸلگەنٸ راس. پارلامەنتتە ۇسىنىلعان العاشقى نۇسقا حالىقتىڭ اراسىندا كٶپ تالقىلاندى. ول نۇسقادا ەلٸپبي كلاۆياتۋرادان شىقپاي قالعان. شەتەلدٸڭ تەجٸريبەسٸ نەگٸزگە العانعانىمەن, بٸزدٸڭ قازاقتىڭ مىڭداعان جىلعى قالىپتاسقان دەستٷرٸ, سٶزدەر مەن دىبىستارىنىڭ بايلانىسى, ولاردىڭ بايلانىسىنان تۋىندايتىن ەرەكشەلٸگٸ بار», - دەيدٸ ديحان قامزابەكۇلى.
عالىمنىڭ ايتۋىنشا, بٸزدٸڭ سانامىزدا قازٸرگٸ تاڭدا ٷش قارٸپتٸڭ تايتالاسى جٷرٸپ جاتىر.
«بٸرٸنشٸسٸ - لاتىن قارپٸ, ەكٸنشٸسٸ - كيريلل قارپٸ, ٷشٸنشٸسٸ - كيريللدٸڭ نەگٸزٸندە جاسالعان قازٸرگٸ قولدانىستاعى قازاق قارپٸ. جاڭادان ۇسىنىلىپ جاتقان نۇسقا الدىڭعىسىمەن سالىستىرعاندا كٶش ٸلگەرٸ. بۇنى قوعام قاي تۇرعىدان قابىلدايدى? ەرينە, قازاقتىڭ ٶزٸنٸڭ دىبىستىق ەرەكشەلٸككە يە قارٸپتەرٸ بار. سوعان لايىقتاپ جازۋعا مىنا قارٸپ ىڭعايلى ەكەن. بٸراق, بۇل دا ەلٸ ٶزٸنٸڭ قولدانىسىنا دەيٸن, ٶزٸنٸڭ پراكتيكالىق بارىسىندا ناقتىلىعىن تابار دەگەن ويدامىز. مىسالى, «ۋ» ەرپٸنٸڭ جاڭا نۇسقادا جازىلۋىن جاس بۋىن قالاي قابىلدايدى دەگەندەي سۇراق تۋىپ قالۋى مٷمكٸن. ال تۇتاستاي العاندا بۇل ٷلكەن ٸلگەرٸلەۋشٸلٸك», - دەيدٸ ول.
سونىمەن قاتار, ديحان قامزابەكۇلى كەز كەلگەن قارٸپ ٶزٸنٸڭ پايدا بولۋىندا بٸرنەشە كەزەڭدەردەن ٶتكەنٸن, ەلٸپبيدٸڭ بٸردەن 100 پايىز قابىلدانىپ, تەجٸريبەگە ەنٸپ كەتۋ جاعدايى ٶتە سيرەك كەزدەسەتٸن قۇبىلىس ەكەنٸن ايتادى.
«بٸزدٸڭ تۇتىنىپ جٷرگەن كيريلل قارپٸنە بٸرنەشە ٶزگەرٸستەر جاسالعان. ياعني, بۇنىڭ بارلىعى دا تابيعي پروتسەسس. ەلٸپبيدٸڭ قالىپتاسۋ جولىندا ەشقانداي كەرەعارلىق ٸزدەۋگە بولمايدى. بۇل حالىقتىڭ قابىلداۋىمەن تاڭبانىڭ دامۋىنداعى ٶزٸندٸك بٸر ٷدەرٸس. بٸز قازٸر جاڭا ىقپالداستىق دەۋٸرٸندە وتىرمىز. وسى تۇرعىدا كٶز زەردەمٸز, اقىل زەردەمٸز, وي-تٷسٸنٸگٸمٸز, پاراساتىمىز بٸزدٸ ورنىقتى ەرٸ ورتاق شەشٸمگە جەتەلەر دەگەن پٸكٸردەمٸن. كٷنٸ كەشە ەلباسىنىڭ الدىندا تالقىلانعان جوبا حالىقتىڭ كٶڭٸلٸنەن شىعىپ, ٶزٸنٸڭ دامۋ بارىسىندا تاعى دا بٸر ناقتىلانادى دەگەن ويدامىز. ال ەندٸ بۇنى قابىلداۋ, جٷرگٸزۋ ەرينە, قوعامنىڭ ٶزٸنٸڭ بٸلٸگٸنە, تەجٸريبەسٸنە بايلانىستى. سوندىقتان, بٸز عىلىمي جۇرتشىلىق, بٸلٸم سالاسىنىڭ ازاماتتارى بۇل نۇسقاعا وڭ كٶزبەن قاراپ وتىرمىز», - دەپ تٷيدٸ ديحان قامزابەكۇلى.
