24-25 قازان كٷندەرٸ نۇر-سۇلتان قالاسىندا ٶتەتٸن «Digital Bridge» حالىقارالىق تەحنولوگييالىق فورۋمىندا IT-سالاسىنداعى جاڭا ترەندتەر تالقىلانادى.
اتالعان فورۋمداعى باستى شارا «بولاشاقتىڭ بٸلٸمٸ: تەحنولوگييالار بٸلٸم سالاسىن قالاي ٶزگەرتەدٸ» اتتى پلەنارلىق سەسسييا بولادى. وسىعان وراي, ەلەمنٸڭ تٷكپٸر-تٷكپٸرٸنەن كەلگەن ساراپشىلار قاۋىمى بٸلٸم سالاسىنداعى ٶزگەرٸستەر تۋرالى وي تولعاپ, سول سالاداعى تٷيتكٸلدٸ مەسەلەلەردٸ تەحنولوگييالار قالاي شەشەتٸنٸن ايتىپ بەرەدٸ.
«مامان دايارلاۋدىڭ بۇرىنعى تەسٸلٸ قازٸرگٸ شىندىقتارعا تٶتەپ بەرە الماي جاتقانىن تٷسٸنٸپ كەلەمٸز. ينتەرنەت پايدا بولعانعا دەيٸن ٶمٸر باياۋ جىلجيتىن. مەسەلەن, بۇرىن ينجەنەرلەر 4 جىل وقىپ, ول بٸلٸمٸ ٶمٸر بويىنا جارايتىن. دەرٸگەرلەر دە سولاي, ولار بٸر وتا تٷرٸن بٸر تەسٸل ارقىلى ٶمٸر بويى جاساپ جٷرە بەرەتٸن. كەيٸن ينتەرنەت پايدا بولىپ, جاھاندانۋ پروتسەسٸ قارقىندى جٷرۋٸ نەتيجەسٸندە تەرتٸپ-تەسٸلدەر تٷبەگەيلٸ ٶزگەردٸ. نەتيجەسٸندە ينجەنەرييا, مەديتسينا سالاسىنا جاڭا ٶزگەرٸستەر, جاڭا ەدٸستەر جەنە جاڭا تەحنولوگييالار كەلدٸ. ەندٸ ۋنيۆەرسيتەتتە عانا وقۋ جەتكٸلٸكسٸز, نەگە دەسەڭٸز بۇعان تەك ۋنيۆەرسەتتە العان بٸلٸمدٸ عانا قولدانا المايمىز», – دەيدٸ بٸلٸم سالاسى بويىنشا ەكسپەرت, بيوتەحنولوگ دەمەل مەكتەپباەۆا.
ساراپشىنىڭ سٶزٸنشە, جوعارى وقۋ ورنىندا العان بٸلٸممەن قوسا قايتادان ٸزدەنۋگە, ماشىقتانۋعا, جاڭا بٸلٸم الۋعا تۋرا كەلەدٸ. سول سەبەپتەن دە بولاشاقتىڭ بٸلٸمٸندە ٷزدٸكسٸز وقۋ قاجەتتٸلٸگٸ تۋىندايدى.
«Digital Bridge» فورۋمىندا قاتىسۋشىلارعا ارنالعان اشىق تالقىلاۋلار مەن دٶڭگەلەك ٷستەلدەر ۇيىمداستىرىلىپ, ۆەنچۋرلىق قارجىلاندىرۋ, بيزنەس-ينكۋباتسييا, تسيفرلىق مەديا سالالارىنداعى ٶزگەرٸستەر مەن جاڭاشىلدىقتار قوزعالادى. فورۋم اياسىندا Astana IT University, Alem باعدارلامالاۋ مەكتەبٸ رەسمي تٷردە اشىلادى.
ەسكە سالا كەتسەك, 2018 جىلدىڭ 5 قاراشاسىندا «Digital Bridge» حالىقارالىق تەحنولوگييالىق فورۋمى ٶتكەن بولاتىن. وعان ەلەمنٸڭ 23 ەلٸنەن 600-دەن استام قاتىسۋشى جەنە 50-گە جۋىق سپيكەر كەلگەن ەدٸ.
