«الماتى ەكٸمدٸگٸ «Digital Almaty 2021» فورۋمىندا جاساندى ينتەللەكت قولدانىلاتىن دەنساۋلىق ساقتاۋ سالاسىنداعى ەكٸ جوبانى تانىستىردى, دەپ حابارلايدى قازاقپارات.
«Digital Almaty-2021» حالىقارالىق فورۋمىنىڭ كٷن تەرتٸبٸندە پاندەمييا كەزٸندە پايدا بولعان جاڭا سىن-تەگەۋرٸندەر مەن تسيفرلىق باستامالار تالقىلاندى.
الماتى قالاسىنىڭ تسيفرلاندىرۋ باسقارماسى 2020 جىلى كوروناۆيرۋس ينفەكتسيياسىنا قارسى ەرەكەت ەتۋ ٷشٸن 15 جوبانى ٸسكە اسىرعان بولاتىن, ونىڭ ەكەۋٸ بٷگٸنگٸ فورۋمدا تانىستىرىلدى.
ۇسىنىلعان جوبالار ونوكولوگييالىق اۋرۋلار مەن يشەمييالىق ينسۋلتتى الدىن الا دياگنوستيكالاۋ سەكٸلدٸ كٷردەلٸ باعىتتارداعى تار شەڭبەرلٸ دەرٸگەر ماماندارىنىڭ تەجٸريبەلٸك قىزمەتٸندە جاساندى ينتەللەكتتٸڭ قولدانىسىن كٶزدەيدٸ.
«عorus Data» كومپانيياسى PACS – راديولوگييالىق تٷسٸرٸلٸمدەردٸڭ ورتالىقتاندىرىلعان مەديتسينالىق ارحيۆٸن جاساۋعا باعىتتالعان. الماتى – وسى باستامانى بٸرٸنشٸ بولىپ قولداعان ٶڭٸر, قازٸرگٸ تاڭدا وسى جٷيەمەن قازاقستاننىڭ بٸرنەشە قالاسى, اتاپ ايتقاندا نۇر-سۇلتان, تالدىقورعان, تاراز, كٶكشەتاۋ, ٶسكەمەن, اتىراۋ, پاۆلوداردىڭ 64 اۋرۋحاناسى جۇمىس ٸستەيدٸ. قوندىرىلعان جاساندى ينتەللەكتتٸڭ ارقاسىندا دەرٸگەر شۇعىل قورىتىندى شىعارادى.
جاساندى ينتەللەكتتٸڭ كٶمەگٸمەن كٷردەلٸ اۋىتقۋلار انىقتالعان تٷسٸرٸلٸمدەرگە اۆتوماتتى تٷردە جوعارى قىزىل بەلگٸ قويىلادى. كەلەسٸ كەزەك اۋىتقۋلارى از جەنە اۋىتقۋلارى جوق تٷسٸرٸلٸمدەرگە بەرٸلەدٸ.
جاساندى ينتەللەكت ارقىلى ٶڭدەلگەن تٷسٸرٸلٸمدٸ سالىستىرۋ ٷشٸن تٸكەلەي تٷپنۇسقا سۋرەتٸمەن بٸرگە ساقتالادى. انىقتالعان اۋىتقۋلار بويىنشا كارتا جاسالادى. سەرۆيس ٶكپە اۋرۋلارىنىڭ, ونىڭ ٸشٸندە پنەۆمونييا, تۋبەركۋلەز, ٸسٸنۋدٸڭ (ونكولوگييا) ەڭ جيٸ كەزدەسەتٸن 14 بەلگٸسٸن انىقتاۋعا قابٸلەتتٸ. نەتيجەسٸ اۆتوماتتى تٷردە دەرٸگەردٸڭ قاتىسۋىنسىز ٶڭدەلٸپ, ساقتالادى.
جاساندى ينتەللەكت كٶمەگٸمەن پاتسيەنتكە سول تٷسٸرٸلٸم جاسالعان كٷنٸ دياگنوستيكا جاساۋعا مٷمكٸندٸك بەرەدٸ. بۇعان دەيٸن نەتيجيەنٸ پاتسيەنتتەر 3-تەن 14 كٷنگە دەيٸن كٷتەتٸن. قازٸر PACS 84% دياگنوستيكا جاساۋ دەلدٸگٸمەن كٷنٸنە 300-گە جۋىق رەنتگەن تٷسٸرٸلٸمدەرٸن ٶڭدەيدٸ.
«الماتى جاساندى ينتەللەكت زەرتحاناسى» يشەمييالىق ينسۋلتتٸ ەرتە انىقتاۋ ٷشٸن CEREBRA جوباسىندا جاساندى ينتەللەكتتٸ پايدالانادى.
ينسۋلتتٸ مەديكامەنتوزدى ەمدەۋدٸڭ تەراپەۆتتٸك ۋاقىتى 4,5 ساعاتتى قۇرايدى, وسى ۋاقىت ارالىعىندا دياگنوزدى دۇرىس قويىپ, ەمدەۋ تٷرٸن تاڭداۋ قاجەت. تەراپەۆتتٸك تالداۋ ۋاقىتى شەڭبەرٸندە باس ميىنىڭ زاقىمدانۋ دەرەجەسٸن انىقتاپ ٷلگەرۋ مٷمكٸن بولسا, دەر كەزٸندە ەمدٸ باستايدى. كٶبٸنەسە ينسۋلتتٸڭ دامۋ ساتىسىن انىقتاۋ ٷشٸن كوپيۋتەرلٸك توموگرافييا تٷسٸرٸلٸمدەرٸندەگٸ سۇرعىلت توننان ادام كٶزٸنٸڭ ەرەكشەلٸگٸنە بايلانىستى ونداعى ايىرماشىلىقتى انىقتاۋ مٷمكٸن بولمايدى, ال جاساندى ينتەللەكت ونى 10 مينۋتتا جاساي الادى.
يشەمييالىق ينسۋلتتٸ انىقتاۋ ٷشٸن جاساندى ينتەللەكتتٸڭ الگوريتمٸ ەڭ كٷردەلٸ بولىپ ەسەپتەلەتٸنٸن اتاپ ٶتكەن جٶن, ٶيتكەنٸ انىقتاۋدىڭ جوعارى دەرەجەسٸنە جەتكەندەر ەلەمدە كٶپ ەمەس.
الماتى قالاسىنىڭ №7-شٸ قالالىق كلينيكالىق اۋرۋحاناسىنىڭ باس دەرٸگەرٸ ماناس رامازانوۆ ايتۋىنشا, ماماننىڭ ونكولوگييانىڭ نەمەسە يشەمييالىق ينسۋلتتٸڭ باستاپقى ساتىسىن انىقتاۋعا جەتكٸلٸكتٸ ساراپتامالىق قابٸلەتٸ نەمەسە تەجٸريبەسٸ جەتپەۋٸ مٷمكٸن.
«ال تسيفرلىق تەحنولوگييا بٸردەن دۇرىس دياگنوز قويىپ, پاتسيەنتتٸ مامانداندىرىلعان مەديتسينالىق مەكەمەگە شۇعىل جٸبەرۋگە كٶمەكتەسەدٸ. سوندىقتان قازاقستان بويىنشا جاساندى ينتەللەكتتٸ قولداناتىن جوبالاردىڭ اۋقىمىن كەڭەيتۋ ٶتە ماڭىزدى», - دەدٸ دەرٸگەر.
