نۇر-سۇلتان قالاسىنىڭ ەكٸمٸ التاي كٶلگٸنوۆتٸڭ ايتۋىنشا, بٷگٸنگە دەيٸن ەلوردادا 1900 پودەزدە دەزينفەكتسييالاۋ جۇمىسى جٷرگٸزٸلگەن, دەپ حابارلايدى قازاقپارات.
«قالاداعى دەزينفەكتسييا ايتارلىقتاي كٷردەلٸ جۇمىس. بۇل ٸسكە قارۋلى كٷشتەردٸڭ ەسكەريلەرٸ دە ارالاستى. دەل قازٸرگٸ ۋاقىتتا قالانى دەزينفەكتسييالاۋ جۇمىسىنا 475 ادام اتسالىسۋدا. جارتىسى – ەسكەريلەر. قالعانى بٸزدٸڭ ماماندار مەن دەزينفەكتسييامەن اينالىساتىن ارنايى كومپانييانىڭ ٶكٸلدەرٸ. ەڭ بٸرٸنشٸ كەزەكتە بٸز ينفەكتسييا وشاقتارىن ٶڭدەيمٸز. مەسەلەن قازٸرگٸ تاڭدا شاھاردا 10 ۇيىم كارانتيگە جابىلعان. ونىڭ ٸشٸندە №1 اۆتوبۋس پاركٸ دە بارىن بٸلەسٸزدەر. سونىمەن قاتار كارانتينگە جابىلعان نىسانداردىڭ ٸشٸندە جاتاقحانالار, ەكٸ مەديتسينالىق ۇيىم بار. بٸز ەڭ بٸرٸنشٸ كەزەكتە كوروناۆيرۋس انىقتالعان ادامنىڭ ٷيٸندەگٸ پودەزدٸ تازالادىق», - دەدٸ التاي كٶلگٸنوۆ تەنگرينيۋس.كز پورتالىنا بەرگەن تٸكەلەي ەفيردەگٸ سۇحباتىندا.
قالا باسشىسى, سونىمەن قاتار, دەزينفەكتسييالاۋ جۇمىسى ايالدامالاردا, جاياۋ جٷرگٸنشٸلەر جولىندا جٷرگٸزٸلٸپ جاتقانىن ايتىپ ٶتتٸ.
«قازٸر بٸز نەگٸزٸنەن پودەزدەرگە باسا ماڭىز بەرٸپ وتىرمىز. نە ٷشٸن بۇل كٷردەلٸ جۇمىس دەپ ايتىپ وتىرمىن. مەسەلەن دەزينفەكتسييالاۋشى بٸر ادامنىڭ ارقاسىندا 10 كەلٸلٸك جٷكپەن كٷنٸ بويى جۇمىس ٸستەيدٸ. بٷگٸن تاڭەرتەڭگە دەيٸن بٸز 1900 پودەزدٸ دەزينفەكتسييالادىق. بۇل – 500-گە تارتا ٷي», - دەدٸ ول.
ونىڭ ايتۋىنشا كٶشە مەن اۋلادا ادام قانشالىق از بولسا, كوروناۆيرۋستىڭ تارالۋ قاۋپٸ سونشالىقتى تٶمەن.
«بۇل پرەپاراتتار ادامداردىڭ ٶمٸرٸنە قاۋٸپتٸ بولسا, پايدالانباس ەدٸك. بٸراق بۇل پرەپارات – انتيۆيرۋس. سول سەبەپتٸ ول شاشىلىپ جاتقان كەزدە اۋلاق بولۋ كەرەك. جالپى, قاۋٸپسٸز دەگەنٸمٸزبەن قۇرامىندا حلور بار. بۇل مەسەلەگە دە بارلىق قاۋٸپسٸزدٸك نورماسىن ساقتاي وتىرىپ قاراۋ كەرەك. سول سەبەپتٸ پودەزدەردٸ ٶڭدەۋ كەزٸندە قالا تۇرعىندارىنا شىقپاۋدى سۇرايمىز», - دەدٸ ول.
