ورتا سالماقتا ٶنەر كٶرسەتەتٸن ۋكراينالىق بوكسشى سەرگەي دەرەۆيانچەنكو (13-2, 10 كو) قازاقستاندىق گەنناديي گولوۆكينمەن (40-1-1, 35 كو) رەۆانش ٶتكٸزۋگە قوياتىن شارتىن ايتتى, دەپ حابارلايدى Sports.kz پورتالى.
«بوكس – قۇبىلمالى بيزنەس. گولوۆكين ەندٸ بەلدٸگٸن قورعايدى. ەگەر ولار الۆارەسپەن كەلٸسە الماسا, بٸزدٸڭ جەكپە-جەگٸمٸزدٸ ٶتكٸزۋگە كٷش سالۋلارىنا بولادى. بۇل دا ٷلكەن ەرٸ «اقشالى» ايقاس بولادى دەپ ويلايمىن. تٸپتٸ, بٸرٸنشٸسٸنەن دە قىزىقتى بولۋى مٷمكٸن», - دەدٸ دەرەۆيانچەنكو.
دەرەۆيانچەنكونىڭ ٶزٸ كەلەر جىلى الۆارەسپەن نەمەسە WBC چەمپيونىمەن جەكپە-جەك ٶتكٸزۋدٸ جوسپارلاپ وتىر.
ەسكە سالا كەتەيٸك, دەرەۆيانچەنكو-گولوۆكين جەكپە-جەگٸندە قازاقستاندىق بوكسشى تٶرەشٸلەردٸڭ شەشٸمٸمەن جەڭٸسكە جەتكەن بولاتىن.
