تٶرتٸنشٸ ٶندٸرٸستٸك رەۆوليۋتسييانىڭ دامۋىمەن دەرەكتەردٸڭ ماڭىزى ارتىپ كەلەدٸ. زاتتار ينتەرنەتٸ, تاسىمالداۋ قۇرىلعىلارىمەن ٶزگە دە كٶزدەردەن تٷسەتٸن دەرەكتەر كٶلەمٸ ٶسكەن سايىن, تەحنيكالىق ٶزگەرٸستەر قارقىنى ٷدەي تٷستٸ. ماشينالارمەن, اقپاراتپەن قارىم-قاتىناس ەدەتتٸ داعدىعا اينالىپ, كٷن سايىن كٷشەيٸپ كەلەدٸ. روبوتوتەحنيكا, اۋا-رايى ٶزگەرٸستەرٸن مودەلدەۋ, اۋىل شارۋاشىلىعى ٶنٸمدٸلٸگٸ جەنە ٶزدٸگٸمەن جٷرەتٸن كٶلٸكتەردٸ شىعارۋ سەكٸلدٸ كٶپتەگەن سالادا قولدانىلاتىن جاساندى ينتەللەكت جٷيەلەرٸنٸڭ نەگٸزٸ دەرەكتەرگە تٸكەلەي بايلانىستى.
جاساندى ينتەللەكتٸڭ كٶپتەگەن تٷرٸن, ماشينالىق وقىتۋ الگوريتمدەرٸن, ەسٸرەسە نەيرون جٷيەلەرٸن جەتٸلدٸرۋ ٷشٸن وراسان زور مٶلشەردە دەرەكتەر قاجەت. دەرەكتەر نەعۇرلىم كٶپ بولسا, سوعۇرلىم جۇمىس دەلدٸگٸ ارتادى. نەيرون جٷيەسٸ زەرتتەگەن رەنگتەن كەسكٸندەرٸنٸڭ سانى ارتقان سايىن, ونىڭ ٸسٸكتەرگە جاساعان سيپاتتامالارى ايقىندالا تٷسەدٸ. دەرەك از بولسا, دەلدٸگٸ دە ازايادى.
بٷگٸندە ەلەكتروندى ساۋدا, داۋىسپەن باسقارىلاتىن كٶمەكشٸلەر جەنە ٶزگە دە كٶزدەردەن تٷسەتٸن زور مٶلشەردەگٸ دەرەكتەردٸ جيناپ, ونى ٶڭدەۋگە مٷمكٸندٸكتەرٸ بار بٸرنەشە ٸرٸ كورپوراتسييا ٷلكەن ارتىقشىلىققا يە. كٶلٸك جٷرگٸزۋدەن باستاپ ۇيالى تەلەفون مەن ينتەرنەتتٸ قالاي پايدالانىپ جٷرگەنٸ تۋرالى اۋقىمدى دەرەكتەر جينايتىن حالقى كٶپ كەيبٸر ەلدەر دە بۇل باعىتتا العا باسقانى انىق. الايدا بۇل بيلٸك پەن بايلىقتىڭ تەڭسٸزدٸگٸنە ەكەلگەندەي ەسەر قالدىرادى. اقپارات شاعىن توپتىڭ قولىندا شوعىرلانعاندىقتان, كٶلەمدٸ دەرەكتەردٸ ٶز پايداسىنا جاراتۋعا مٷمكٸندٸك بەرەدٸ.
ال حالقى از نەمەسە زاماناۋي تەحنولوگييالاردى يگەرۋگە شاماسى جەتپەيتٸن ەلدەردٸڭ جاعدايى نە بولماق? كەيبٸر شاعىن ەلدەر باي بولۋى مٷمكٸن, الايدا حالقى از بولعاندىقتان دەرەكتەر تولىققاندى جەتٸسپەيدٸ. ٶزگە بٸر ەلدەر تاريحي سەبەپتەرگە بايلانىستى قالىپتى دامي الماعان. ٶزەكتٸ دەرەكتەرگە قولى جەتپەيتٸندٸكتەن, ولاردىڭ بارلىعى دامۋدىڭ سوڭعى ساتىسىندا قالۋى مٷمكٸن. ٶندٸرٸس قۇرالدارىن شىعارماي, تەك شيكٸزاتپەن قامتاماسىز ەتٸپ تۇرادى. تيٸمسٸز جاعدايدا قالعان ەلدەر مەن كومپانييالارعا جەردەمدەسۋدٸڭ بٸر جولى دەرەكتەرمەن الماسۋ جٶنٸندە كەلٸسٸم جاساۋ بولۋى تيٸس. تاۋارلار مەن قىزمەتتەرگە قاتىستى ساۋدا كەلٸسٸمدەر سەكٸلدٸ بۇل دا بەرٸنە پايدا ەكەلە الادى. بٸرنەشە مەملەكەتتٸڭ دەرەكتەرٸن قوسۋ ارقىلى ەر ەل زاماناۋي ٶندٸرٸسكە قاجەتتٸ دەرەكتەر بازاسىنا قول جەتكٸزەدٸ. كەيبٸر جاعدايدا دٷنيەجٷزٸلٸك كەلٸسٸمدەر جاسالۋى مٷمكٸن. مىسالى, بۇل قاتەرلٸ ٸسٸك سيياقتى شەكارانى قاجەت ەتپەيتٸن اۋرۋلارعا قاتىستى. ال ورتاق تٸلٸ مەن مەدەنيەتٸ بار ەلدەردٸڭ بۇل مەسەلەدە بٸرٸگۋٸ تيٸمدٸ بولاتىنى انىق. «PwC» كومپانييانىڭ بولجامىنشا, 2025 جىلى دەرەكتەردٸڭ دٷنيەجٷزٸلٸك نارىعى 400 ميلليارد دوللاردان اسىپ كەتەدٸ.
جەكە دەرەكتەردٸڭ باعاسىن بەلگٸلەۋ
دەرەكتەردٸڭ قولجەتٸمدٸگٸن ارتتىرۋ بارلىق ەلدەرگە پايدالى. الايدا بۇل دەرەكتەر جەكە ادامداردان تٷسەدٸ. قازٸردٸڭ ٶزٸندە وسى دەرەكتەر كٶبٸنەسە پايدا تابۋ ٷشٸن قولدانادى, بولاشاقتا بۇل ٷردٸس ارتا تٷسەتٸنٸ سٶزسٸز. ياعني, مۇنداي دەرەكتەردٸڭ ٶز قۇنى بار. ادامداردىڭ ٶز جەكە دەرەكتەرٸنەن تٷسەتٸن تابىستان بەلگٸلٸ بٸر ٷلەسٸن الۋىنا مٷمكٸندٸگٸ بولۋى كەرەك.
قازٸردە ادامنىڭ جەكە ٶمٸرٸنٸڭ قۇپييالىعى جٶنٸندە زاڭدار ەر ەلدە ەرتٷرلٸ. بۇل دەرەكتەر جيناۋ مەن ونى تاراتۋدى قيىنداتادى. ەرينە جەكە ٶمٸردٸ قورعاۋ – دۇرىس ٸس. دەگەنمەن, ادام ٶز ەركٸمەن گەنەتيكالىق مەلٸمەتتەرٸ مەن اۋرۋ تاريحىن مەديتسينالىق زەرتتەۋلەر ٷشٸن تاپسىرعىسى كەلسە, ول ٷشٸن تابىس الاتىنداي جاعداي جاساۋ قاجەت. بۇل نەگٸزٸندە بٷكٸل حالىققا ٶز پايداسىن ەكەلەدٸ. ەرينە بۇل تەك مەديتسيناعا عانا قاتىستى ەمەس. بٸر جاعىنان بٸزدەن تٷسٸپ تۇرعان اقپارات تسيفرلىق شاڭ بولىپ كٶرٸنۋٸ مٷمكٸن. بۇعان ەلەۋمەتتٸك جەلٸلەردە جازعان حابارلامالارىمىز, اقىلدى ساعاتتارىمىزدىڭ جاتتىعۋلاردى نەمەسە كٷندەلٸكتٸ كٶلٸك جٷرگٸزۋ ەدەتٸمٸزدٸ تالداۋى كٸرەدٸ.
مۇنى جٷزەگە اسىرۋدىڭ بٸر جولى تاۋار بيرجالارى سەكٸلدٸ دەرەكتەردٸڭ باعاسىن انىقتايتىن الماسۋ الاڭدارىن قۇرۋ بولۋى مٷمكٸن. ەگەر ەلدەبٸرەۋلەر, بۇل جەكە ەل, مەملەكەتتەر وداعى, زەرتحانا نەمەسە كەسٸپورىن بولسىن, دەرەكتەر قولدانعىسى كەلسە, تٶلەم رەتٸندە ينتەرنەتتە اقشا رەتٸندە پايدالاناتىن توكەندەردٸ ۇسىنا الادى. الماسۋ بارىسىندا دەرەكتەر باعاسى دا انىقتالادى. جۇرت وسى باعانى كٶرٸپ, ٶز دەرەكتەرٸن نارىققا شىعارۋ جٶنٸندە قاجەتتٸ شەشٸم قابىلداي الادى. بۇل ٸستٸ رەتتەۋ ٷشٸن بلوكچەين قولدانىلۋى مٷمكٸن.
قازٸردٸڭ ٶزٸندە مۇنداي دەرەك الماسۋدىڭ سىنامالى جٷيەسٸ بار. ەلٸ جەتٸلمەگەنٸمەن, بولاشاقتا جاڭا بٸر سالانى دٷنيەگە كەلتٸرۋٸ ىقتيمال. بۇل بەرٸمٸزگە تيٸمدٸ بولۋى مٷمكٸن. ساۋدا كەلٸسٸمدەرٸ ٷلگٸسٸندە شارتتار جاسالۋى دامۋشى ەلدەرگە ٶتە پايدالى بولماق. جاساندى ينتەللەكتٸڭ كٶمەگٸمەن دەرەك الماسۋ سالاسىنداعى جاعدايدى تەڭەستٸرە الساق, تٶرتٸنشٸ ٶندٸرٸستٸك رەۆوليۋتسييا جەتٸستٸكتەرٸ ەلدەر مەن كەسٸپورىندارعا بٸركەلكٸ تارايدى. ال بۇل ٶز كەزەگٸندە جاڭا نارىقتى قالىپتاستىرىپ, ەكونوميكالىق ٶسٸمگە تٷرتكٸ بولادى.
ماقالانىڭ تٷپنۇسقاسى: weforum.org
