پارلامەنت دەپۋتاتتارى حالىق ٷنٸنە قۇلاق اسۋدى جٶن كٶرٸپ, نۇر-سۇلتان قالاسىنا بۇرىنعى اتاۋىن قايتارۋدى ۇسىندى. بۇل تۋرالى مەجٸلٸس سپيكەرٸ ەرلان قوشانوۆ مەلٸمدەدٸ, دەپ حابارلايدى Sputnik قازاقستان.
مەجٸلٸس كۋلۋارىندا جۋرناليستەر دەپۋتاتتار ەلورداعا نەگە استانا اتاۋىن قايتارۋدى ۇسىنعانىن سۇرادى.
"بٸرنەشە جىل بۇرىن ەلوردانىڭ اتاۋىن ٶزگەرتكەننەن باستاپ قوعامنىڭ ٸشٸندە پٸكٸرتالاس تولاستامادى. ەلٸ كٷنگە دەيٸن جٷرٸپ جاتىر. حالىق اراسىندا الۋان تٷرلٸ پٸكٸر بار. سونىڭ كٶبٸسٸ بۇرىنعى اتاۋىن قايتارۋعا قاتىستى. سوندىقتان دەپۋتاتتار "حالىق ٷنٸنە قۇلاق اساتىن مەملەكەت" رەتٸندە حالىقتىڭ ٷنٸنە قۇلاق اسۋ قاجەت دەگەن ۇسىنىسپەن وسى مەسەلەنٸ كٶتەردٸ. ەندٸ الدا قانداي شەشٸم بولاتىنىن كٷتەيٸك", - دەپ جاۋاپ بەردٸ قوشانوۆ.
2 قىركٷيەكتە مەجٸلٸستەگٸ "جاڭا قازاقستان" دەپۋتاتتىق توبىنىڭ مٷشەلەرٸ ەلورداعا استانا اتاۋىن قايتارۋ تۋرالى باستاما كٶتەردٸ.
ەسكە سالساق, 2019 جىلى 23 ناۋرىزدا استانا اتاۋى رەسمي تٷردە نۇر-سۇلتان دەپ ٶزگەرتٸلدٸ. نۇرسۇلتان نازارباەۆ وتستاۆكاعا كەتكەننەن كەيٸن, ەل تٸزگٸنٸن قولعا العان قازٸرگٸ پرەزيدەنت قاسىم-جومارت توقاەۆ ەلباسىنىڭ اتىن مەڭگٸ ساقتاۋ ٷشٸن ەلوردا اتاۋىن ٶزگەرتۋدٸ ۇسىنعان بولاتىن. بۇل ۇسىنىستى پارلامەنت پەن قالالىق مەسليحات دەپۋتاتتارى بٸراۋىزدان قولداعان ەدٸ.
