پارلامەنت مەجٸلٸسٸنٸڭ جالپى وتىرىسىندا دەپۋتات البەرت راۋ بەنزيننٸڭ قىمباتتاۋىنا قاتىستى تەكسەرۋ جٷرگٸزۋدٸ سۇرادى, دەپ حابارلايدى "ۇلت اقپارات".
«بٸزدٸڭ دەپۋتاتتىق ساۋال سوڭعى ۋاقىتتا جانار-جاعارماي نارىعىندا بەنزين باعاسىنىڭ ٶسٸمٸنە بايلانىستى بولىپ وتىر. جىل باسىنان بەرٸ اي-92 ماركالى بەنزينٸنٸڭ قۇنى الماتىدا ليترٸنە 150 تەڭگەدەن 168 تەڭگەگە دەيٸن جوعارىلادى, ال نۇر-سۇلتاندا - 170 تەڭگەگە دەيٸن, اقتاۋدا – 172 تەڭگەگە دەيٸن, اتىراۋدا 200 تەڭگەگە دەيٸن جەتتٸ. ەگەر بۇعان دەيٸن قۇزىرلى ۆەدومستۆو مۇنداي باعا قۇبىلمالىعىن يمپورتقا تەۋەلدٸلٸك, مۇناي ٶڭدەۋ زاۋىتىنداعى جوسپارلى جٶندەۋمەن تٷسٸندٸرسە, ەندٸ وسى جولى سەبەپتٸ اتىراۋ مۇناي ٶڭدەۋ زاۋىتىنداعى تەحنولوگييالىق قوندىرعىلاردىڭ اپاتتىق توقتاۋىمەن بايلانىستىرىپ وتىر. ٶندٸرٸستٸك كەمشٸلٸكتەرگە «وبەكتيۆتٸ سەبەپتەردٸ» تابۋعا بولاتىنى بەلگٸلٸ. دەگەنمەن, بۇدان اۆتوكٶلٸك جٷرگٸزۋشٸلەرٸ زارداپ شەكپەۋٸ تيٸس دەپ سانايمىز», - دەدٸ راۋ ٷكٸمەت باسشىسىنىڭ ورىنباسارى رومان سكلياردىڭ اتىنا جولداعان ساۋالىندا.
وسى ورايدا ول بەنزين باعاسىنىڭ ٶسۋٸ تاريفتەردٸڭ, تاۋارلار مەن قىزمەتتەردٸڭ سوڭعى قۇنىنا ىقپال ەتەتٸنٸن ەسكە سالدى. مۇنىڭ سالدارىنان قاراپايىم تۇتىنۋشىلار زارداپ شەگەدٸ.
«بەنزين باعاسىنىڭ ٶسٸمٸنە قاتىستى جاڭالىقتار تاراعاننان كەيٸن, ەنەرگەتيكا مينيسترلٸگٸ تاراتقان اقپاراتتا جانار-جاعارماي باعاسىنا ۆەدومستۆو جاۋاپتى ەمەستٸگٸ اتالىپ ٶتكەن. حابارلامادا قازٸرگٸ كەزدە مۇناي ٶنٸمدەرٸنٸڭ ٸشكٸ نارىعىنداعى باعا رەتتەلمەيتٸندٸگٸ جەنە نارىقپەن سۇرانىس ەرٸ ۇسىنىس نەگٸزٸندە ايقىندالاتىنى جارييالانعان. تۇتىنۋشى ٷشٸن سوڭعى باعا مۇناي ٶنٸمٸنٸڭ كٶتەرمە قۇنىنىڭ, جانار-جاعارماي قۇيۋ ستانتسيياسىنا دەيٸنگٸ بارلىق كٶلٸك شىعىنى, مۇناي بازاسىندا ساقتاۋ, بٶلشەك ساتۋشىنىڭ شىعىنى, سونداي-اق اكتسيزدەر مەن سالىق نەگٸزٸندە قالىپتاساتىندىعى جازىلعان. قۇزىرلى ۆەدومستۆونىڭ وسىنداي وعاش ۇستانىمى ولاردا بەنزين باعاسىنىڭ ٶسٸمٸنە ەرەكەت ەتۋدە تٷسٸنٸكتٸ ستراتەگييا مەن تيٸستٸ ٸس-شارالاردىڭ جوقتىعىن بايقاتىپ وتىر», - دەدٸ راۋ.
بۇل تۇرعىدا دەپۋتات ٷكٸمەتكە تيٸستٸ ۇسىنىستاردى جارييالادى:
1) جانار-جاعارماي نارىعىندا جاعدايدى تۇراقتاندىرۋ بويىنشا قاجەتتٸ شارالاردى قابىلداۋ:
2) بەنزين باعاسىن رەتتەۋدٸڭ تيٸمدٸ تەتٸكتەرٸن دايارلاپ, ەنگٸزۋ;
3) بەسەكەلەستٸكتٸ قورعاۋ جەنە دامىتۋ اگەنتتٸگٸمەن بٸرلەسە جانار-جاعارماي نارىعىندا باعا بويىنشا كەلٸسۋ مەن كارتەلدٸك كەلٸسٸم ىقتيمالدىعىنا تەكسەرۋ جٷرگٸزۋ.
