فوتو: اشىق دەرەككٶزدەن
قاڭتار وقيعاسى كەزٸندە تٶڭكەرٸس جاساۋعا ۇمتىلعانداردىڭ كٸم ەكەنٸ بٷكپەسٸز ايتىلۋى كەرەك. مەجٸلٸس دەپۋتاتتارى باس پروكۋروردىڭ اتىنا جولداعان دەپۋتاتتىق ساۋالىندا وسىنداي تالاپ قويدى, دەپ حابارلايدى Ulysmedia.kz پورتالى.
“بٷكٸل ەلدٸ دٷر سٸلكٸندٸرگەن «قاسٸرەتتٸ قاڭتار» وقيعاسىنا 1 جىل بولدى. سول كٷندەرٸ حالقىمىز بۇرىن-سوڭدى بولماعان قاۋٸپ-قاتەرمەن بەتپە-بەت كەلدٸ. مەملەكەتٸمٸزدٸڭ تۇتاستىعى مەن مىزعىماس ەگەمەندٸگٸنە زور قاۋٸپ تٶندٸ. قاڭتارلى كٷندەردە تەۋەلسٸزدٸكتٸڭ قادٸر-قاسيەتٸن, تىنىشتىق پەن بەيبٸتشٸلٸك قانشالىقتى ماڭىزدى ەكەنٸن جان-جٷرەگٸمٸزبەن سەزٸندٸك.
قاڭتاردىڭ باسى ماڭعىستاۋدا ٶرٸس العانى بەلگٸلٸ. وقيعا سۇيىتىلعان گاز باعاسىن تٶمەندەتۋ كەرەك دەگەن ۇرانمەن باستالدى. باسىندا بەيبٸت تٷردە باستالعان شەرۋدٸ ارانداتۋشى توپتار پايدالانىپ, ونىڭ سوڭى ٸرٸ قالالاردا تەرتٸپسٸزدٸك پەن قايعىلى وقيعالارعا ۇلاستى”, – دەيدٸ دەپۋتاتتار.
مەجٸلٸسمەندەردٸڭ سٶزٸنشە, تٶڭكەرٸس جاساۋعا ۇمتىلعانداردىڭ باسىندا بەلگٸلٸ ساياسي لاۋازىمداعى ادامداردىڭ بولعانى انىق.
“ولار ساتقىندىق جاساپ, مەملەكەت باسشىسىنا ەلدەگٸ احۋال تۋرالى جالعان اقپاراتتار بەردٸ. ٸشتەن شىققان جاۋلار, مۇقييات ويلاستىرىلعان اۋقىمدى وپەراتسييادا, كەسٸبي دايىندىقتان ٶتكەن باسكەسەر-سودىرلاردى ەش تارتىنباستان پايدالاندى. ٸرٸ شاھارىمىز اياۋلى الماتى مەن كەيبٸر قالالارىمىزدا ۇرىستار ورىن الدى. ەڭ سۇمدىعى ٸشكٸ جەنە سىرتقى جاۋلارىمىز بٸرٸگە قىلمىستىق قيمىل جاساپ, بيلٸككە قارسى قولدارىنان كەلگەنٸن ٸستەدٸ. ولار مەملەكەتتٸك ورگاندارعا, ستراتەگييالىق نىساندارعا, قارۋ-جاراق دٷكەندەرٸ مەن بيزنەسكە تيەسٸلٸ عيماراتتارعا اياۋسىز شابۋىلدار ۇيىمداستىردى. شىن مەنٸندە, بۇل ەلدٸك پەن مەملەكەتٸمٸزگە تٶنگەن اسا قاۋٸپتٸ سىن-قاتەر ەدٸ”, – دەلٸنگەن دەپۋتاتتىق ساۋالدا.
حالىق قالاۋلىلارى جىل باسىندا حالىق تالابىن ەسكەرە كەلە, قاڭتار قاسٸرەتٸن اشىق تالقىلاۋ ٷشٸن, «جاڭا قازاقستان» دەپۋتاتتىق توبى باس پروكۋرورعا دەپۋتاتتىق ساۋال جولداعانىن ەسكە سالدى.
“ول ساۋالعا پارلامەنتتە ارنايى جاۋاپ بەرٸلدٸ. شىندىعىن ايتقاندا, مەجٸلٸس تٶرٸندە مەملەكەتتٸك تٶڭكەرٸسكە يتەرمەلەگەن وقيعانى مۇنداي كەڭ اۋقىمدى تالقىلاۋ ەشقاشان بولماعان. قۇقىق قورعاۋ ورگاندارى تەرگەۋ قورىتىندىلارى تۋرالى ەسەپ بەرٸپ, بەرٸ اشىق ايتىلدى. سول كەزدە بٸرٸنشٸ رەت قايتىس بولعان 238 ادامنىڭ تٸزٸمٸ مەن 3 مىڭنان استام قارۋدىڭ ۇرلانعانى حاباردار ەتٸلدٸ. قوعامدى مازالاعان سۇراقتاردى بٷكپەسٸز قويدىق. بٸرٸنە جاۋاپ الساق, ەندٸ كەيبٸرٸنە تەرگەۋ امالدارىنان سوڭ ناقتى جاۋاپ ايتىلادى دەلٸندٸ”, – دەيدٸ مەجٸلٸسمەندەر.
حالىقتىڭ كٶكەيٸندە ەلٸ دە جاۋابى جوق سۇراقتار جەتكٸلٸكتٸ ەكەنٸن ايتقان دەپۋتاتتار تيٸستٸ كٷشتٸك قۇرىلىمدار مەن مەملەكەتتٸك ورگانداردان جىلدىڭ باسىندا مەجٸلٸستٸڭ العاشقى جالپى وتىرىسىنا كەلٸپ, جوعارىدا ايتىلعان جەنە باسقا دا ساۋالدارعا بٷكپەسٸز اشىق جاۋاپ بەرۋدٸ تالاپ ەتتٸ.
