ەلوردادا قر پارلامەنتٸنٸڭ مەجٸلٸس دەپۋتاتى نۇرجان ەلتاەۆتىڭ باستاماسىمەن زورلاۋ قىلمىسىنا قاتىستى زاڭدى قاتايتۋ مەسەلەسٸ بويىنشا دٶڭگەلەك ٷستەل ٶتٸپ جاتىر, دەپ حابارلايدى قازاقپارات تٸلشٸسٸ.
قر باس پروكۋراتۋراسى, «NurOtan» پارتيياسىنىڭ قوعامدىق ۇيىمدار مەن ادۆوكاتتاردىڭ قاتىسۋىمەن ٶتكەن جيىندا قر پارلامەنتٸنٸڭ مەجٸلٸس دەپۋتاتى نۇرجان ەلتاەۆ زورلاۋ قىلمىسىن ورتا اۋىر قىلمىستان اۋىر قىلمىس تٷرٸنە اۋىستىرۋدى ۇسىندى.
«ەيەلدەرگە قاتىستى زورلىق-زومبىلىق جيٸلٸپ كەتتٸ. بۇل - بٸزدٸڭ نامىسىمىزعا تيەتٸن تەندەنتسييا. سوندىقتان, زورلاۋ قىلمىسىن ورتا اۋىر ساناتتان اۋىر ساناتقا ٶتكٸزۋٸمٸز كەرەك. انالارىمىز بەن قارىنداستارىمىزدىڭ ارىن تاپتاتىپ قويىپ, قاراپ وتىرساق, ەلدٸگٸمٸز قايسى? قر پرەزيدەنتٸ قاسىم-جومارت توقاەۆ بۇل مەسەلەنٸ كٶتەرٸپ, الداعى جولداۋىندا وسىعان قاتىستى ناقتى تاپسىرمالار بەرەتٸنٸن ايتتى. بٸز دە وسى مەسەلەگە ٶز ٷنٸمٸزدٸ قوسۋ ٷشٸن باس قوسىپ وتىرمىز», - دەگەن دەپۋتات قازاق تاريحىندا مۇنداي قىلمىس ٶلٸممەن جازالانعانىن ەسكە الدى.
«ەگەر زورلاۋ قىلمىسىن اۋىر ساناتقا ٶتكٸزسەك, ەكٸ جاقتىڭ كەلٸسٸمٸمەن ٸستٸ جابۋ مٷمكٸن بولمايدى. زورلىق جاساعان ادامدى باس بوستاندىعىنان ايىرۋ جازاسىن دا قاتاڭداتىپ, مەرزٸمٸن ۇزارتۋ قاجەت دەگەن ويدامىن. ال زورلىققا تاپ بولعان ەيەل ادامدارعا تەرگەۋ باستالعان كەزدەن باستاپ بارلىق جاعداي جاسالۋى كەرەك. بٸرٸنشگٸدەن, پسيحولوگ بٶلٸنۋٸ كەرەك. ەكٸنشٸدەن, مەملەكەتتٸڭ قارجىلاندىرۋىمەن ادۆوكات بٶلٸنۋٸ كەرەك. كۋەگەرلەردٸ قورعاۋ جٷيەسٸ, زارداپ شەگۋشٸنٸ قورعاۋ جٷيەسٸ بويىنشا دا زورلىق كٶرگەن ادامنىڭ قۇقىعى قورعالۋى قاجەت», - دەدٸ نۇرجان ەلتاەۆ.
دەپۋتات ادام زورلاۋ سيياقتى ايۋاندىق قىلمىس جاساپ سوتتالعانىمەن, مەرزٸمٸنەن بۇرىن بوساپ جاتقاندار بار ەكەنٸن دە ايتتى.
«وسىنداي قىلمىس جاساعانى ٷشٸن سوتتالعانداردىڭ كەيبٸرٸ مەرزٸمٸنەن بۇرىن بوساپ جاتادى. ولاي بولماۋى كەرەك. بٸز دەل وسى زورلىق قىلمىسى ٷشٸن سوتتالعان ادامداردى مەرزٸمٸنەن بۇرىن شارتتى بوساتۋ بابىن زاڭنان الىپ تاستاۋ كەرەك دەگەن ۇسىنىس ەنگٸزبەكپٸز», - دەدٸ ول.
