سۋرەت اشىق دەرەككٶزدەن الىندى
مەجٸلٸس دەپۋتاتى گٷلدارا نۇرىموۆا دەرٸحانالارعا ارنالعان GPP ستاندارتىن ەرٸكتٸ تٷردە ەنگٸزۋدٸ ۇسىندى, دەپ حابارلايدى Sputnik قازاقستان.
ونىڭ ايتۋىنشا, اۋىلدىق ەلدٸ مەكەندەردە ورنالاسقان شاعىن دەرٸحانالاردىڭ يەلەرٸن جىل باسىنان بەرٸ حالىقارالىق GPP ستاندارتىنىڭ ەنگٸزٸلۋ مەسەلەسٸ مازالاپ جٷر.
دەپۋتاتتىڭ اقپاراتىنشا, ەلٸمٸزدە 10,5 مىڭ دەرٸحانا بار, سونىڭ تەك 8 پايىزى عانا GPP تالاپتارىنا ساي كەلەدٸ.
"وسى تالاپتىڭ كەسٸرٸنەن شاعىن دەرٸحانالار جابىلۋعا مەجبٷر, ال ولاردىڭ قىزمەتكەرلەرٸ جۇمىسسىزدار قاتارىن تولىقتىرماق. بٷگٸنگٸ تاڭدا 150 دەرٸحانا جابىلدى جەنە 300-گە جۋىق دەرٸحانا جابىلۋ ٷستٸندە تۇر. بۇل كٶرسەتكٸش تەك ٶسە بەرمەك. بٸر شاعىن دەرٸحانا بٸر وتباسىن اسىرايدى", - دەيدٸ نۇرىموۆا ۆيتسە-پرەمەر التاي كٶلگٸنوۆكە جولداعان دەپۋتاتتىق ساۋالىندا.
دەپۋتات ەلدەگٸ دەرٸحانالار ٷشٸن قولدانىستاعى ەرەجەلەر مەن نورمالار جەتكٸلٸكتٸ, تاعى دا باسقا تالاپتار مەن ەرەجەلەردٸ ەنگٸزۋدٸڭ قاجەتٸ جوق دەپ سانايدى.
ايتۋىنشا, جۇمىس ٸستەپ تۇرعان بارلىق دەرٸحانادا ليتسەنزييا بار جەنە سانيتارلىق ەرەجەلەر مەن نورمالارعا ساي دەرٸنٸڭ دۇرىس ساقتالۋى ٷشٸن قاجەتتٸ جاعدايدىڭ بارلىعى ساقتالعان.
"بٸراق وسىعان قاراماستان تاعى قوسىمشا تالاپتار ەنگٸزٸلمەك. مىسالى, جۇمىس ٸستەيتٸن 6 جۋرنالدىڭ ورنىنا كٷن سايىن 18-دەن 32-گە دەيٸن جۋرنال جٷرگٸزۋ, كوسىمشا شتات ەنگٸزۋ, شٷبەرەكتەردٸڭ تٷس سحەماسىنا قويىلاتىن تالاپتار. دەرٸحانا كٸلتتەرٸن بەرۋ جۋرنالىن تولتىرۋ دەرٸ-دەرمەكتٸڭ ساپاسىنا قالاي ەسەر ەتەدٸ? ولاردىڭ نەگٸزگٸ بٶلٸگٸ ٸس جٷزٸندە جۇمىس ٸستەمەيدٸ, بٸراق جاساندىلىق ٷشٸن تولتىرىلادى", - دەپ اشۋلاندى حالىق قالاۋلىسى.
نۇرىموۆانىڭ مەلٸمەتٸنشە, بٸر دەرٸحاناعا GPP ستاندارتىن ەنگٸزۋ ٷشٸن شامامەن 5 ميلليون تەڭگە قاجەت. ستاندارت قوسىمشا قىمبات جابدىق ساتىپ الۋدى, جيھاز جاڭارتۋدى جەنە جالعا بەرٸلەتٸن بٶلمەلەردٸ قايتا قۇرۋدى تالاپ ەتەدٸ.
"اتالعان ستاندارتتى ەنگٸزۋ دەرٸ-دەرمەكتٸڭ قۇنىنا قاتتى ەسەر ەتەدٸ – باعا كەم دەگەندە 27-30%-كە كٶتەرٸلەدٸ. كەيبٸر دەرٸ-دەرمەك ساتىلىمنان جوعالادى جەنە بۇل ادامداردىڭ دەنساۋلىعىنا كەرٸ ەسەر ەتەتٸنٸ سٶزسٸز", - دەپ مەلٸمدەدٸ دەپۋتات.
بۇدان بٶلەك جاڭا ستاندارتتىڭ ەنگٸزٸلۋٸ نارىقتىڭ مونوپولييالانۋىنا, دەرٸ-دەرمەكتٸڭ كٶلەڭكەلٸ نارىعىنىڭ ۇلعايۋىنا, جۇمىسسىزدىقتىڭ ارتۋىنا, سالىق تٷسٸمدەرٸنٸڭ ازايۋىنا الىپ كەلەدٸ.
وسىعان بايلانىستى مەجٸلٸسمەندەر دەرٸحانالىق ستاندارتتى ەرٸكتٸ تٷردە ەنگٸزۋدٸ ۇسىندى.
"GPP ستاندارتىن ەنگٸزۋدٸ تالاپ ەتەتٸن قوسىمشا بيۋروكراتييا نە ٷشٸن قاجەت? جوعارىدا ايتىلعاندار نەگٸزٸندە GPP ستاندارتىن ەنگٸزۋدٸ ەرٸكتٸ تٷردە جٷرگٸزۋ مٷمكٸندٸگٸن ۇسىنامىز", - دەپ تٷيٸندەدٸ سٶزٸن نۇرىموۆا.
