سوڭعى كەزدەرٸ ەلەۋمەتتٸك قامتاماسىز ەتۋ سالاسىندا الاياقتىق سحەمالار بەلەڭ الا باستادى. بۇل تۋرالى مەجٸلٸستٸڭ جالپى وتىرىسىندا دەپۋتات ەكاتەرينا سمىشلياەۆا مەلٸم ەتتٸ, دەپ حابارلايدى قازاقپارات.
«جىل سايىن زەينەتاقى تٶلەۋ بٶلٸگٸندە مەملەكەتتٸڭ ەلەۋمەتتٸك مٸندەتتەمەلەرٸن ورىنداۋعا مەملەكەتتٸك بيۋدجەتتەن 2 ترلن تەڭگەگە تارتا قاراجات بٶلٸنەدٸ. الايدا سوڭعى كەزدەرٸ ەلەۋمەتتٸك قامتامتاسىز ەتۋ سالاسىندا الاياقتىق سحەمالار بەلەڭ الا باستادى», - دەدٸ ە. سمىشلياەۆا ەڭبەك مينيسترٸنٸڭ اتىنا جولداعان ساۋالىندا.
ونىڭ ايتۋىنشا, قازاقستاننىڭ اۋماعىنان تىس جەردە ٶمٸر سٷرٸپ, باسقا مەملەكەتتٸڭ قامقورلىعىنداعى ازاماتتار زاڭسىز تٷردە ەلٸمٸزدٸڭ مەملەكەتتٸك قولداۋىنا يە بولىپ وتىر. ياعني زەينەتاقىنى قوسارلانعان تٷردە الىپ جٷرگەندەر بايقالىپ وتىر.
وسىنداي ازاماتتارعا قاتىستى تالاپ-ارىزدار سانى مەن كٶلەمٸ كٷن سايىن ارتىپ كەلەدٸ. بۇل رەتتە ٶندٸرٸپ الۋدىڭ ورتاشا سوماسى 6 ملن تەڭگەگە دەيٸن جەتٸپ جاتىر. نەگە وسىندايعا جول بەرٸلدٸ? قازاقستانداعى زەينەتاقى تۋرالى زاڭناماعا سەيكەس, ەلٸمٸزدە تۇراقتى ٶمٸر سٷرٸپ جاتقان ازاماتتار, شەتەلدٸكتەر مەن ازاماتتىعى جوق ادامدار زاينەتاقى الۋعا قۇقىلى. وسى تەكتەس نورما تمد-عا قاتىسۋشى ەلدەردٸڭ ازاماتتار قۇقىقتارىنىڭ كەپٸلدٸگٸ تۋرالى كەلٸسٸممەن قامتىلعان مەملەكەتتەردٸڭ زاڭناماسىندا دا بار.
سونىمەن قاتار, بۇل قۇجاتپەن تٶلەمدٸ توقتاتۋ تەرتٸبٸ دە رەتتەلەدٸ. كەلٸسٸمنٸڭ 7 بابىنا سەيكەس, شارتقا قاتىسۋشى مەملەكەتتەردٸڭ اۋماعىندا زەينەتكەر قونىس اۋدارعان كەزدە, بۇرىنعى تۇرعىلىقتى جەرٸ بويىنشا زەينەتاقى تٶلەۋ توقتاتىلادى. بۇل رەتتە وسى تەكتەس زەينەتاقى تٷرٸ جاڭا تۇرعىلىقتى جەرٸندەگٸ ەلدٸڭ زاڭناماسىندا قاراستىرىلۋى كەرەك.
«دەگەنمەن, ولاي بولماي تۇر. باسقا مەملەكەتتە ٶمٸر سٷرٸپ, سول ەلدٸڭ ازاماتتىعىن العانىمەن, بۇل ادامدار قازاقستاندا زەينەتاقى تٶلەمدەرٸن ۇزاق بويى الىپ وتىرۋدى جالعاستىرىپ كەلەدٸ. سونىمەن بٸرگە, وسى ازاماتتار جاڭا تۇرعىلىقتى جەرٸندە دە زەينەتاقىنى رەسٸمدەپ الادى», - دەدٸ دەپۋتات.
ونىڭ سٶزٸنە قاراعاندا, قونىس اۋدارعاندار كٶبٸنە ٶكٸلەتتٸ ورگاندار مەن بانكتەردٸ ەسكەرتپەيدٸ. سەيكەسٸنشە, ازاماتتىعىن اۋىستىرعانى جايىندا جەنە زەينەتاقى تٶلەمٸن توقتاتۋ تۋرالى حاباردار ەتپەيدٸ.
اتالعان كەلٸسٸم 1992 جىلى قابىلدانعانىنا توقتالعان ول, قازٸرگٸ كەزدە تسيفرلاندىرۋ مەن اۆتوماتتاندىرۋ جاعدايىندا كەمشٸلٸكتەردٸ تٷزەتۋ مٷمكٸن ەكەنٸن اتاپ ٶتتٸ.
«اتالعان پروبلەما شۇعىل شەشٸمدٸ قاجەت ەتەدٸ. جوعارىدا اتالعاندى ەسكەرە وتىرىپ, ەڭبەك مينيسترلٸگٸ ٶكٸلەتتٸ ورگان رەتٸندە زەينەتاقانى تاعايىنداۋ مەن تٶلەۋ بويىنشا مەملەكەتتٸك قىزمەتكە تالداۋ جٷرٸگٸزٸپ, رەتتەۋدەگٸ كەمشٸلٸكتەر تۋرالى تىڭعىلىقتى اقپارات ۇسىنۋى كەرەك دەپ سانايمىن. كٶشٸ-قون قىزمەتٸمەن بٸرلەسە زەينەتاقى الۋشىنىڭ ەلدەن كەتۋٸ فاكتٸسٸن تٸركەۋ مەسەلەلەرٸندە ۆەدومستۆوارالىق ٶزارا ٸس-قيمىل الگوريتمدەرٸن ٸسكە اسىرۋدى ەزٸرلەپ, قامتاماسىز ەتكەن جٶن. تەحنولوگييالاردىڭ دامۋىن ەسكەرٸپ, سىرتقى ٸستەر مينيسترلٸگٸمەن بٸرلەسە حالىقارالىق كەلٸسٸمنٸڭ نورمالارىن قايتا قاراۋعا باستاماشىلىق ەتكەن دۇرىس», - دەدٸ دەپۋتات.
