قازاقستاندا مەكتەپ بيولوگيياسىن وقىتۋ ساپاسى تٶمەندەپ بارادى. وسىعان بايلانىستى «قازاقستان حالىق پارتيياسى» فراكتسيياسىنىڭ دەپۋتاتى يرينا سميرنوۆا مەدەنيەت جەنە اقپارات مينيسترٸ ايدا بالاەۆانىڭ اتىنا ساۋال جولدادى, دەپ حابارلايدى ult.kz.
دەپۋتاتتىڭ ايتۋىنشا, سوڭعى جىلدارى مەكتەپتەردە «بيولوگييا» پەنٸ ٶزٸنٸڭ ماڭىزىن جوعالتىپ, وقۋشىلاردىڭ پەنگە دەگەن قىزىعۋشىلىعى ازايعان. سونىڭ سالدارىنان تٷلەكتەردٸڭ جاراتىلىستانۋ ساۋاتتىلىعى دا تٶمەندەپ كەلەدٸ.
فوتو: دەپۋتات يرينا سميرنوۆانىڭ باسپاسٶز قىزمەتٸ
ساۋالدا بيولوگييا پەنٸنٸڭ ادام دەنساۋلىعى, ەكولوگييا, رەپرودۋكتيۆتٸ ساۋاتتىلىق جەنە عىلىمي ويلاۋ جٷيەسٸن قالىپتاستىرۋداعى رٶلٸ ەرەكشە ەكەنٸ اتاپ ٶتٸلگەن. دەپۋتات بيولوگييا ساباقتارىندا وقۋشىلار ادام اعزاسىنىڭ قۇرىلىسى, اۋرۋلاردىڭ الدىن الۋ, ۆاكتسيناتسييانىڭ ماڭىزى, دۇرىس تاماقتانۋ مەن سالاۋاتتى ٶمٸر سالتى تۋرالى بٸلٸم الۋى تيٸس ەكەنٸن ايتتى.
الايدا قازٸرگٸ مەكتەپ باعدارلاماسىندا بٸرقاتار مەسەلە بار.
"بيولوگييا پەنٸنە بٶلٸنەتٸن ساعات سانىنىڭ قىسقارۋى. وقۋلىقتاردىڭ تەورييالىق, سيپاتتامالىق باعىتقا تىم بەيٸم بولۋى جەنە زەرتحانالىق ەرٸ پراكتيكالىق جۇمىستاردىڭ جەتٸسپەۋٸ. بيولوگييانى وقىتۋدا تۇتاس جٷيەلٸ تەسٸلدٸڭ بولماۋى. مۇعالٸمدەرگە سەزٸمتال تاقىرىپتاردى (جىنىستىق تەربيە, پسيحيكالىق دەنساۋلىق, ايتۆ/جيتس) تالقىلاۋعا ارنالعان ەدٸستەمەلٸك قولداۋدىڭ تٶمەن دەڭگەيٸ. سونىڭ سالدارىنان بۇل مەسەلەلەر نە مٷلدە نازاردان تىس قالادى, نە فورمالدى تٷردە عانا تٷسٸندٸرٸلەدٸ. ۇبت تاپسىرمالارىنىڭ كٷردەلٸلٸگٸ وقۋشىلاردىڭ پەندٸ ناقتى تٷسٸنۋ دەڭگەيٸنە سەيكەس كەلمەۋٸ. بۇل تەرەڭ بٸلٸم الۋعا ەمەس, تەست جاتتاۋعا يتەرمەلەيدٸ", - دەيدٸ دەپۋتات.
وسىعان بايلانىستى حالىق قالاۋلىسى بٸرنەشە ۇسىنىس جاسادى. ول 6-سىنىپتان باستاپ بيولوگييانى بٶلٸمدەر بويىنشا جٷيەلٸ وقىتۋدى ۇسىندى: 6-سىنىپتا – بوتانيكا, 7-سىنىپتا – زوولوگييا, 8-سىنىپتا – اناتومييا, ال 9–11-سىنىپتاردا جالپى بيولوگييانى تەرەڭدەتٸپ وقىتۋ قاجەت دەپ سانايدى.
سونداي-اق دەپۋتات وقۋلىقتاردى جاڭارتىپ, گەنەتيكا, نەيروبيولوگييا, ەكولوگييا جەنە رەپرودۋكتيۆتٸ دەنساۋلىق تاقىرىپتارىن كٷشەيتۋدٸ, 7–9-سىنىپتارعا جىنىستىق تەربيە مەن سالاۋاتتى ٶمٸر سالتى بويىنشا مٸندەتتٸ ساباقتار ەنگٸزۋدٸ ۇسىندى.
بۇدان بٶلەك, بيولوگييا مۇعالٸمدەرٸن قايتا دايارلاۋ, مەكتەپ كابينەتتەرٸن ميكروسكوپتارمەن جەنە تسيفرلىق زەرتحانالارمەن جابدىقتاۋ, سونداي-اق قورىتىندى ەمتيحانداردى تەست فورماتىنان اۋىزشا جەنە پراكتيكالىق فورماتقا اۋىستىرۋ مەسەلەسٸ كٶتەرٸلدٸ.
دەپۋتاتتار بۇل شارالار وقۋشىلاردىڭ جاراتىلىستانۋ ساۋاتتىلىعىن ارتتىرىپ, جاستاردىڭ ٶز دەنساۋلىعى مەن قورشاعان ورتاعا جاۋاپكەرشٸلٸكپەن قاراۋىنا ىقپال ەتەدٸ دەپ ەسەپتەيدٸ.
