سەناتور مۇرات باقتييارۇلى قارجىلاندىرۋ مەسەلەسٸنە بايلانىستى كٸشٸ ارالدى جوعالتىپ الۋىمىز مٷمكٸن ەكەنٸن ايتتى, - دەپ حابارلايدى Tengrinews.kz.
پرەمەر-مينيستردٸڭ اتىنا جولداعان ساۋالىندا دەپۋتات 2005 جىلى "سىردارييانىڭ ارناسىن رەتتەۋ جەنە كٸشٸ ارالدى قۇتقارۋ" جوباسى اياسىندا كٶكارال بٶگەتٸ سالىنعانىن اتاپ ٶتتٸ. ونىڭ ايتۋىنشا, بۇل جوبا رەسپۋبليكالىق بيۋدجەتتەن جەنە دٷنيەجٷزٸلٸك بانكتەن قارجىلاندىرىلعان. بٷگٸندە بٶگەتتٸڭ 200 مەترٸن سۋ شايىپ كەتكەن جەنە بۇل ۋچاسكەنٸ جەدەل جٶندەۋ قاجەت.
"جوبانىڭ قۇنى تٶرت ميلليارد 582 ميلليون تەڭگە بولادى. بيىل قىركٷيەكتە ٶتكەن رەسپۋبليكالىق بيۋدجەت كوميسسيياسى وتىرىسىندا ەكولوگييا, گەولوگييا جەنە تابيعي رەسۋرستار مينيسترلٸگٸنە سۋ رەسۋرستارى كوميتەتٸنٸڭ بيۋدجەتٸن قايتا بٶلۋ ارقىلى جوبانى باستاۋ ٷشٸن 500 ميلليون تەڭگە بٶلٸندٸ. الايدا 2023-2025 جىلدارعا ارنالعان رەسپۋبليكالىق بيۋدجەتتە بۇل جوبانى قارجىلاندىرۋ قاراستىرىلماعان. پرەزيدەنتتٸڭ كٶكارال بٶگەتٸن نىعايتۋ تۋرالى تاپسىرماسى ەلەنبەي قالدى", - دەپ اشۋلاندى سەناتور.
دەپۋتاتتىڭ ايتۋىنشا, قازٸر كٶكارال بٶگەتٸن ساقتاپ قالماسا, ەكولوگييالىق اپات بولۋى مٷمكٸن. ياعني, بٷگٸندە 27 ميلليارد تەكشە مەتر سۋ جينالعان كٸشٸ ارالدى جوعالتىپ الۋىمىز مٷمكٸن.
"وسىعان بايلانىستى جوبانىڭ اۋقىمدىلىعى مەن ماڭىزدىلىعىن ەسكەرە وتىرىپ, قالعان تٶرت ميلليارد 82 ميلليون تەڭگەنٸ نىساننىڭ قۇرىلىس جۇمىستارىن اياقتاۋ ٷشٸن 2023-2025 جىلدارعا ارنالعان رەسپۋبليكالىق بيۋدجەت اياسىندا بٶلۋدٸ سۇرايمىز", - دەدٸ باقتييارۇلى.
