© Photo: CC0 / Michelle Maria
قازاقستان ٷكٸمەتٸ بايلىققا سالىق سالۋ مەسەلەسٸن قاراستىرىپ جاتىر. بۇل تۋرالى سەنات وتىرىسىندا قارجى ۆيتسە-مينيسترٸ مارات سۇلتانعازيەۆ ايتتى, دەپ حابارلايدى Sputnik قازاقستان.
25 قاراشا كٷنٸ سەنات سالىق كودەكسٸنە ٶزگەرٸستەر مەن تولىقتىرۋلار ەنگٸزۋ تۋرالى زاڭ جوباسىن قاراستىردى. سۇراق-جاۋاپ بارىسىندا دەپۋتات مۇرات باقتييارۇلى بايلىققا سالىق سالۋ مەسەلەسٸن تاعى قوزعادى.
ايتۋىنشا, سەن-سالتانات سالىعى كٶپتەگەن ەلدە بار.
"بۇل جەردە قىمبات ەليتالى جىلجىمايتىن مٷلٸكتەر, ۇشاقتار, ياحتالار, قىمبات اۆتوكٶلٸكتەر, زەرگەرلٸك بۇيىمدار سيياقتى سەن-سالتاناتقا سالىق ەنگٸزۋ ەلدە سالىق سالۋدىڭ ەدٸلەتتٸ جٷيەسٸن قالىپتاستىرادى دەپ ويلايمىن. وسىدان بٸر جىل بۇرىن بۇل سۇراقتى ۇلتتىق ەكونوميكا مينيسترلٸگٸنە قويعان كەزدە ولار وسى باعىتتا جۇمىس ٸستەيمٸز دەگەن بولاتىن. بٸراق, ٶكٸنٸشكە قاراي, مىنا سالىق كودەكسٸنەن مۇنى كٶرٸپ تۇرعان جوقپىز. وسىعان بايلانىستى ەكٸ مينيسترلٸكتٸڭ (ۇلتتىق ەكونوميكا جەنە قارجى مينيسترلٸكتەرٸ) پٸكٸرٸ قانداي?", - دەپ سۇرادى مۇرات باقتييارۇلى.
سەناتوردىڭ ساۋالىنا قارجى ۆيتسە-مينيسترٸ مارات سۇلتانعازيەۆ جاۋاپ بەردٸ.
"بٸز وعان (سەن-سالتاناتقا – Sputnik) سالىقتى قاراستىرىپ جاتىرمىز. بيزنەسپەن اقىلداسىپ جاتىرمىز. كەلەسٸ جىلى ٷكٸمەت جوباسىمەن ەنگٸزٸلەدٸ", - دەپ قىسقا قايىردى شەنەۋنٸك.
2020 جىلى سەنات دەپۋتاتى مۇرات باقتييارۇلى ەلدە بايلىق سالىعىن ەنگٸزۋدٸ ۇسىنعان ەدٸ. دەپۋتاتتىڭ پٸكٸرٸنشە, اۋقاتتى قازاقستاندىقتار حالىق الدىندا ەلەۋمەتتٸك جاۋاپكەرشٸلٸك الىپ, ٶز بايلىعىن ەلدٸڭ دامۋىنا باعىتتاۋعا تيٸس.
سول كەزدەگٸ ۇلتتىق ەكونوميكا مينيسترٸ رۋسلان دەلەنوۆ ٷكٸمەتتٸڭ بايلىققا سالىق ەنگٸزۋ جوسپارى بار ەكەنٸن مەلٸمدەگەن بولاتىن.
