فوتو: مەجٸلٸستٸڭ باسپاسٶز قىزمەتٸ
مەجٸلٸس دەپۋتاتى ابزال قۇسپان باس پروكۋرورعا التاي كٶلگٸنوۆ ورال قالاسىنىڭ ەكٸمٸ بولىپ تۇرعان كەزدە قول قويعان قاۋلى جٶنٸندە ساۋال جولدادى, دەپ حابارلايدى Kazinform اگەنتتٸگٸ.
«ەكٸمنٸڭ قاۋلىسىنا سەيكەس, قالا تۇرعىندارىنا باعباندىقپەن اينالىسۋ ٷشٸن „ۆەنەرا“ باعباندىق سەرٸكتەستٸگٸ ارقىلى جەر ۋچاسكەلەرٸ زاڭسىز بەرٸلگەن. زاڭسىزدىعى سول, اتالعان جەر ۋچاسكەلەرٸ جايىق ٶزەنٸنٸڭ رەكرەاتسييالىق سۋ قورعاۋ ايماعىنا جاتادى, قالىڭ اعاش ٶسٸپ تۇر, سوعان قاراماستان ول جەرلەر جايىق-كاسپيي باسسەين ينسپەكتسيياسىنىڭ كەلٸسٸمٸنسٸز بەرٸلگەن. نەتيجەسٸندە قولدانىستاعى جەر كودەكسٸ, سۋ كودەكسٸ, ەكولوگييا كودەكسٸ مەن جەر كەزەگٸندە تۇرعان 200 مىڭعا جۋىق ورالدىقتىڭ كونستيتۋتسييالىق قۇقىقتارى بۇزىلعان», — دەيدٸ دەپۋتات.
ونىڭ مەلٸمەتٸنشە, قالا ەكٸمٸنٸڭ ٶكٸلٸ سوتتا زاڭبۇزۋشىلىقپەن تولىق كەلٸسكەنٸمەن, جەر بەرٸلگەنٸنە 3 جىلدان استام ۋاقىت ٶتٸپ كەتكەنٸن العا تارتىپ, ۋەكٸلەتتٸ ورگاننىڭ تالاپ ارىزىن قاناعاتتاندىرۋدان باس تارتۋدى سۇراعان.
پروكۋراتۋرا ٶكٸلٸ دە قالالىق ەكٸمشٸلٸكتٸ قولداپ قورىتىندى بەرگەن. سۋديا دا ولارمەن كەلٸسٸپ, تالاپ ارىزدى قاناعاتتاندىرۋسىز قالدىرادى.
ورال قالاسىنىڭ سول كەزدەگٸ ەكٸمٸ التاي كٶلگٸنوۆ قول قويعان قاۋلى بويىنشا, زاڭسىز جەر ۋچاسكەسٸن العان جەر يەلەرٸنٸڭ الداعى كٶكتەمدە جايىق جاعاسىنداعى اعاشتاردى قىرقىپ, تابيعاتقا ٶلشەۋسٸز زييان كەلتٸرە وتىرىپ, قۇرىلىس جۇمىستارىن باستاۋىنا كەڭٸنەن جول اشىلدى.
«سەبەبٸ قولىندا جوعارعى سوتتىڭ شەشٸمٸ بار. ول, ٶز كەزەگٸندە, قالا تۇرعىندارى مەن تابيعات جاناشىرلارىنىڭ اشۋ-ىزاسىن تۋدىراتىنى تٷسٸنٸكتٸ, الايدا جەر يەلەرٸنٸڭ قۇرىلىس جٷرگٸزۋٸنە ەندٸگٸ جەردە ەشكٸم توسقاۋىل قويا المايدى. سونىمەن قاتار وسى ٸسپەن اينالىسۋ بارىسىندا قولىما „ۆەنەرا“ باعباندىق سەرٸكتەستٸگٸنٸڭ ارىزى بويىنشا جەرگٸلٸكتٸ انتيكور تاراپىنان جٷرگٸزٸلگەن تەرگەۋ ماتەريالدارى تٷستٸ. وعان سەيكەس, 2019 جىلدان باستاپ وسى فاكت بويىنشا تٸركەلگەن قىلمىستىق ٸس ەكٸ رەت قىسقارتىلعان», — دەيدٸ ابزال قۇسپان.
دەپۋتات جەردٸ مٷددەلٸ ادامدارعا رەسٸمدەۋدٸڭ قۇيتىرقى سحەماسى بولعانىن ايتادى.
«مٸنە, مەنٸڭ قولىمدا اتالعان سەرٸكتەستٸك باسشىسى 2019 جىلدىڭ 13 مامىرىندا قولىن قويىپ, مٶرٸن باسقان ارىز. وعان سەيكەس, جايىق ٶزەنٸ بويىنداعى جەرلەر ەۋ باستا جەرگٸلٸكتٸ ەكٸمدٸك, جەرگە ورنالاستىرۋ جٶنٸندەگٸ مەملەكەتتٸك جوبالاۋ ينستيتۋتى مەن پروكۋراتۋرا قىزمەتكەرلەرٸ ۇسىنعان تٸزٸم بويىنشا ٶز كٸسٸلەرٸنٸڭ, ورىسشا ايتقاندا „پودستاۆنوي“ ادامدار اتىنا رەسٸمدەلٸپ, كەيٸن باسقا ادامدارعا اۋىستىرىلعان. بۇل فاكتٸلەر تەرگەۋ بارىسىندا انىقتالسا دا, قىلمىستىق ٸس بٷگٸنگٸ كٷنٸ توقتاپ تۇر. ەڭ قىزىعى, دەل وسى قىلمىستىق ٸس تەرگەلٸپ جاتقان تۇستا, 2022 جىلدىڭ 30 جەلتوقسانىندا, ياعني جاڭاجىلدىق قاربالاستى پايدالانىپ ەلدەكٸمدەر جەرگە ورنالاستىرۋ جٶنٸندەگٸ مەملەكەتتٸك جوبالاۋ ينستيتۋتىنىڭ ارحيۆٸنە قاساقانا ٶرت قويعان, سونىڭ سالدارىنان جەر كاداسترىنىڭ مەلٸمەتتەر بازاسى ورنالاسقان سەرۆەر جانىپ كەتكەن. قازٸرگٸ تاڭدا بۇل قىلمىستىق ٸس تە كٷدٸكتٸنٸڭ تابىلماۋىنا بايلانىستى توقتاتىلعان», — دەيدٸ ول.
ساۋال يەسٸ قۇزىرلى ورگان باسشىسىنان جوعارعى سوتتىڭ وسى كٷمەندٸ شەشٸمٸنە تالداۋ جٷرگٸزۋ كەرەك دەپ ەسەپتەيدٸ.
«قۇرمەتتٸ بەرٸك نوعايۇلى, سٸزدەن بقو-داعى ەلەۋمەتتٸك شيەلەنٸستەردٸڭ الدىن الۋ ماقساتىندا جوعارعى سوتتىڭ ازاماتتىق ٸستەر بويىنشا قالىپتاسقان سوت تەجٸريبەسٸنە تالداۋ جٷرگٸزٸپ, پروكۋرورلىق ىقپال ەتۋ شارالارىن قولدانۋدى سۇرايمىن», — دەدٸ ابزال قۇسپان.
