پارلامەنت مەجٸلٸسٸنٸڭ جالپى وتىرىسىندا دەپۋتات سنەجاننا يماشەۆا ەلەۋمەتتٸك تۇرعىن ٷيگە كەزەكتٸ ازايتۋدىڭ قادامدارىن ۇسىندى, دەپ حابارلايدى قازاقپارات.
«قازٸرگٸ ۋاقىتتا تۇرعىن ٷي كەزەگٸندە 540 مىڭ ازامات تۇر. تۇرعىن ٷي قۇرىلىسىنىڭ جوعارى قارقىنىنا قاراماستان, ەلەۋمەتتٸك تۇرعىن ٷيگە كەزەك ازايمايدى, ال كەي جەرلەردە تٸپتٸ ٶسٸپ كەلەدٸ. بۇل كەزەكتە تۇرعان بارلىق ادامداردىڭ تالاپتارى قاشان تولىق ورىندالاتىنىن ەشكٸم ايتا المايدى. مەسەلەن, مەملەكەت باسشىسى
ق.ك. توقاەۆتىڭ تاپسىرماسى بويىنشا حالىقتىڭ اسا وسال توپتارىنا تۇرعىن ٷي قارىزدارىن بەرۋ ٷشٸن 5-10-20 «شاڭىراق» باعدارلاماسى ٸسكە قوسىلدى, ونىڭ وپەراتورى «وتباسى بانك» اق بولىپ سانالادى.
الايدا, باعدارلامانىڭ شارتتارى كٶپبالالى, جالعىز باستى
اتا-انالار, 1 جەنە 2-توپتاعى مٷگەدەكتەر, جەتٸم بالالار سيياقتى ساناتتارعا قولجەتٸمسٸز. كەلٸپ تٷسكەن 37 مىڭ ٶتٸنٸمنٸڭ نەبەرٸ 1500-ٸ عانا ماقۇلدانعان», - دەدٸ دەپۋتات ٷكٸمەت باسشىسى اسقار ماميننٸڭ اتىنا جولداعان ساۋالىندا.
وسى ورايدا ول نىڭ سەبەپتەرٸنە توقتالدى. بٸرٸنشٸدەن, باعدارلاما بويىنشا نەسيە الۋ ٷشٸن سوڭعى 6 ايداعى ەڭبەك نەمەسە كەسٸپكەرلٸك قىزمەتتەن تٷسكەن وتباسىنىڭ كٸرٸسٸن راستاۋ قاجەت. ەدەتتە, مۇنداي تالاپتى بانكتەر كليەنتتٸڭ تٶلەم قابٸلەتتٸلٸگٸن راستاۋ ٷشٸن قويادى. الايدا, ازاماتتاردىڭ وسال ساناتتارىنىڭ, كٶبٸنەسە, جەردەماقىلار مەن زەينەتاقىلاردان باسقا, مٷلدەم ەشقانداي رەسمي كٸرٸسٸ جوق. بۇل رەتتە ولاردىڭ كٶبٸ تۇرعىن ٷي جالداپ, اي سايىن جالعا الۋ اقىسىن تٶلەۋگە 50-100 مىڭ تەڭگە ٸزدەستٸرۋگە مەجبٷر. بۇل سومانى ولار تۇرعىن ٷي قارىزىن ٶتەۋگە جٸبەرە الار ەدٸ.
«سونىمەن بٸرگە جاقسى كرەديتتٸك تاريح ولاردىڭ تٶلەم قابٸلەتتٸلٸگٸنٸڭ ٶلشەمٸ بولا الار ەدٸ. ٶيتكەنٸ, كٸرٸستەرٸن راستاماي, ولارعا جوعارى پايىزبەن تاۋارلىق كرەديتتەر مەن ميكروقارجى ۇيىمدارىنىڭ كرەديتتەرٸ عانا قولجەتٸمدٸ بولادى. بۇل رەتتە ولار كرەديتتٸك تاريحىن بٷلدٸرمەۋ ٷشٸن ولاردى ۋاقىتىندا تٶلەيدٸ. كەپٸلسٸز جەنە قىمبات كرەديتتەردٸ ۋاقتىلى قايتاراتىن بورىشكەرلەر – تەرتٸپتٸ, ولاردىڭ باعدارلاماعا قاتىسۋى مٷمكٸن دەپ سانايمىن. بۇل تۋرالى جينالىستاردا سايلاۋشىلار دا: «بٸزگە مەملەكەتتەن باسپانا كەرەك ەمەس, ونى يپوتەكاعا ساتىپ الۋعا مٷمكٸندٸك بەرسەڭٸزدەر بولدى!» دەپ سۇراعان بولاتىن», - دەدٸ س. يماشەۆا.
دەپۋتات ەكٸنشٸ سەبەپكە توقتالا كەلە, تۇرعىن ٷيدٸ باستاپقى نارىقتا عانا ساتىپ الۋعا بولاتىنىن, بٸراق جاڭا تۇرعىن ٷيدٸڭ باعاسى ٶتە جوعارى ەكەنٸن ايتتى. «شاڭىراق» باعدارلاماسى بويىنشا ٶڭٸرلەردە قارىزدىڭ ەڭ جوعارى سوماسى 12 ميلليون تەڭگەنٸ قۇرايدى. بۇل باعامەن جاڭا سالىنعا ٷيدەن 1-2 بٶلمەلٸ پەتەردٸ عانا ساتىپ الۋعا بولادى, بٸراق ونىڭ ٶزٸ دە جوق. ٶيتكەنٸ, مۇنداي تۇرعىن ٷي قۇرىلىس سالۋ كەزەڭٸندە ساتىپ الىنادى. جەرگٸلٸكتٸ اتقارۋشى ورگاننىڭ قاراجاتى ەسەبٸنەن سالىناتىن ارزان تۇرعىن ٷي دە جەتكٸلٸكسٸز.
«قايتالاما نارىق سۇرانىستى ٸشٸنارا قاناعاتتاندىرار ەدٸ. باعدارلامانىڭ ماقساتى - ەلەۋمەتتٸك تۇرعىن ٷي الۋعا كەزەكتٸ قىسقارتۋ. قۇرمەتتٸ اسقار ۇزاقبايۇلى, وسى ساۋال ارقىلى سٸزدەن حالىقتىڭ ەلەۋمەتتٸك جاعىنان وسال ساناتىنداعى ازاماتتارعا تۇرعىن ٷي ساتىپ الۋ ٷشٸن مٷمكٸندٸكتەردٸ كەڭەيتۋدٸ جەنە 5-10-20 «شاڭىراق» باعدارلاماسىنىڭ شارتتارىن قايتا قاراۋدى سۇرايمىن», - دەدٸ س. يماشەۆا.
وسى ورايدا ول ازاماتتاردىڭ وسال ساناتتارىنا تۇرعىن ٷي قارىزدارىن كٸرٸسٸن راستاماي, ولاردىڭ تٶلەم قابٸلەتتٸلٸگٸن قوسىمشا پارامەترلەر بويىنشا باعالاي وتىرىپ الۋعا مٷمكٸندٸك بەرۋدٸ, سونداي-اق باعدارلاما بويىنشا تۇرعىن ٷيدٸ جىلجىمايتىن مٷلٸكتٸڭ قايتالاما نارىعىنان ساتىپ الۋ مٷمكٸندٸگٸن قامتاماسىز ەتۋدٸ سۇرادى.
