قر دەنساۋلىق ساقتاۋ مينيسترلٸگٸ 24 اقپان كٷنٸ Scat ەۋە كومپانيياسىنىڭ ۇشاعىمەن توكيودان ۇشىپ كەلٸپ, 14 كٷنگە كارانتينگە جاتقىزىلعان جولاۋشىلاردان كەشٸرٸم سۇرادى, دەپ حابارلايدى "ۇلت اقپارات" ۆەدومستۆونىڭ ەلەۋمەتتٸك جەلٸدەگٸ پاراقشاسىنا سٸلتەمە جاساپ.
«مۇنداي تٶتەنشە سانيتارلىق-كارانتين شاراسى كوروناۆيرۋس ينفەكتسيياسىنىڭ ٶرشۋٸنە بايلانىستى ازاماتتاردىڭ قاۋٸپسٸزدٸگٸن قامتاماسىز ەتۋ ماقساتىندا قابىلداندى. اتالعان ينفەكتسييا بٷگٸندە قوعام دەنساۋلىعىنا قاتەر تٶندٸرٸپ وتىر. ايتا كەتۋ كەرەك, بۇل شەشٸم بارلىق تالاپتارعا ساي, قىسقا مەرزٸم ٸشٸندە قابىلداندى», - دەپ جازادى مينيسترلٸك.
قازٸرگٸ تاڭدا بارلىق جولاۋشىلار تەۋلٸك بويى دەرٸگەرلەردٸڭ باقىلاۋىنداعى مەديتسينالىق مەكەمەدە جاتىر. ول نۇر-سۇلتان قالاسىنان 7 شاقىرىم قاشىقتىقتا ورنالاسقان.
ولاردان سىناما الىنىپ, الماتىداعى ايقىمباەۆ اتىنداعى قاۋٸپتٸ ينفەكتسييالاردى زەرتتەيتٸن ۇلتتىق عىلىمي ورتالىققا جٶنەلتٸلگەن.
ەسكە سالا كەتەيٸك, كەشە جاپوندىق Diamond Princess لاينەرٸنٸڭ بورتىندا بولعان قازاقستاننىڭ 4 ازاماتى قازاقستانعا ورالىپ, نۇر-سۇلتان قالاسى №3 كٶپبەيٸندٸ اۋرۋحاناسىنىڭ جانىنداعى ينفەكتسيياعا قارسى كورپۋسقا جايعاسقان بولاتىن.
دەنساۋلىق ساقتاۋ مينيسترلٸگٸنە قاراستى تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸ قازاقستاندا كوروناۆيرۋس ينفەكتسيياسىن جۇقتىرعان ادام تٸركەلمەگەنٸن حابارلايدى. قوسىمشا اقپارات قاجەت بولعان جاعدايدا تەۋلٸك بويى قىزمەت ەتەتٸن 1406 بايلانىس ورتالىعىنا حابارلاسۋعا بولادى.
