قازاقستانداعى دٷنيەجٷزٸلٸك دەنساۋلىق ساقتاۋ ۇيىمى كەڭسەسٸنٸڭ باسشىسى ولەگ چەستنوۆ پوستكەڭەستٸك ەلدەردەگٸ الكوگولمەن كٷرەس مەسەلەسٸ تۋرالى ويىن بٸلدٸردٸ, دەپ حابارلايدى قازاقپارات تٸلشٸسٸ.
«پوستكەڭەستٸك ەلدەردە الكوگولدى تۇتىنۋ دەڭگەيٸ جوعارى. ٶيتكەنٸ ادامدار رەتٸمەن ٸشۋدٸ بٸلمەيدٸ. تەمەكٸگە سالىنعانداي, مەنٸڭ ويىمشا, ٸشٸمدٸككە تىيىم سالىنبايدى. «قۇرعاق زاڭنىڭ» كٶمەكتەسە المايتىنى بەلگٸلٸ. سەبەبٸ, ٸشٸمدٸك كەي ادامداردىڭ داعدىسىنا اينالىپ كەتكەنٸ ٶتٸرٸك ەمەس. دەرٸگەرلەر «ٸشپە, جەمە, تەمەكٸ تارتپا» دەيدٸ. ال حالىق اراسىندا وسىدان كەيٸن دەرٸگەرلەردٸ تىيىمى مەن كەڭەسٸنە «اللەرگييا» پايدا بولادى. ال بٸز «جەسەڭٸزدەر جەڭٸزدەر, تەك شاما ەسكەرٸلسە» دەيمٸز. مايلى تاماق جەگٸڭٸز كەلە مە - كٶپ ەمەس, ازدان تۇتىنىڭىز. پالما مايىنان قاشىقتاۋ جٷرگەن ابزال. ال كٶپشٸلٸك نەگٸزٸنەن بٸزدٸڭ اعزانى الكوگول قۇرتاتىنىن بٸلە بەرمەيدٸ. مٸنە, سوندىقتان, الكوگولدى دۇرىس تۇتىنا بٸلۋ - پايىمدى ەرٸ كومپروميستٸ ۇستانىم», - دەدٸ سپيكەر استانادا ٶتكەن جيىندا.
ساراپشىنىڭ ايتۋىنشا, بۇل رەتتە گرادۋسى جوعارى سۋسىنداردان بايقاۋ كەرەك.
«ەڭ الدىمەن, حالىقپەن جۇمىس ٸستەۋ كەرەك. ەلبەتتە, تىيىم دا بولۋى تيٸس. ادامدار ٸشٸمدٸكتٸ تىعىرىقتان شىعار جول رەتٸندە كٶرمەۋٸ كەرەك. مىسالى, بٸز جاڭا جىلدا ٷستەلگە شامپان قويامىز عوي. بٸرەۋ وسىلاي سابىر ساقتاسا, ەكٸنشٸسٸ مەرەكە باستالماي تۇرىپ, بٸر بٶتەلكەنٸ كٶتەرٸپ ٷلگەرەدٸ. بٸر دەنساۋلىعىمىزعا بارلىق جٷكتٸ ارتا المايمىز. سوندىقتان, ەربٸر ادامنىڭ ٸشٸمدٸكتٸ تۇتىنۋدا ٶز ساياساتى بولۋى كەرەك», - دەدٸ ولەگ چەستنوۆ.
بۇعان مىسال رەتٸندە ولەگ چەستنوۆ الياسكا مەن چۋكوتكانى كەلتٸردٸ.
«الياسكانى الىپ قارايىق. رەسەي جاقتاعى چۋكوتكادا كٶپ اۋىلدىڭ تۇرعىندارى ٸشٸپ كەتكەن. ال الياسكاعا بارساڭىز, جەرگٸلٸكتٸ بيلٸك الكوگولعا قاتىستى ساۋاتتى ساياسات جٷرگٸزٸپ وتىر. ول جەردە ٸشٸمدٸكتەن باسقا باردا كەش ٶتكٸزۋ, تەننيس كورتىندا سايىس ۇيىمداستىرۋ سەكٸلدٸ بالاما قىزىقتار جەتەرلٸك. ادامداردا تاڭداۋ بولۋى تيٸس: ول ٸشكٸسٸ كەلە مە, ەلدە بالالارمەن سپورت زالىنا بارۋدى جٶن كٶرە مە? ددسۇ بۇل رەتتە ەلدەرگە كٶمەكتەسۋگە دايىن», - دەيدٸ ول.
ولەگ چەستنوۆتىڭ ايتۋىنشا, قر دەنساۋلىق ساقتاۋ مينيسترلٸگٸ بۇل باعىتتاعى جۇمىسقا اتسالىسقالى وتىر.
«بٸز تۇراقتى تٷردە كەزدەسەتٸن مينيستر ەلجان بٸرتانوۆ الكوگولدىڭ الدىن الۋعا بايلانىستى قارجى بٶلٸنەتٸنٸن ايتتى. الدىن الۋ جۇمىستارىن جٷرگٸزۋ ٷشٸن اعارتۋ جۇمىسىن كٷشەيتۋ كەرەك. ول جۇمىس مەكتەپتەن باستالۋى تيٸس. بٸر جاقسىسى, قر دەنساۋلىق ساقتاۋ مينيسترلٸگٸ بۇل جۇمىسقا ارالاسىپ قانا قويماي, كٶپ ٸستە باستاماشى دا بولىپ وتىر», - دەيدٸ ولەگ چەستنوۆ.
