قازاقستاننىڭ دەنساۋلىق ساقتاۋ مينيسترلٸگٸ Meta كومپانيياسىمەن بٸرلەسٸپ Facebook پلاتفورماسىندا قان دونورلىعى جوباسىن ٸسكە قوسادى, دەپ حابارلايدى Sputnik قازاقستان.
مينيسترلٸك اقپاراتىنا سەيكەس, بۇل باستاما قازاقستاندىقتاردى دونور بولۋعا ىنتالاندىرادى.
"Facebook ەلدەگٸ قان قورىن تولىقتىرۋعا كٶمەكتەسۋ ماقساتىندا قازاقستاننىڭ دەنساۋلىق ساقتاۋ مينيسترلٸگٸمەن سەرٸكتەس بولدى. بۇل جوبا ادامداردى دونورلىقتان حاباردار ەتٸپ, دونور بولۋ جولدارىن ٸزدەۋدٸ جەڭٸلدەتەدٸ", - دەدٸ Meta كومپانيياسىنىڭ ٶكٸلدەرٸ.
بٸرنەشە سەكۋند سايىن قازاقستاندا ادام ٶمٸرٸن قۇتقارۋ ٷشٸن قان قۇيۋ قاجەت بولادى, ال بٸر دونور ٷش ادامنىڭ ٶمٸرٸن ساقتاپ قالۋى مٷمكٸن.
مينيسترلٸك اقپاراتىنا سەيكەس, كٶپ جاعدايدا ادامدار قاندى قايدا جەنە قاشان تاپسىرۋعا بولاتىنىن بٸلمەيدٸ. Facebook دونور بولۋ جولدارى, پۋنكتەردٸڭ قايدا ورنالاسقانىن, وسى تاقىرىپتاعى ٸس-شارالار تۋرالى اقپاراتتى تەزٸرەك تابۋعا كٶمەكتەسەتٸن فۋنكتسييانى ۇسىندى.
"دەنساۋلىق ساقتاۋ جٷيەسٸ ٷشٸن قان قورىن ساقتاۋ اۋقىمدى مەسەلە ەكەنٸن بٸلەمٸز. قازاقستاندا وسى فۋنكتسييانى ٸسكە قوسۋ ارقىلى قان دونورلارىنىڭ سانىن كٶبەيتٸپ, ناۋقاستاردى قانمەن تۇراقتى تٷردە قامتاماسىز ەتۋگە ٷلەس قوسا الامىز دەپ ٷمٸتتەنەمٸز", - دەدٸ قىتاي, تايۆان, سينگاپۋر, موڭعولييا جەنە ورتالىق ازييانىڭ Meta كومپانيياسىنىڭ مەملەكەتتٸك ساياسات جٶنٸندەگٸ باسقارۋشى ديرەكتورى دجوردج چەن.
دەنساۋلىق ساقتاۋ مينيسترٸ الەكسەي تسوي Facebook بۇل ماڭىزدى جوبا ەكەنٸن اتاپ ٶتتٸ.
"پاندەمييا كەزٸندە دونورلىق بەلسەندٸلٸك بٸرشاما تٶمەندەدٸ, ادامدار مەديتسينالىق ۇيىمدارعا از بارا باستادى. بٸرلەسكەن كٷش-جٸگەرٸمٸزدٸڭ ارقاسىندا قان مەن ونىڭ كومپونەنتتەرٸ تاپشىلىعىنا جول بەرمەۋٸمٸز كەرەك. ەلەۋمەتتٸك جەلٸدەگٸ وسى جاھاندىق جوبا ەلدەگٸ قان قورىن ارتتىرۋعا كٶمەكتەسەدٸ دەپ سەنەمٸن", - دەدٸ الەكسەي تسوي.
ايتا كەتەرٸ, بۇل فۋنكتسييا 18-65 جاس ارالىعىنداعى ادامدارعا Facebook-تە قان تاپسىرۋ تۋرالى اقپارات الۋعا, جەرگٸلٸكتٸ قان تاپسىرۋ ورتالىقتارىندا قان تاپسىرۋ مٷمكٸندٸگٸ تۋرالى حابارلامالار الۋعا جەنە دوستارىن قان تاپسىرۋعا شاقىرۋعا مٷمكٸندٸك بەرەدٸ.
Facebook بۇل اقپاراتتى جاڭالىق ارنالارىندا حابارلاۋ ارقىلى تاراتادى نەمەسە قولدانۋشىلار ونى Facebook-تەن "قان تاپسىرۋ" سۇرانىسى بويىنشا تابا الادى.
