مارقۇم دەنيس تەننٸڭ تۋىسقاندارى مەن دوستارى وقيعا كۋەگەرلەرٸن ٸزدەستٸرۋدٸ قايتا باستادى, دەپ حابارلايدى Sputnik قازاقستان تٸلشٸسٸ.
سوچيدە ٶتكەن وليمپيادا ويىندارىنىڭ جەڭٸمپازى دەنيس تەننٸڭ تۋىسقاندارى مەن دوستارى سپورتشىعا ارنالعان Instagram جەلٸسٸندەگٸ رەسمي پاراقشادا حابارلاندىرۋ جارييالادى.
ولار 19 شٸلدە كٷنٸ قۇرمانعازى مەن بەيسەيٸتوۆا كٶشەلەرٸنٸڭ قيىلىسىندا بولعان قايعىلى جاعدايدىڭ كۋەگەرلەرٸن ٸزدەستٸرٸپ جاتىر.
"2018 جىلى 19 شٸلدەدە ساعات 14:50 كەزٸندە قۇرمانعازى مەن بەيسەيٸتوۆا كٶشەلەرٸنٸڭ قيىلىسىندا كٶلٸكتەرٸ تۇرعان ازاماتتار حابار بەرۋلەرٸڭٸزدٸ سۇرايمىز. دەنيس تەندٸ ٶلتٸرگەن قىلمىسكەرلەرگە قاتىستى تولىق اقپارات جيناۋعا كٶمەكتەسٸڭٸزدەرشٸ. بۇل رەزونانستىق ٸستە ەربٸر دەتال ماڭىزدى. بٸرنەرسە بايقاپ قالعان ەربٸر ادامنىڭ پٸكٸرٸ ماڭىزدى. بۇل جەردە ماڭىزدى ەمەس دەگەن دٷنيە جوق! ەربٸر دەتالدىڭ ٶز رٶلٸ بار. اۆتوتٸركەۋٸشتەگٸ جازبالارىڭىزدى قايتا قاراپ شىعۋدى ٶتٸنٸپ سۇرايمىز. 2018 جىلى 19 شٸلدەدە كٶلٸگٸڭٸزدٸڭ قايدا تۇرعانىن ەسكە تٷسٸرٸڭٸزدەرشٸ. ٶتٸنٸپ سۇرايمىز. كەز كەلگەن سەنٸمدٸ اقپارات ٷشٸن العىس ايتامىز! ەشكٸمنٸڭ ەسٸمٸ جارييا ەتٸلمەيتٸنٸنە ۋەدە بەرەمٸز! تەۋلٸكتٸڭ كەز كەلگەن ۋاقىتىندا +7 701 808 80 00 نٶمٸرٸنە حابارلاسۋلارىڭىزعا بولادى", — دەلٸنگەن حابارلاما مەتٸنٸندە.
بۇل حابارلاندىرۋدى كٶپتەگەن قازاقستاندىق جٷرگٸزۋشٸ مەن اكتەر ٶزدەرٸنٸڭ جەلٸدەگٸ پاراقشاسىندا بٶلٸستٸ. دەنيس تەن 2018 جىلى 19 شٸلدەدە پىشاق جاراقاتى سالدارىنان كٶز جۇمدى. مەنەرلەپ سىرعاناۋشى دەنيس تەنگە ٶزٸ ۇستاپ العان ۇرىلار شابۋىل جاسادى. قايعىلى جاعداي قۇرمانعازى مەن بەيسەيٸتوۆا كٶشەلەرٸنٸڭ قيىلىسىندا ساعات 15 شاماسىندا بولدى.
