دەنيس تەننٸڭ اناسى وكسانا تەن قوعامعا ٷندەۋ جاسادى, - دەپ حابارلايدى تengrinews.kz.
"دەنيس تەننٸڭ تۋىستارى اتىنان بٷكٸل قازاقستان حالقىنا جەنە حالىقارالىق قوعامداستىققا بٸزدٸڭ قايعىمىزدى بٶلٸسٸپ, وسى بٸر اۋىر كەزەڭدە وتباسىمىزدى قولداعاندارى ٷشٸن العىس ايتامىز.
ەرەكشە العىستى نۇرسۇلتان ەبٸشۇلى نازارباەۆقا ايتقىمىز كەلەدٸ. پرەزيدەنت ەردايىم دەنيسكە كٶمەكتەسٸپ, قولدادى.
سونىمەن قاتار, مەملەكەتتٸك ورگاندارعا جەنە ەكٸمدٸككە قولداۋلارى ٷشٸن راقمەت.
قايعىلى جاعداي بولعالى بەرٸ قازاقستاندىق جەنە حالىقارالىق باق ٶكٸلدەرٸ بٸرنەشە رەت حابارلاستى. دەنيستٸڭ قازاسى ەلٸ كٷنگە ۇعىنىقسىز بولىپ وتىر جەنە قازٸر جۋرناليستەردٸڭ سۇراقتارىنا جاۋاپ بەرۋ ٷشٸن كٷش-قايرات تابۋ بٸزگە ٶتە قيىن.
بٸزدٸڭ قايعىمىزعا جەنە سۇحبات بەرۋگە دايىن ەمەس ەكەنٸمٸزگە تٷسٸنٸستٸكپەن قاراۋدى سۇرايمىز. ۇلىمىزدىڭ اتىن جەنە ول تۋرالى جاقسى ەستەلٸكتەردٸ ساقتاپ قالايىقشى!", - دەدٸ وكسانا تەن.
ەسكە سالا كەتەيٸك, 19 شٸلدەدە الماتىدا بەلگٸسٸز بٸرەۋلەر دەنيس تەندٸ پىشاقتاپ كەتكەن بولاتىن. وقيعا شامامەن 15.00-دە قۇرمانعازى مەن بايسەيٸتوۆا كٶشەلەرٸنٸڭ قيىلىسىندا بولعان. كەيٸن قالالىق ٸٸد ٶكٸلدەرٸ دەنيس تەنگە اۆتوۇرىلار شابۋىل جاساعانىن مەلٸمدەدٸ. سٶيتسەك, سپورتشى ۇرىلاردىڭ ٷستٸنەن تٷسكەن بولىپ شىقتى. جانجال كەزٸندە سپورتشىنىڭ اياعىنا پىشاق تيٸپ, كٶپ قان جوعالتقان. ول اۋرۋحانادا كٶز جۇمدى.
