استاناداعى «بارىس-ارەنا» مۇز سارايىندا ٶتكەن دەنيس تەنمەن قوشتاسۋ رەسٸمٸندە قوعام قايراتكەرلەرٸ مەن تانىمال سپورتشىلار جىلى ەستەلٸكتەرٸمەن بٶلٸستٸ, دەپ حابارلايدى قازاقپارات تٸلشٸسٸ.
«بۇل كٷنٸ دەنيستٸڭ جاقىندارىنا كٶڭٸل ايتۋعا دا سٶز تابۋ قيىن. بۇل ٷلكەن قايعى جەنە بارلىعىمىز ٷشٸن ساباق بولدى. مۇنداي قاتەلٸككە ەندٸ جول بەرمەۋ كەرەك. قوش بول جەنە بٸزدٸ كەشٸر, دەنيس», - دەدٸ قر اقپارات جەنە كوممۋنيكاتسييالار مينيسترٸ دەۋرەن اباەۆ سپورتشىمەن قوشتاسۋ رەسٸمٸندە.
قوشتاسۋعا كەلگەن وڭتٷستٸك كورەيا رەسپۋبليكاسىنىڭ قازاقستانداعى ەلشٸسٸ كيم دە سيك دەنيس تەننٸڭ ٶلٸمٸن قازاقستان ٷشٸن عانا ەمەس, ەلەمدٸك قاۋىمداستىق ٷشٸن ورنى تولماس قايعى دەپ باعالادى. ەلشٸ دەنيستٸڭ تەۋەلسٸزدٸك ٷشٸن كٷرەسكەن تانىمال كورەي گەنەرالى مين گىن حونىڭ ۇرپاعى ەكەنٸن ەسكە سالدى.
«اسىل دوسىمىزدى ەشقاشان ۇمىتپايمىز», - دەدٸ ەلشٸ.
سونىمەن بٸرگە, دەنيسپەن قوشتاسۋعا قازاقستانداعى جاپونييا ەلشٸسٸ يتيرو كاۆاباتا دا كەلدٸ. ول كٷنشىعىس ەلٸندەگٸ تابىنۋشىلارى اتىنان دەنيس تەننٸڭ وتباسىنا جەنە بارشا قازاقستان حالقىنا كٶڭٸل ايتتى.
«بٸزدٸڭ حالقىمىز دەنيستٸڭ قوس مەملەكەت اراسىنداعى دوستىق قارىم-قاتىناستاردى نىعايتۋىنا قوسقان ٷلەسٸن جوعارى باعالايدى. كٶپتەگەن جاپوندىق مەنەرلەپ سىرعاناۋشىلار قايعىعا ورتاقتاسىپ جاتىر. بۇل قايعىلى حابار جاپونييا ازاماتتارىنا دا اۋىر تيدٸ. دەنيس تەننٸڭ تاڭعاجايىپ ٶنەرٸ مەن تۇلعالىق كەلبەتٸ مەڭگٸ ەسٸمٸزدە قالادى», - دەدٸ ديپلومات.
ودان كەيٸن دەنيستٸڭ قازاسىنا بايلانىستى قازاقستاندىق بوكسشى دانييار ەلەۋسٸنوۆ جەنە كونكيمەن جٷگٸرۋ سپورتى بويىنشا ەلەم كۋبوگى (1995) كەزەڭٸنٸڭ جەڭٸمپازى بولعان ۆاديم شاكشاباەۆ سٶز سٶيلەدٸ جەنە كٶز جاستارىن تىيا الماعان استانالىقتار دەنيس تەندٸ «كەشٸر, قوش بول» سٶزدەرٸمەن شىعارىپ سالدى.
ايتا كەتەيٸك, قازاقستاندىق سپورتشى دەنيس تەن 19 شٸلدە كٷنٸ پىشاقتان العان جاراقاتتان قايتىس بولدى. سپورتشى كٶلٸگٸنٸڭ ايناسىن ۇرلاماق بولعان ەكٸ ادامنىڭ قىلمىسىنىڭ ٷستٸنەن تٷسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سالعان.
