فوتو: roddom.rklinik.kz
شىمكەنت تۇرعىنى نازەركە پٸرٸمبەتوۆا №2 قالالىق اۋرۋحانادا بوسانۋعا تيٸس بولعان. بٸراق اۋرۋحانادا بٸر اي جاتقان ەيەلدٸڭ سەبيٸ جاتىرىندا شەتٸنەپ كەتتٸ. بالاسىنان ايىرىلعان انا قايعىلى جاعداي دەر كەزٸندە كەسار تٸلٸگٸن جاساماعاننان بولىپ وتىر دەيدٸ, دەپ حابارلايدى Ult.kz اlmaty.tv ارناسىنا سٸلتەمە جاساپ.
تۋىستارى مەديتسينا قىزمەتكەرلەرٸن نەمقۇرايلىلىق تانىتتى دەپ ايىپتاپ, ٸستٸ مۇقييات تەرگەۋدٸ سۇراپ وتىر.
“ونى 5–6 رەت تەكسەردٸ, كت ٷنەمٸ ناشار نەتيجە كٶرسەتەتٸن. تٷندە دە مازاسىز بولاتىن. مۇنىڭ بەرٸن بٸز دەرٸگەرلەرگە ايتتىق, بٸراق ولار مٷلدە قارامادى. سونىڭ سالدارىنان, مٸنە, مەن بالامنان ايىرىلدىم”, – دەيدٸ زارداپ شەككەن ەيەلدٸڭ كٷيەۋٸ اباي بەردٸبەك.
سەبي شەتٸنەپ كەتكەن سوڭ دەرٸگەرلەر ناقتى تٷسٸنٸكتٸ جاۋاپ بەرە الماعان. كەرٸسٸنشە, “بالا تولىق دامىماعان” دەپ اقتالۋعا تىرىسقان. بۇدان بٶلەك, مەديتسينا قىزمەتكەرلەرٸ جەبٸرلەنۋشٸدەن جۋرناليستەرمەن سٶيلەسپەۋٸن سۇراپ, تٸپتٸ پالاتادان شىعارماي قويعان.
“مەن پالاتاعا كٸرگەندە, وندا باس دەرٸگەردٸڭ مٸندەتٸن اتقارۋشى, اكۋشەرلەر, مەدبيكەلەر جەنە تٸپتٸ تەرگەۋشٸ جينالىپتى. ولار قارىنداسىما سەبيدٸ مەيٸتحاناعا بەرمەۋگە كٶندٸرٸپ جاتقان. ٶيتكەنٸ وندا نەرەستەنٸڭ دەنەسٸن سويۋعا جٸبەرەدٸ دەپ سەندٸرۋگە تىرىسقان. مەنٸڭشە, ولار مەيٸتكە ساراپتاما جاساتپاي, ٸستٸ جىلى جاۋىپ قويماق بولدى”, – دەيدٸ جەبٸرلەنۋشٸنٸڭ اعاسى اسانەلٸ پٸرٸمبەتوۆ.
قازٸر بۇل فاكتٸ بويىنشا قىلمىستىق ٸس قوزعالدى. پوليتسييا مەديتسينا قىزمەتكەرلەرٸنٸڭ ەرەكەتتەرٸن تەكسەرٸپ جاتىر. سەبيدٸڭ دەنەسٸ, پلاتسەنتا جەنە كٸندٸك باۋى ساراپتاماعا جٸبەرٸلدٸ. ول بالانىڭ ناقتى نەدەن شەتٸنەپ كەتكەنٸن انىقتاۋعا تيٸس. سونىمەن قاتار قالالىق دەنساۋلىق ساقتاۋ باسقارماسى كەسار تٸلٸگٸن جاساۋ جوسپارلانعانىن مەلٸمدەدٸ.
“ۇرىقتىڭ ٶكپەسٸن دايىنداۋ ٷشٸن كەسار تٸلٸگٸن وسى اپتادا جاساۋ كەرەك ەدٸ. الايدا پلاتسەنتانىڭ ٶزٸندە جەنە ونىڭ تامىرلارىندا پروبلەمالار بولدى. سونىڭ سالدارىنان پلاتسەنتا مەن ونىڭ تامىرلارىنداعى مەسەلەلەردەن كەيٸن ۇرىقتى قورەكتەندٸرۋ مەن وتتەگٸمەن قامتاماسىز ەتۋ ناشارلاپ, اعزا ٶزٸنٸڭ تەپە-تەڭدٸگٸن ساقتاي الماي, دەكومپەنساتسييا بولعان. وسىلايشا, 3-ٸنەن 4 جەلتوقسانعا قاراعان تٷنٸ ۇرىقتىڭ انتەناتالدىق ٶلٸمٸ تٸركەلدٸ”, – دەدٸ دەنساۋلىق ساقتاۋ باسقارماسىنىڭ بٶلٸم باسشىسى يننا گلازەبنايا.
اۋرۋحانادا بولعان قايعىلى جاعدايدان كەيٸن باقىلاۋ كٷشەيتٸلدٸ. مەديتسينالىق جەنە فارماتسەۆتيكالىق باقىلاۋ كوميتەتٸ وقيعانىڭ بارلىق دەرەگٸن انىقتاۋ ٷشٸن تەكسەرۋ جٷرگٸزٸپ جاتىر.
