جەتٸسۋ وبلىسىنىڭ سارقان اۋدانىندا قوقىستان باسى مەن دەنەسٸ بٶلەك تابىلعان 5 جاستاعى قىزدىڭ اناسى مەن ناعاشى اعاسى سوت الدىندا جاۋاپ بەردٸ. ولار بٷلدٸرشٸندٸ ٶلتٸرمەگەندەرٸن, بالا سىرقاتىنان قايتىس بولعانىن مەلٸمدەدٸ. ال جاساماعان قىلمىستارىن پوليتسەيلەردٸڭ قىسىمىنان كەيٸن مويىنداعانىن ايتادى. بۇل تۋرالى ينفورمبيۋرو باعدارلاماسىندا حابارلاندى, دەپ جازادى halyq-uni.kz پورتالى.
بەس جاستاعى ارۋجاندى «ٶلتٸردٸ» دەگەن كٷدٸكپەن ونىڭ 20 جاستاعى اناسى اقنيەت پەن تۋعان ناعاشى اعاسى اقتٸلەك ۇستالعان. ەكەۋٸنە «ادام ٶلتٸرۋ» بابى بويىنشا ايىپ تاعىلعان. سوت-مەديتسينالىق ساراپتامادا بالانىڭ قىلقىندىرعان سوڭ ٶلگەنٸ كٶرسەتٸلگەن. بٸراق اناسى مۇنى مويىندامادى. ايتۋىنشا, ارۋجاندى ٶزٸنٸڭ ناعاشى اعاسىنان بوسانعاندىقتان, بالا اۋرۋشاڭ بولعان. ەرٸ سول سىرقاتىنان كٶز جۇمعان.
«ناعاشى اعام زورلاعان, ودان كەيٸن سال بالا تۋدى, 14 جاسىمدا بوساندىم. باستاپقىدا بالانىڭ شەتٸنەگەنٸن, بارلىعىن ايتقانبىز. بٸراق ەكٸنشٸ جاۋاپ بٸزدەن ادۆوكاتسىز ۇرىپ-سوعىپ الىنعان. سولاي ايتتىق, قىسىممەن «يە, بالانى ٶلتٸردٸك» دەدٸك», – دەدٸ اناسى اقنيەت.
اقتٸلەكتٸڭ ايتۋىنشا, «قورىققاندىقتان» بالانى ارۋلاپ جەر قوينىنا تاپسىرماي, مەيٸتٸن قوقىسقا لاقتىرعان.
ٸستٸ بولعان اناسى مەن اعاسى بالانىڭ ٶلٸمٸ جايلى نە پوليتسيياعا, نە بالانىڭ مٷگەدەكتٸگٸنە زەينەتاقى تٶلەپ وتىرعان مەكەمەگە دە حابارلاماعان. ال مارقۇم ارۋجان 3 جاسىنا دەيٸن بٶبەكتەر ٷيٸندە, كەيٸن اناسىنىڭ تۋىسى بولىپ كەلەتٸن باقىتگٷل ٶسكەنباەۆانىڭ قولىندا بولىپتى. ونىڭ ايتۋىنشا, ارۋجان اۋىرماعان, بۇل جاعداي بالانى اناسى الىپ كەتكەن سوڭ بولعان.
«1 جاستان 3 جاسقا دەيٸن بٶبەكتەردٸڭ, مٷگەدەكتەرگە ارنالعان ٷيدە تەربيەلەندٸ. سودان كەيٸن تٶرت جاسىنان باستاپ 9 اي مەن قارادىم. سول كٷنٸ كەلٸنٸم مەن ۇلىم كەلٸپ الىپ كەتتٸ. سول كٷنٸ كەشكە جاقىن تالدىقورعاننان باۋىرىن شاقىرىپ, اپارىپ ٶلتٸرٸپ تاستاعان», – دەپ مەلٸمدەدٸ سارقان اۋدانىنىڭ تۇرعىنى باقىتگٷل ٶسكەنباەۆا.
جانتٷرشٸگەرلٸك قىلمىس وسىدان بەس اي بۇرىن سارقاندا بولعان. بەس جاسار قىز بالانىڭ دەنەسٸ بٸر بٶلەك, باسى بٸر بٶلەك كٷيٸندە قالاداعى قوقىستان تابىلدى. ساراپتاما نەتيجەسٸندە مەيٸتتٸڭ قوقىستا ٷش اي جاتقانى انىقتالدى. ال وسى قىلمىسقا قاتىستى سوتتالىپ جاتقان اناسى قازٸر ٷشٸنشٸ بالاسىنا اياعى اۋىر. ەگەر سوتتالۋشىلاردىڭ كٸنەسٸ دەلەلدەنسە, 20 جىلعا نەمەسە ٶمٸر بويىنا باس بوستاندىعىنان ايىرىلۋى مٷمكٸن.
