دٷنيەجٷزٸ قازاقتارى قاۋىمداستىعىنىڭ تٶراعاسى – ەلباسى نۇرسۇلتان نازارباەۆ شەتتە جٷرگەن قانداستار تاعدىرىنان بٸر سەتتە قول ٷزبەي, تٸكەلەي ارالاسۋىنىڭ نەگٸزٸندە باۋىرلارىمىزدىڭ تۋعان جەرٸنە قونىس اۋدارۋ لەگٸ جالعاسۋدا. وسىعان بايلانىستى «وتانداستار قورى» كەاق-نىڭ پيلوتتىق جوباسى اياسىندا موڭعولييانىڭ قوبدا, بايان-ٶلگەي ايماقتارىنان قازاقستانداعى تۋىستارىنا قوسىلىپ, ۇرپاقتارىن اتامەكەنگە جەتكٸزۋ ماقساتىندا پاۆلودار وبلىسىنا كٶپ بالالى 13 وتباسىنىڭ 80 ادامى كٶشٸرٸلدٸ. بۇل تۋرالى "ۇلت اقپارات" قوردىڭ باسپاسٶز قىزمەتٸنە سٸلتەمە جاساپ حابارلايدى.
ايتا كەتەرلٸگٸ, قازاقستانعا بٸرجولاتا كٶشٸپ كەلۋگە نيەت بٸلدٸرگەن قانداستارىمىز نەگٸزٸنەن ەلەۋمەتتٸك, تۇرمىستىق جاعدايىنا بايلانىستى ٶزدٸگٸنەن كٶشٸپ كەلە المايتىن ەدٸ. سوندىقتان, بۇل يگٸ ٸس «وتانداستار قورى» كەاق–نىڭ دەمەۋشٸلەرٸنٸڭ (م.دايربەكوۆ, ا. ماشكەۆيچ, س. سەيتجانوۆ, ب.ٶتەمۇراتوۆ, ق. ساتىبالدى, ا. مۇقيبەك جەنە باسقالار) تٸكەلەي قولداۋىمەن دٷنيەجٷزٸ قازاقتارى قاۋىمداستىعى پاۆلودار وبلىستىق فيليالىنىڭ ۇيىمداستىرۋىمەن ٸسكە اسىرىلدى.
«كٶشٸپ كەلگەن قانداستار اراسىندا 13 بالانى ٶمٸرگە ەكەلٸپ ٶسٸرٸپ, جەتكٸزگەن ارداقتى انا قايشا اپامىز ٶزٸنٸڭ قولىنداعى كەنجە ۇلى مەن كەلٸنٸنٸڭ 6 بالاسىمەن بٸرگە اتامەكەنگە كەلٸپ وتىر. سونداي-اق, جاسٶسپٸرٸم وقۋ جاسىنداعى 46 بالا, 4 ستۋدەنت, 1 زەينەتكەر, ەڭبەك جاسىنداعى 29 ازامات كٶشٸپ كەلدٸ. ولاردىڭ ٸشٸندە اعىلشىن تٸلٸ, باستاۋىش سىنىپ مۇعالٸمدەرٸ, تەحنيكا ماماندارى, مەحانيزاتور, مال دەرٸگەرٸ, مەديتسينا سالاسىنىڭ مامانى, باسقادا ارنايى وقۋ ورتالىقتارىن بٸتٸرگەن تەجٸربيەلٸ ماماندىق يەلەرٸ بار», - دەلٸنگەن باسپاسٶز بايانىندا.
موڭعولييادان كٶشٸپ كەلۋشٸ وتباسىلار مٷشەلەرٸن جەنە وتباسىنىڭ تۇرمىسقا قاجەتتٸ قولدانىستاعى مٷلٸك, جەكە ٷي جٷكتەرٸن رەسەي فەدەراتسيياسىنىڭ التاي ٶلكەسٸنٸڭ تاشانتا كەدەن بەكەتٸ ارقىلى شەكارادان الىپ ٶتۋٸنە بايلانىستى كەلەڭسٸز جاعدايلاردى بولدىرماۋ ٷشٸن «وتانداستار قورى» رف ومبى قالاسىنداعى قازاقستان رەسپۋبليكاسى كونسۋلى قىزمەتكەرلەرٸنٸڭ كٶمەگٸنە جٷگٸنگەن بولاتىن. وسىنداي بٸرلەسكەن شارالاردىڭ نەتيجەسٸندە قانداستارىمىز امان ەسەن ەلگە جەتكٸزٸلٸپ وتىر.
كٶشٸپ كەلۋشٸلەر پاۆلودار قالاسىنداعى «كونىستانۋشىلارمەن ورالمانداردى ۋاقىتشا بەيٸمدەۋ ورتالىعىندا» بٸر اپتا بولىپ, پاۆلودار قالاسىنىڭ تاريحي ورىندارى مۇراجايلارىمەن تانىسىپ, بٸرقاتار قۇقىقتىق اقىل كەڭەس الىپ, قۇجاتتارىن رەسٸمدەپ, مەديتسينالىق تەكسەرۋدەن ٶتەدٸ. ودان كەيٸن, ەكٸباستۇز قالاسىنىڭ, اكەدەميك ەلٸكەي مارعۇلان اتىنداعى اۋىلىنا 9 وتباسى, پاۆلودار اۋدانىنا 2 وتباسى, اقسۋ قالاسىنىڭ دوستىق, اقجول اۋىلدارىنا 2 وتباسى, قالعاندارى تەرەنكٶل, ماي اۋداندارىنا قونىستانادى دەپ جوسپارلانۋدا.
كٶشٸپ كەلگەن وتباسىلارى تٷگەلدەي بيىلعى جىلعى ورالمانداردىڭ ٶڭٸرلٸك كۆوتاسىنا كٸرٸپ, مەملەكەت تاراپىنان ەر ادامعا 88 375 تەڭگە, بٸر جىل بويى ٷي جالداپ تۇراتىن قاراجات بەرٸلەدٸ. بالالارى وقۋ ورىندارىنا, ەڭبەك جاسىنداعىلار جۇمىسقا ورنالاسادى.
