ۆاكتسينا العان جەنە جەتٸ كٷن ٸشٸندە پتر-سىناماسىن تاپسىرعاندار عانا 28 تامىزدان كەيٸن دەمالىس كٷندەرٸ مەكەمەلەرگە كٸرە الادى, - دەپ حابارلايدى Tengrinews.kz تٸلشٸسٸ.
اقپاراتتى دەنساۋلىق ساقتاۋ مينيسترلٸگٸ سانيتارلىق-ەپيدەميولوگييالىق باقىلاۋ كوميتەتٸنٸڭ رەسمي ٶكٸلٸ ەرجان بايتاناەۆ راستادى.
قازاقستاندا كوروناۆيرۋس ينفەكتسيياسىنىڭ تارالۋىن بولدىرماۋ جٶنٸندەگٸ ۆەدومستۆوارالىق كوميسسييا كارانتيندٸ جەڭٸلدەتۋدٸ ماقۇلدادى. ەندٸ 28 تامىزدان باستاپ Ashyq-پەن جۇمىس ٸستەيتٸن نىساندارعا دەمالىس كٷندەرٸ جۇمىس ٸستەۋگە رۇقسات بەرٸلدٸ. الايدا ەسكەرتۋ بار:
- قىزمەتكەرلەرٸنٸڭ Ashyq-تا "جاسىل" مەرتەبەسٸ بار مەكەمەلەر عانا جۇمىس جاساي الادى;
- مەكەمەلەرگە تەك ۆاكتسينا العان جەنە پتر-انىقتاماسىنا جەتٸ كٷن ٶتپەگەن تۇرعىندار عانا كٸرە الادى.
مەكەمەلەر تٷن ورتاسىنا دەيٸن, ال Ashyq "كٶشباسشىلارى" تٷنگٸ ەكٸگە دەيٸن جۇمىس ٸستەي الادى.
بايتاناەۆتىڭ ايتۋىنشا, كەلۋشٸلەر ٷشٸن شەكتەۋلەر تەك دەمالىس كٷندەرٸ قولدانىلادى.
بۇعان دەيٸن قازاقستاندا ەپيدەميولوگييالىق جاعداي تۇراقتالۋىنا بايلانىستى كارانتين رەجيمٸن جەڭٸلدەتۋ بويىنشا بٸرقاتار شەشٸمدەر بەكٸتٸلگەنٸ حابارلانعان بولاتىن.
