Vaktsina alǵan jáne jeti kún ishinde PTR-synamasyn tapsyrǵandar ǵana 28 tamyzdan keiin demalys kúnderi mekemelerge kire alady, - dep habarlaidy Tengrinews.kz tilshisi.
Aqparatty Densaýlyq saqtaý ministrligi Sanitarlyq-epidemiologiialyq baqylaý komitetiniń resmi ókili Erjan Baitanaev rastady.
Qazaqstanda koronavirýs infektsiiasynyń taralýyn boldyrmaý jónindegi vedomstvoaralyq komissiia karantindi jeńildetýdi maquldady. Endi 28 tamyzdan bastap Ashyq-pen jumys isteitin nysandarǵa demalys kúnderi jumys isteýge ruqsat berildi. Alaida eskertý bar:
- qyzmetkerleriniń Ashyq-ta "jasyl" mártebesi bar mekemeler ǵana jumys jasai alady;
- mekemelerge tek vaktsina alǵan jáne PTR-anyqtamasyna jeti kún ótpegen turǵyndar ǵana kire alady.
Mekemeler tún ortasyna deiin, al Ashyq "kóshbasshylary" túngi ekige deiin jumys istei alady.
Baitanaevtyń aitýynsha, kelýshiler úshin shekteýler tek demalys kúnderi qoldanylady.
Buǵan deiin Qazaqstanda epidemiologiialyq jaǵdai turaqtalýyna bailanysty karantin rejimin jeńildetý boiynsha birqatar sheshimder bekitilgeni habarlanǵan bolatyn.
