الماتى قالاسى تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باس مامانى گٷلنارا مەديماروۆا ونلاين بريفينگ بارىسىندا دەمالىس كٷندەرٸ ەنگٸزٸلگەن كارانتين شارالارىنىڭ ەرەجەلەرٸن تٷسٸندٸردٸ, دەپ حابارلايدى قازاقپارات.
ونىڭ ايتۋىنشا, دەمالىس كٷندەرٸ كارانتين شارالارىن قاداعالايتىن مونيتورينگٸلٸك توپ جۇمىس ٸستەيدٸ.
«دەمالىس كٷندەرٸ تۇرعىندارعا سىرتقا شىعۋعا رۇقسات ەتٸلەدٸ, ساياباقتارعا, الاڭدارعا, جاعالاۋعا بارۋعا بولادى, بٸراق مٸندەتتٸ تٷردە ماسكا تاعۋ قاجەت. سەرۋەندەۋگە شىققانداردىڭ سانى ٷش ادامنان اسپاۋى تيٸس. سونىمەن قاتار, ەلەۋمەتتٸك قاشىقتىقتى ساقتاۋ ماڭىزدى. دەمالىس كٷندەرٸ قوعامدىق كٶلٸكتٸڭ قوزعالىسىنا, 65 جاستان اسقان ادامداردىڭ كٶشەگە شىعۋىنا, ساۋدا, ويىن-ساۋىق ورتالىقتارى (ونداعى ازىق-تٷلٸك سۋپەرماركەتتەرٸ مەن دەرٸحانالاردى قوسپاعاندا), ساۋدا ٷيلەرٸنٸڭ, ساۋدا جەلٸلەرٸنٸڭ جۇمىسىنا, سۇلۋلىق سالوندارى, شاشتارازدار, سپا-ورتالىقتارى, كوسمەتولوگييالىق قىزمەت كٶرسەتەتٸن نىسانداردىڭ جۇمىسىنا تىيىم سالىنادى», – دەدٸ گٷلنارا مەديماروۆا.
سونىمەن قاتار, ول كارانتيندٸك شارالاردى ساقتاماعاندار جاۋاپقا تارتىلاتىنىن اتاپ ٶتتٸ.
«تٷنگٸ كلۋبتار, كومپيۋتەرلٸك مەكەمەلەر, بيليارد, تٷنگٸ بارلاردىڭ جۇمىسىنا تىيىم سالىنعان. ەگەر ولاردىڭ جۇمىس ٸستەگەنٸ انىقتالسا, مەكەمە يەلەرٸنە قر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 425-بابىنىڭ 1-بٶلٸگٸ بويىنشا ايىپپۇل سالىنادى», - دەپ ەسكەرتتٸ سپيكەر.
