قازاقستان دەپوزيتتەردٸ كەپٸلدەندٸرۋ قورى «Delta Bank» اق سالىمشىلارىنا باكن اگەنت ارقىلى تٶلەم تٶلەۋ ۋاقىتىن 2021 جىلدىڭ 23 مامىرىنا دەيٸن سوزدى, دەپ حابارلايدى "ۇلت اقپارات".
«تسەنتركرەديتبانكٸ» اق تيٸستٸ كەلٸسٸمشارتقا قول قويدى.
كٶرسەتٸلگەن مەرزٸم ٸشٸندە «Delta Bank» اق سالىمشىلارى اگەنت بانككە جٷگٸنٸپ, كەپٸلدٸك بەرٸلگەن ٶتەمدٸ تٶلەۋ جٶنٸندەگٸ ٶتٸنٸشتٸ تٸكەلەي نەمەسە سەنٸم بٸلدٸرٸلگەن تۇلعا ارقىلى ۇسىنا الادى.
جەكە ٶزٸ كەلگەن جاعدايدا سالىمشىنىڭ جەكە باسىن كۋەلاندىراتىن قۇجاتى بولسا جەتكٸلٸكتٸ, ال سەنٸم ارتىلعان تۇلعا كەلەتٸن بولسا, قۇقىق بەلگٸلەۋشٸ قۇجاتتاردى ۇسىنادى (مىسالى, نوتاريۋس كۋەلاندىرعان سەنٸمحات).
اتاپ ٶتۋ كەرەك, «Delta Bank» اق سالىمشىلارىنا كەپٸلدٸك بەرٸلگەن تٶلەم اگەنت بانك ارقىلى 2018 جىلدىڭ 17 مامىرىنان بەرٸ تٶلەنٸپ كەلەدٸ. ەكٸ جىلدان استام ۋاقىتتىڭ ٸشٸندە جالپى سوماسى 102,3 ملن تەڭگە تٶلەندٸ.
بۇل قور مٸندەتتەمەلەرٸ جالپى سوماسىنىڭ 51 پايىزىن قۇرايدى. بارلىعى 327 سالىمشى دەپوزيتتەرٸ بويىنشا تٶلەم الدى. بۇل - «Delta Bank» اق سالىمشىلارىنىڭ جالپى سانىنىڭ 12 پايىزىنا تەڭ.
اگەنت بانك ارقىلى بەلگٸلەنگەن تٶلەم مەرزٸمٸ اياقتالعان سوڭ, «Delta Bank» اق سالىمشىلارى تٸكەلەي قورعا, دەلٸرەك ونىڭ الماتى مەن نۇر-سۇلتان قالالارىنداعى بٶلٸمشەلەرٸنە جٷگٸنە الادى.
ەلٸمٸزدٸڭ باسقا ٶڭٸرلەرٸندە تۇراتىن سالىمشىلار ٶتٸنٸشتەرٸن جەنە نوتاريۋس كۋەلاندىرعان قۇجاتتارىن پوشتا ارقىلى جٸبەرۋ مٷمكٸندٸگٸنە يە بولىپ وتىر.
بۇل ولارعا قوسىمشا شىعىن كەلتٸرەتٸنٸ بەلگٸلٸ. سوندىقتان قور سالىمشىلارعا كەپٸلدٸك بەرٸلگەن تٶلەمدٸ الۋ ٷشٸن اگەنت بانكتٸڭ بٶلٸمشەلەرٸنە جٷگٸنۋدٸ ۇسىنادى.
ەسكە سالامىز, اگەنت بانك كەپٸلدٸك بەرٸلگەن ٶتەمدٸ جەكە تۇلعالار مەن دارا كەسٸپكەرلەردٸڭ شوتتارى, كارتوچكالارى جەنە دەپوزيتتەرٸ بويىنشا تٶلەيدٸ.
كەپٸلدٸك مٶلشەرٸ:
• ۇلتتىق ۆاليۋتاداعى قاراجاتتار بويىنشا – 10 ملن تەڭگەدەن;
• شەتەل ۆاليۋتاسىندا قاراجاتتار بويىنشا (بانكتٸ مەجبٷرلەپ تاراتۋ تۋرالى سوت شەشٸمٸ زاڭدى كٷشٸنە ەنگەن كٷنٸ بەلگٸلەنگەن ۆاليۋتا ايىرباستاۋ باعامى بويىنشا) – 5 ملن تەڭگەدەن اسپايدى.
سالىمشىلار كەپٸلدٸك بەرٸلگەن ٶتەم الۋدىڭ ٶزدەرٸنە ىڭعايلى تەسٸلٸن: اگەنت بانكتٸڭ كاسساسىنان قولما-قول اقشامەن نەمەسە ٶتٸنٸش بەرۋشٸنٸڭ بانك شوتىنا اۋدارۋ ارقىلى الۋدى تاڭداۋعا قۇقىلى. بۇل رەتتە بانك دەرەكتەمەلەرٸ سالىمشىنىڭ ٶتٸنٸشٸندە ناقتى كٶرسەتٸلەدٸ.
