قر ۇلتتىق بانكٸ تٶراعاسىنىڭ ورىنباسارى ولەگ سمولياكوۆ «Delta Bank» اق-نىڭ بانكتٸك جەنە ٶزگە دە وپەراتسييالاردى جٷرگٸزۋگە, قۇندى قاعازدار نارىعىندا قىزمەت اتقارۋعا ارنالعان ليتسەنزيياسىنىڭ قايتارىلىپ الىنۋىنا قاتىستى باق ٶكٸلدەرٸنەن تٷسٸپ جاتقان ساۋالدارعا جاۋاپ بەردٸ, دەپ حابارلايدى قازاقپارات.
«Delta Bank» اق-تى ليتسەنزييادان ايىرۋ تۋرالى شەشٸم كەلەسٸ فاكتورلاردىڭ بولۋىنا نەگٸزدەلگەن. بٸرٸنشٸ كەزەكتە, زاەمشىلاردى نەسيەلەۋگە مٷمكٸندٸك بەرگەن كرەديتتٸك تەۋەكەلدەردٸ باسقارۋ بويىنشا ٸشكٸ پروتسەدۋرالاردىڭ جەتكٸلٸكسٸزدٸگٸ, تۇراقسىز قارجىلىق جاي-كٷيدٸڭ بولۋى, سونىمەن قاتار ساپالى كەپٸلمەن قامتاماسىز ەتٸلمەگەن زايمداردى بەرۋ كرەديت بويىنشا ٶتەۋ مەرزٸمٸ ٶتٸپ كەتكەن بەرەشەكتٸڭ ايتارلىقتاي ٶسٸمٸنە تٷرتكٸ بولدى. مەسەلەن, 2017 جىلدىڭ 1 قازانىندا ٶتەۋ مەرزٸمٸ ٶتٸپ كەتكەن زايمدار بانكتٸڭ ۇارىز قورجىنىڭ 99,7 پايىزىن (314,8 ملرد تەڭگە) قۇرادى», - دەدٸ ول.
ونىڭ ايتۋىنشا, ەكٸنشٸدەن, ليتسەنزييادان ايىرۋ تۋرالى شەشٸم قابىلدانعان كەزدە بانكتٸڭ كوررەسپوندەنتتٸك ەسەپشوتتارىندا جەنە كاسساسىندا قالعان اقشا 215,1 ملن تەڭگەنٸ قۇراعان. ال دەل وسى كەزدەگٸ دەپوزيتورلار مەن كرەديتورلار الدىنداعى ٶتەۋ مەرزٸمٸ ٶتٸپ كەتكەن مٸندەتتەمە سوماسى شامامەن 79,8 ملرد تەڭگە بولعان. وسىعان بايلانىستى ۇلتتىق بانك ۇزاق ۋاقىتتان بەرٸ «Delta Bank» اق مەنەدجەرلەرٸمەن جەنە اكتسيونەرلەرٸمەن اشىق سۇحبات جٷرگٸزٸپ, بانككە قارجىلىق قولداۋ قاجەت ەكەندٸگٸن بەلگٸلەپ بەرگەن. الايدا بانكتٸڭ ٸرٸ اكتسيونەرٸ تاراپىنان بانككە قارجىلاي قولداۋ كٶرسەتٸلمەگەن.
«بانك سەكتورىنداعى جيىنتىق اكتيۆتەر مەن مٸندەتتەمەلەردەگٸ بۇل بانكتٸڭ اكتيۆتەرٸ مەن مٸندەتتەمەلەرٸنٸڭ ٷلەسٸ تٶمەن ەكەندٸگٸنە بايلانىستى بانكتٸڭ ليتسەنزييادان ايىرىلۋى ٶزگە قارجىلىق ينستيتۋتتارعا قانداي دا بٸر تەۋەكەل ەكەلمەيتٸندٸگٸن اتاپ ٶتەمٸز. قر ۇلتتىق بانكٸ تٶراعاسىنىڭ 2017 جىلعى 2 قاراشاداعى №402 بۇيرىعىمەن ۋاقىتشا ەكٸمشٸلٸك تاعايىندالىپ, وعان بانكتٸڭ بارلىق باسقارۋ ورگاندارىنىڭ ٶكٸلەتتٸگٸ بەرٸلدٸ. ۋاقىتشا ەكٸمشٸلٸك سوتپەن تاراتۋ كوميسسيياسى تاعايىندالعانعا دەيٸن جۇمىس ٸستەيتٸن بولادى», - دەدٸ ولەگ سمولياكوۆ.
ۇب تٶراعاسى ورىنباسارىنىڭ سٶزٸنە قاراعاندا, 3 قاراشادان باستاپ كليەنتتەردٸڭ جەنە بانكتٸڭ بانكتٸك ەسەپشوتتارى بويىنشا بارلىق وپەراتسييالار توقتاتىلدى. تەك ٶكٸلەتتٸ ورگانداردىڭ نورماتيۆتٸك-قۇقىقتىق اكتٸلەرٸندە كٶزدەلگەن شىعىستارمەن بايلانىستى بانككە تٷسەتٸن اقشالاردى اۋدارۋ عانا جٷرگٸزٸلەدٸ.
«قر ۇلتتىق بانكٸ بەلگٸلەنگەن زاڭنامالىق تەرتٸپپەن سوتقا بانك قىزمەتٸن مەجبٷرلٸ تٷردە توقتاتۋ تۋرالى ارىز بەردٸ», - دەدٸ ول.
بۇعان قوسا, ول اتالعان بانك جەكە تۇلعالاردىڭ دەپوزيتتەرٸن مٸندەتتٸ كەپٸلدەندٸرۋ جٷيەسٸنە قاتىسۋى ەكەندٸگٸن ەسكەرتٸپ ٶتەدٸ. ونىڭ دەرەگٸنشە, تەڭگە تٷرٸندەگٸ دەپوزيت بويىنشا كەپٸل بەرٸلگەن سوما 10 ملن تەڭگە دەيٸنگٸ, ال شەتەل ۆاليۋتاسىندا 5 ملن تەڭگەگە دەيٸنگٸ سومانى قۇرايدى. وسىعان بايلانىستى دەپوزيتورلارعا بەلگٸلەنگەن تەرتٸپپەن كەپٸل بەرٸلگەن سوما ٶتەلەدٸ.
