بيىلدان باستاپ مەكتەپكە جۇمىسقا تۇراتىن ماماندار كەسٸبي شەبەرلٸگٸ بويىنشا سەرتيفيكاتتاۋدان ٶتەدٸ. الايدا بۇل تالاپ بۇعان دەيٸن ساباق بەرگەن, بٸراق قازٸر دەكرەتتە وتىرعان انالارعا قاتىستى ەمەس. بۇل تۋرالى بٸلٸم جەنە عىلىم مينيسترٸ اسحات ايماعامبەتوۆ مەلٸمدەدٸ, دەپ حابارلايدى Sputnik قازاقستان.
"بيىل مەكتەپكە جۇمىسقا قابىلداناتىنداردىڭ بەرٸ سەرتيفيكات الۋى كەرەك دەپ جاتىر. مەن ٷش جىل بويى دەكرەتتە وتىردىم, جۇمىس ٸستەگەن جوقپىن. سوندا بۇل سەرتيفيكاتتى مەن دە الۋىم كەرەك پە?", - دەپ سۇرادى دەكرەتتەگٸ مۇعالٸمدەردٸڭ بٸرٸ مينيستردەن.
"بۇل - سٸزدەرگە قاتىستى تالاپ ەمەس. ەگەر سٸز دەكرەتتە بولساڭىز, مەكتەپكە ورالىپ, ەرٸ قاراي جۇمىسىڭىزدى جالعاستىرۋعا بولادى. سٸزدەردەن ەشكٸم ەشقانداي جاڭا سەرتيفيكات تالاپ ەتپەيدٸ", - دەپ جاۋاپ بەردٸ ايماعامبەتوۆ حالىققا ەسەپ بەرۋ كەزدەسۋٸندە.
ول سەرتيفيكاتتاۋ وقۋ ورنىن ەندٸ عانا تەمامداعان تٷلەكتەرگە ارنالعان تالاپ ەكەنٸن اتاپ ٶتتٸ.
"ەگەر ول جاقسى بٸلٸم السا, بٸلٸكتٸ مامان بولسا, ۋنيۆەرسيتەتتٸ بٸتٸرگەن بويدا ۇلتتىق بٸلٸكتٸلٸك تەستٸن تاپسىرۋ وعان ەش قيىنعا سوقپايدى. تٶرت جىل بويى پەداگوگيكالىق ماماندىق بويىنشا وقىعان ادام ونى ەش پروبلەماسىز تاپسىرادى. تاپسىرعاننان كەيٸن سەرتيفيكاتىن الىپ, مەكتەپكە بارادى. ٶزٸنٸڭ شىن مەنٸندە تەورييا جٷزٸندە عانا ەمەس, تەجٸريبەدە دە ساباق ٶتكٸزە الاتىنىن كٶرسەتەدٸ. بٸراق بۇل بيىل جوعارى وقۋ ورنىن بٸتٸرگەن جەنە بۇعان دەيٸن مەكتەپتە ەشقاشان جۇمىس ٸستەمەگەن, جۇمىسقا ەندٸ كٸرٸسكەلٸ جاتقان ەرٸپتەستەرگە قويىلاتىن تالاپ", - دەپ تٷسٸندٸردٸ مينيستر.
ايماعامبەتوۆ سەرتيفيكاتتاۋداعى ەڭ باستى ماقسات – مەكتەپتەردە بٸلٸم ساپاسىن كٶتەرۋ ەكەنٸن ايتتى.
بۇعان دەيٸن 2021 جىلدان باستاپ پەداگوگيكالىق ماماندىق بويىنشا جۇمىسقا العاش رەت تۇرۋ ٷشٸن ٷمٸتكەرلەر كەسٸبي شەبەرلٸگٸ بويىنشا سەرتيفيكاتتاۋدان ٶتەتٸنٸ حابارلانعان ەدٸ. ياعني ديپلومعا قوسا تيٸستٸ كۆاليفيكاتسييا الۋ مٸندەتٸ ەنگٸزٸلەدٸ.
سونداي-اق, پەداگوگتەر جۇمىسقا كونكۋرس ارقىلى قابىلدانادى. ول تولىعىمەن ەلەكتروندى فورماتتا جٷرەدٸ.
