ٶتكەن اپتانىڭ ٸشٸندە ەلەم بويىنشا 4,1 ملن استام ادام كوروناۆيرۋس جۇقتىرىپ, 44 مىڭنان استامى قايتىس بولدى. دٷنيەجٷزٸلٸك دەنساۋلىق ساقتاۋ ۇيىمى (ددۇ) تاراتقان مەلٸمەتكە ساي, ۆيرۋس جۇقتىرۋ جاڭا وقيعالارىنىڭ سانى الدىڭعى اپتامەن سالىستىرعاندا 2 پايىز, ال ودان بولعان ٶلٸم وقيعالارى – 9 پايىز قىسقاردى, دەپ حابارلايدى قازاقپارات.
ددۇ-نىڭ اپتا سايىنعى ەپيدەميولوگييالىق بيۋللەتەنٸندە كەلتٸرٸلگەن ستاتيستيكالىق مەلٸمەت بويىنشا, 13-19 جەلتوقسان ارالىعىندا قاۋٸپتٸ ۆيرۋس جۇقتىرعان 4 177 622 ادام انىقتالىپ, 44 616 ٶلٸم وقيعاسى انىقتالدى. بۇل الدىڭعى اپتاعا قاراعاندا تيٸسٸنشە 2 جەنە 9 پايىز از.
سونىمەن بٸرگە, افريكادا كوروناۆيرۋس جۇقتىرۋدىڭ (53 پايىز) جەنە ودان بولعان ٶلٸم وقيعالارى سانىنىڭ (15 پايىز) ايتارلىقتاي ٶسٸمٸ تٸركەلدٸ. افريكادان باسقا, اۋرۋ جۇقتىرۋ دەڭگەيٸ باتىس-تىنىق مۇحيتى ايماعىندا دا ٶسكەن (12 پايىز).
قاۋٸپتٸ ۆيرۋسكە شالدىعۋ وقيعالارىنىڭ 63 پايىزى ەۋروپادا تٸركەلگەن, ال ودان بولعان ٶلٸم وقيعالارى 60 پايىزدى قۇراپ وتىر. سونىمەن بٸرگە, وندا اۋرۋ جۇقتىرۋ دەڭگەيٸ 3 پايىز, ال ٶلٸم-جٸتٸم دەڭگەيٸ – 7 پايىز قىسقارعان. امەريكادا كوروناۆيرۋس جۇقتىرۋ جاڭا وقيعالارىنىڭ سانى 10 پايىز, ال وڭتٷستٸك-شىعىس جەنە شىعىس جەرورتا تەڭٸزٸ ايماعىندا – 12 پايىز قىسقاردى.
